1Piyer 4:3 - Nouveau Testament en Guidar

³ Wəsuwa məs kəsoŋ lahəŋka vanet ɗii məs Yahudiyenɗeŋ ɓa, adaɗɗaŋ va wəŋgla neti mekki. Kəsuwaŋgək adəv mambray də wəsim zəga də wəhala, də mbazla əboykum də wəsmay mbrayen, də wəsaa mbazla diiɗa də wəzaɓ tuya.

Bible en Guidar

³ Vi, pay məs kəzanən lahəŋ də əɗɗa an nannek zit ɗiy məs dəsənən Maŋgəlva ɓaŋ məkki. Kəssoŋguk addəv əɗɗa ɗarɗarə, wəsim mbərayən, əbay na mbazla, əsmay mbərayən, wəsa mbazla diyɗa də wəzaɓ zəgeɗkamaŋgəlva.

1Piyer 4:3 ပူးပေါင်းရင်းမြစ်များ

Markus 7:22

Wəɗɗa mana'a, də wəsim zəga, mambraya, tepelkeɗi, wəŋgla mbrayen, kotoroku, wəra ɗəffa, wəɓay gən ki zuko, də dərwa.

Wəza net Masləŋɗe 17:30

Maŋgəlva aɓəsəka adan ɗii dəsənən wənnan an məs adaɗɗaŋ ɓa, amma kakaŋ na tay iye ɗii ko səŋga pakə, də tubiyoŋ gəni.

Roma 13:13

Say məgəɗ səm wəza məs dəslə azamə, vi ɗii na kapay mənani, məga səm zəm səza wəsmay mbrayen də wəbay na mbazla, də wəɗɗa polkoyo, də ɗarɗarə, də zəga mbrayen pakə, məppan səm wəgaya də kotoroku.

1Korintus 12:2

Daga kəɓəl ətafən Ɗəfdaya tagay ɓa, matuya nokum tay kukum aza tuya məs awpel ɓa.

1Korintus 6:11

Ɗii suwalaŋkum bo, tayəɗɗaŋ veneti. Amma ya nokum na, mbrayen nokum məviyani, məwel kumi, kəsoŋ gən kana Maŋgəlva, məkpaŋgo kumi də iya na Ɗəfdaya nam Zezu Krestu, gəm də Əmpəs na Maŋgəlva.

2Korintus 12:21

An nədek annokumda əmpa na, nəŋgəl Maŋgəlva naw dəgəsgəwə gən ɓa, ka nəhəm gən viyit ɗii diiɗa məɗɗaŋ mambraya, ya də tubiyaŋ ɓa, dəppanən wəɗɗa zəga daryaw ɓa, də wəɗɗa mana'a də ɗarɗarə.

Galatiyen 5:19

Wəza na gəɓa zə ɗəf na ndəɗaŋ yeŋ dədarbanən zitiŋki: Wəɗɗa mana'a, zəga naw see'e, ɗarɗarə,

Galatiyen 5:21

garzlaw, witem də mbazla, wəsmay mbrayen. Zigeɗiski. Intatə nah sukum aka wənneti nənah sukumək səkay məzəɗenin zemvit wəzeɗes arəhaŋ na məlĩ na Maŋgəlva ɓa.

Efesus 5:18

Mbazla daw baykum ɓa vi ndəni məzlaɓan maɗula ɗəffa. Amma məsoŋ məknahkum də Əmpəs na Maŋgəlva.

1Tesaloniki 4:5

Məza də wəɗum mbrayen vanet ɗii məza dəsənən Maŋgəlva ɓa adaɗɗaŋ ɓa.

Titus 3:3

Vi nam bo lahəŋ na mənam tat zigeɗ dəɗerɗe, mawɓe' sit ɗii ɓa, məray gənən wənna, balemɗe na wəsim zəga temtem mənani, an naneken zə ɗəffa, məs darawɗe mənani məsimeŋ zəga mənani, tahəŋ wəzelmə, mənam tatə zeleti.

1Piyer 1:14

Məpprəm səm ma Maŋgəlva kədasbanən wəsim zəga nokum məs kədaw simeŋ lahəŋ daga kəɓəllə sənən goŋga ɓaŋ ɓa.

Zuda 1:4

Vi ɗii mbreyit atoŋgoŋguk awalŋmə, məzi zəm aza wənnet ɓa. Aray gənənək labara na mbəlembəle na Maŋgəlva, vi kaw zaɓan wən naɗɗa mambray neti, appanənək wənna Zezu Krestu, ndəni mərbə zəga namə də Ɗəfdaya taka vaŋka. Daga far lahəŋka, ɗerewel na Maŋgəlva arban səmək kita nan arihik ɗiiyiŋ kakaŋka.