1Piyer 5:10 - Nouveau Testament en Guidar

¹⁰ Amma dərɓaga saha məs kədaw zəmaŋ suɗike, Maŋgəlva Affən mbəlembəle pakə, məs dəyukum aka gakdak nan məza agrak ɓa ka kəsapaŋ gən də Zezu Krestu, wasugukum ɓəlɓəl va aka milɓe. Ndən sən kiyən waɓəlokum, wapsukum sembe.

Bible en Guidar

¹⁰ Ya Maŋgəlva afən mbəlembəle məs dəyukum addəv gagdak an faɗ addəv Kristu wasɓokum dəvani dərɓaga sãhã məs kəzəmaŋ ənziya siɗikke; waɓɓəlokum, wapsukum gbogboŋgo, waziwgukum ɓəlɓələ.

1Piyer 5:10 ပူးပေါင်းရင်းမြစ်များ

Luka 22:32

Amma nəkkamək viko, vi wətaf nok adagrak ɓa. Pay kəl tubiya wakisɓet milmiŋgiɗko.

Roma 15:13

Maŋgəlva Affən zəga məs kədawgaŋ, dəknah sukum makrokum də wəneke də zam an təstəssə, də wətaf məs kərəhaŋ dəndən, vi kəsoŋ gən guromɗe aza zəga məs kədawgaŋ də sembe na Əmpəs Salala.

Roma 15:5

Maŋgəlva məs dədapsən sembe naw ɓəsən də wəziw gən makra, kəsoŋ gən nek awalaŋ zukum də maɗula taka də wəgəm təl Krestu.

Roma 16:25

Məgəɗ səm soko sən Maŋgəlva, ndəni də sembe naw ɗikum də sembe aza wətaf nokum, va an Labara Nenek məs nəpel sukum, wən məs nərban aka Zezu Krestu wəŋka, ndəni va an məsənə məs mərah Maŋgəlva aɗamani. Wənnəska məɗamani daga farfar laŋka.

Roma 9:11

Amma məs Maŋgəlva awel na, aziw gənək aka wəɗum nani. Ndəni anah sət Rebekka na: An daya wagəɗ wəza aba an sawã. Maŋgəlva anəh wənnan na, məɓəlli uwet tagay ɓa, walla dəɗaŋ gən wəza mogoni walla mbrayen ɓa. Maŋgəlva duwel aza ula wəza net ɓa, wənnan tayərban na Maŋgəlvayi də wel də əŋgla nan katər gəni.

Roma 9:24

Anamiyi ayə, suweleŋgit Yahudiyenɗe kaaka ɓa, amma gəm suweleŋgit ɗii məs Yahudiyenɗeŋ ɓa pakə.

1Korintus 1:10

Milmiŋgiɗwa, əntatə komokum də iya na Ɗəfdaya nam Zezu Krestu, wən nokum dəsan taka, mokum taka kədaw gayaŋ ɓa, amma məsler mokum taka, də kuket nokum pak dəsan taka.

1Korintus 1:9

Maŋgəlva məs dəyukum ka kəsoŋ gən də Wətən Zezu Krestu Ɗəfdaya namə, də goŋgayi aza an adawpel pakə.

2Korintus 13:11

Yo milmiŋgəɗwa məsoŋ zam kana. Məsok zukum kəsoŋ gən də goŋga, mətaf wənnawəŋ də makrokum taka. Məsoŋ dəsler awalaŋ zukum də əsuwa neki. Asna Maŋgəlva məs dədapsukum əŋgla də əsuwa zam, wasan də munokum.

2Korintus 4:17

Gesiŋ adəv bonoy mənani, amma tay tuwãh ɓa, anzi naɓa. Bonoy nan waki səm gakdak ana san ha faɗə, metiŋgini sawɓa.

Filipi 4:13

Wanəɓəs ko mi dəgəɗ di pakə, vi Krestu wavay sembe.

Kolosi 2:7

Say məmpa siwerkum azani, va wəlaŋga adampa siwerin aka dəlva fuŋ, məɗi zeŋgillekum azani, məsɓan wətaf nokum, məɗi zəga məs kəyaganən akokum, məgəɗ soko sən Maŋgəlva pay pakə.

1Tesaloniki 2:12

Məpel sukumko, də wəsɓokum, məziw gukumko vi kəsoŋ gən də Maŋgəlva məs dəyukum aka məlĩ nan də gakdak nani.

2Tesaloniki 2:14

Məpel sukumək labara neneke. Dəni Maŋgəlva ayukum ka kərəhaŋ gən haran nokum adəv gakdak na Ɗəfdaya nam Zezu Krestu.

2Tesaloniki 2:17

dəzɓanən makrokum, də wapsukum sembe nawpelin də wəɗɗa an mogoni.

2Tesaloniki 3:3

Amma Ɗəfdaya də goŋgayi. Waɓəlokum wagukum vi Satan adasbər gukum ɓa.

1Timote 6:12

Say agay vi wətaf an mogoni, vi kərah gən zeŋgille nasuwa ha faɗə. Maŋgəlva ayukuk aka zeŋgille van pay məs kəɗɗa saydawa na taf nok mogon karet ɗii pak məs dəɗɗaŋ saydawa noko.

2Timote 1:9

Ndəni dəkoh gəmə, ndən dəyəmə məsam gən ɗii nani, vi wəza mogon məs məgəɗi ɓa, amma vi wəŋgla nani də mbəlembəle nani, aɗɗa səmək mbəlembəle nan də Zezu Krestu, daga məɓəlli əɗɗa zəga tagay ɓa.

2Timote 2:10

Intatə ɓəsən pak viyit ɗii məs Maŋgəlva aweli, vi net bo dərəhaŋ gən wəkoho də gakdak nasan ha faɗə də Zezu Krestu.

Ibriɗe 9:15

Ndəni kan Krestu asan məzinan wən meleketeni, vi ɗii məs məyet dərəhaŋ gən zəzay məs nawsan ha faɗə an məs Maŋgəlva anah na, wapsit ɗii nani. Vi ɗəf takayi dəmtə, vi kamet ɗii səka mambray net məs aɗɗaŋ daga asoŋ də wən minan məsvani.

1Piyer 1:15

Amma va Maŋgəlva məs dəyukum asan salala, nokum bo məsoŋ salala də wədaw nokum pakə.

1Piyer 4:10

Ko naway dəzi zən aza əvəl məs Maŋgəlva apsəni, də baah sit gin ɗii meɓɓet dəndən, də wəɗɗan vaski kədaw ganən əvəl məs Maŋgəlva apsukum temtemi.

1Piyer 4:11

An ɗəf wapeli, say dəpel wənna Maŋgəlva. Ɗəf maɓɓan məgəɗ wəza sən ɗəffa, dəɗɗa də sembe məs Maŋgəlva apsənəŋka, an məs kədaɗɗaŋ pak say dəsan naw gakdakan Maŋgəlva də Zezu Krestu. Sembe pak nani də gakdaka ha faɗə. Amin.

2Piyer 1:3

Maŋgəlva apsəmək sembe nan metiŋgini, vi mədaw sam də wəray na zəga maɓɓan adəv əsuwa nam də ətaf ɓa. Apsəmək də wəsənən, ndəni ayəm məsap gən dəndən adəv gakdak nani də mogoni.

1Yohanna 2:25

Awla an məs Krestu aynan na wapsəmə, ndəni zeŋgille nasuwa ha faɗə.

Zuda 1:24

Maŋgəlva waɓap wəgukum səza zəga pakə, kəzaŋ na ki tive ɓa, wagəm mambray nokum pakə, wakpaŋgokum salala, wakəzoŋ wizu aban adəv gakdak nan də wanekən zukum diiɗa.