1Piyer 5:12 - Nouveau Testament en Guidar

¹² Nəver sukum wənnəs suɗike də əbaah na Silas, ndəni məlmu an nəsən fəkatə vikum. Mawaka əsɓokum, də əɗɗa sukum, saydawa aka wənnəska, ndəni mbəlembəle an gesiŋ gesiŋ. Məsok zukum də sembe adəvən.

Bible en Guidar

¹² Nəver sukumək wən siɗikkes də əbbah na Silas, məs nədawɗi ka məlmu məziw aka təstəsə, vi dəsɓokumgəni, dərban sukumgən na addəv mbəlembəle na Maŋgəlva kpak kəziweŋgi.

1Piyer 5:12 ပူးပေါင်းရင်းမြစ်များ

Yohanna 21:21

Yaŋ Piyer awla, apsən Zezu na: Ɗəfdaya mbari na ɗəffaŋ di?

Wəza net Masləŋɗe 11:23

Adan Barnabas agapə, awlak va Maŋgəlva agəɗ zəzay sit ɗii veti, zən anneke, yaŋ asəɓ sit na, say dəsənən Ɗəfdaya də goŋga də makret taka.

Wəza net Masləŋɗe 15:22

Yaskan masləŋɗe dit ɗii gugiriɗ net kretiyenɗe, aslereŋ aweleŋ ɗii sə waleŋti, vi kaw slinit a Antakiya də Pol gəm Barnabas. Awelinik Zuda məs adawyaŋ na Barsabas, gəm Silas. Ndəɗaŋ sula pak ɗii təstəssəŋ azet Kretiyenɗe.

Wəza net Masləŋɗe 20:24

Amma naw azaw na, ko an əmtəka ko nəmtə ɓa, an nəɓapək wəgrak wəslən nawa də wəza naw məs Ɗəfdaya Zezu apəl suwəŋka, wəza nan ndəni wərban labara nenek aka wənna mbəlembəle na Maŋgəlva.

Roma 5:2

Ɗə wətaf Zezu Krestuwi, mərah wəzar gu'o aza mbəlembəle na Maŋgəlva, ndəni an məsam aban kakaŋ gesi. Ndən dəda neken səm zəmə, mərmak wənnan amakram naw rəh gakdak na Maŋgəlva.

1Korintus 15:1

Milmiŋgiɗwa, say nəɗumon sukum wənna labara nenek məs nərban sukum kətafaŋgəŋka, akani ətaf nokum aziwi.

2Korintus 1:19

Zezu Krestu Wətən Maŋgəlva* məs mərban sukum annokumda, mənam də Silas gəm Timote, tay vaski walla awwo ɓa, say tətakay kaaka'ə ndəni vaski.

2Korintus 1:24

Məŋgəl məsam gən va məlyeŋge aka wətaf nokum ɓa, vi kəziweŋgək akan də sembe. Amma nam məŋgəl əbaah sukum vi kərəhaŋ gən əneken zukum.

Efesus 3:3

Maŋgəlva akosuk kiyən suwa vi karban su wən məɗama nani, va nəver sukum, wənnan suɗikes dabəŋ,

Efesus 6:21

Tikikus məlməm məs məŋgələ, məgəɗ wəza na Ɗəfdayayi də goŋgayi aza zəga pakə, wannah sukum va nəsawa də an va nədaɗɗa.

Kolosi 1:7

Səma Epafras kədapprəmən wənnani, məzəɗɗa wəza də mənamə, ɗəf təstəssi, məgəɗ wəza na Krestu vikum.

Kolosi 4:7

Vasna Tikikus wa nah sukum labara naw pakə. Nəŋgluwək sawɓa, vi tayəɗɗa wəza sən Ɗəfdaya sap də ina, də goŋgay aza wəza nani.

Kolosi 4:9

Wambat də Onesimus, məlməm an nəŋgələ an də goŋga, ɗəf naka dələv nokumi. Wanah sukum wən annahəŋ pakə.

1Tesaloniki 1:1

Letərəŋka səza Pol də Silas gəm Timote ade, əkan azet kretiyenɗe na Tesaloniki, ɗii na Maŋgəlva, də Affən Ɗəfdaya nam Zezu Krestu, dəpsukum mbəlembəle nan də zam nani.

2Tesaloniki 1:1

Letərəŋka səza Pol də Silas gəm Timote ade, əkan azet kretiyenɗe na Tesaloniki məs dəsoŋ ɗii na Maŋgəlva Affəmə də Ɗəfdaya Zezu Krestu:

Ibriɗe 13:22

Munokum milmiŋgiɗwa, əntatə kamokum, mətaf wənnawəs də zukum neki, dəsɓanə gən makrokum. Letər nawəs bo tay zekeɗekeɗe ɓa.

1Piyer 1:13

Vi vaski məzaɓan wəɗum nokum naɗɗa wəza sən Maŋgəlva, məzi zukum, məɗi wəɗum nokum pak aka zəzay məs dədazan sukum pay Zezu Krestu adazani.

1Piyer 4:10

Ko naway dəzi zən aza əvəl məs Maŋgəlva apsəni, də baah sit gin ɗii meɓɓet dəndən, də wəɗɗan vaski kədaw ganən əvəl məs Maŋgəlva apsukum temtemi.

2Piyer 1:12

Vi wənnəski nəppana wəɗumon sukum wənnan ɓa, ko də kəsəŋgən wənnan pakə, dəkəsoŋ də sembe adəv goŋga məs kərəhaŋ pakə.

2Piyer 2:15

Yaŋ apanən tive mogoni, azaŋka, asbanənək tive na Balama wətən Be'or məs dəŋglu deleɗ məs adaw rəh də wəɗɗa mambraya,

3Yohanna 1:12

Amma Demetriyus, ɗii pak tahəŋ wənahaŋ na Demetriyus megeɗ zəga mogoni sawɓa. Goŋga bo tay pel akan na gesiŋgi, nam bo məɗɗak saydawa nani, kəsənka an məs mədaw pel pak gesiŋgi.

Zuda 1:3

Bayneŋgiɗwa, nəgayək də wənna əver sukum ɗerewel aka wənna əkoh məs məsap akani, amma nulaka nəsokuk zu əver sukum kakaŋka, vi kasɓokum adəv əgay məs mədawgay vi ətaf məs Maŋgəlva apsəm təl taka məkki viyit ɗii nan pakə.