1Piyer 5:3 - Nouveau Testament en Guidar

³ Kədaw zəmaŋ məlĩ aket ɗii na Maŋgəlva ɓa, məs apsukəməŋ amma va məzərbaŋ sit zəga dəsbokumən gəni.

Bible en Guidar

³ Kədawzəmaŋ məlĩ aket ɗiy en məppet avokuməŋ ɓa, məssoŋ ka ɗiy məs ngaɓa adawgəm ədaw neti.

1Piyer 5:3 ပူးပေါင်းရင်းမြစ်များ

Yohanna 13:15

Nəɗɗa vas na wərban sukumi, vi kəɗɗanən gən vaska va nəɗɗa sukum.

Wəza net Masləŋɗe 20:28

Məga zukum məga ngaɓa məs Əmpəs Salala apəl sukuməŋka. Məsoŋ məzuteɗeŋge net kretiyenɗe na Maŋgəlva, məs arah də əmta na Wətəni.

1Korintus 11:11

Amma aza Ɗəfdaya na, ɗəf mizilin duɗak dət guluk ɓa, guluk bo tuɗak də ɗəf mizilin ɓa.

1Korintus 3:5

Naway Apollos di? Naway Pol di? Nam məɗɗaŋ wəza na Maŋgəlva mənan ɗarə, ɗii gugiriɗ mənan ɓa, ɗii məs nabaah sukum kəsoŋ gən məs məkpaŋgokum kəsoŋ gən ɗii məs dətafən Maŋgəlva mənani. Ko naway suwalaŋgəm pak tayəɗɗa wəza nan məs Ɗəfdaya apsən naɗɗa.

1Korintus 3:9

Sula gəm pak ɗii məɗɗaŋ wəza na Maŋgəlva mənani, munokumtə guli na Maŋgəlva. Də wən məkpaŋga maɓɓan bo: Munokumtə bo gəla na Maŋgəlva.

2Korintus 1:24

Məŋgəl məsam gən va məlyeŋge aka wətaf nokum ɓa, vi kəziweŋgək akan də sembe. Amma nam məŋgəl əbaah sukum vi kərəhaŋ gən əneken zukum.

2Korintus 4:5

Nam mərbana wənna gəɓa zəm ɓa, say wənna Zezu Krestu, ndəni Ɗəfdaya, nam mənam tatərbana məɗɗaŋ wəza nokum mənan vi Zezu.

Filipi 3:17

Milmiŋgiɗwa, məsbawa, mula wədaw nam azokum va zəga narban sukum wənna, məzi horokum azet ɗii məzu dawaŋ vaska.

Filipi 4:9

Məɗɗa an məs kəppremaŋ sə maw də an məs nərbə sukum də wəpel nawa də wədaw nawa. Maŋgəlva məs dədapsəm zam dəsan də munokum.

1Tesaloniki 1:7

Ha kəkpaŋgaŋgək va zəga narban wədaw sit ɗii na Maŋgəlva a Makedoniya də Akaya pakə.

2Tesaloniki 3:9

Gesiŋ, ɗii nawrəh zəga nawzəm səvokum mənan kəta. Amma məɗɗa zəm vasna, vi wərban sukum na kəgəmən gən təlmə.

1Timote 4:12

Ɗəf adawgusok vi kəsok muzliya ɓa. Asok azet ɗii məs dətafaŋ pak va zəga narban sit tive, də wəpele də wəza də wəŋgla gəm də wətaf an məza də mambray ɓa.

Titus 2:7

Nok bo atak zuk səza wəza mambray pakə, vi kəsok gən va ɗəf narban wəza mogoni, asok də goŋga aza zəga narba noko, asok ɓatɓat də wəsən noko.

1Piyer 2:9

Amma nokum munokumtə əlfa an muwelin, munokumtə məs dəlvəŋge na məlĩya, ɗii yen salala, na Maŋgəlva kənanaŋ. Agil gukumək səra guzliyo, akukumək ara təki babar nan nagət akani. Awel kumuko ka kəpelin gən wənna wəza nan məs mogonəŋka.