1Piyer 3:8 - Nouveau Testament en Guidar

⁸ Aŋki wəgrak na wən məs nədaw ver sukum: Məsoŋ də maɗula taka, wəɗum taka, məwəl saha aka zukum də wəŋglu zukum va məlma, məbaah sən zukum, kədarbanən daya sit milmiŋgiɗkum ɓa.

Bible en Guidar

⁸ Əbay man na: Məssoŋ də maɗɗula taka, wəɗɗum taka, məssoŋ də əŋgla na məlma, mulaŋ sahã aka zukum, məza əgagdakan zukum ɓa.

1Piyer 3:8 ပူးပေါင်းရင်းမြစ်များ

Matiye 18:33

Kaŋ mogoni kuwəl gən saha aka məgəɗ wəza də is va nəwəl saha akokəŋ ɓa sa?

Luka 10:33

Amma yaŋ məs Samariya tay mbat malaka, agapək təki nani. Yaŋ awla ɗəf naka awələk saha kani.

Wəza net Masləŋɗe 2:1

Yaŋ kan pay wəzləra məs adawyaŋ na Pentekosta* agapə, ɗii na Maŋgəlva pak akkalaŋgək atəki taka.

Wəza net Masləŋɗe 27:3

Vit pumpum nani, məgap a Sidon, Zuliyus bo tayula saha aka Pol apanək dəmbat gən anet bayneŋgiɗin da, vi dəpsənən gən zəga an natər sən wəraya.

Wəza net Masləŋɗe 28:7

Guli na Publiyus ɗəf metiŋ na mətuwəra van tay faraɗa də təki nan ɓa. Azəm gəmək sawɓa, məsamək ananda wəvoŋ hoku.

Wəza net Masləŋɗe 4:32

Ɗii na Maŋgəlva akpaŋgaŋgək makret taka, maɗulet taka. Ɗəf tay dədawnah na aŋ arya nawi katər gən ɓa, amma asapanənək arya net pakə.

Roma 12:10

Məŋglu zukum, vi məlma kənanaŋ adəv wətaf nokum məs kətafən Krestu, məɓe sən zukum.

Roma 15:5

Maŋgəlva məs dədapsən sembe naw ɓəsən də wəziw gən makra, kəsoŋ gən nek awalaŋ zukum də maɗula taka də wəgəm təl Krestu.

1Korintus 1:10

Milmiŋgiɗwa, əntatə komokum də iya na Ɗəfdaya nam Zezu Krestu, wən nokum dəsan taka, mokum taka kədaw gayaŋ ɓa, amma məsler mokum taka, də kuket nokum pak dəsan taka.

1Korintus 12:26

An zəga naza gəɓa zə ɗəf taka nan tay də gbəgba'a, zigeɗ naza gəɓa zə ɗəf pak wasoŋ də gbəgba'a. An məgakdakani taka səmbeti, ndəɗaŋ pak wasoŋ zit nek dəndən.

Efesus 4:2

Kədaw kaɓaŋ aket ɗii meɓɓet ɓa, məsoŋ də zam awalaŋ zukum də wəɓəsən, məɓəs sən zukum də əŋgla.

Efesus 4:31

Vi vaski məzar gən wənna siya, də wəda gədəva pak səmokrokum. Kədaw hayyanən zukum ɓa, kədaw ranən zukum ɓa, məgil gən ndarsak pak suwaloŋkum.

Efesus 4:32

Amma məsoŋ lewlew aza zukum, də mokrokum barə, də əviyan mambray na zukum va Maŋgəlva aviyan sukum mambray nokum vi wənna Krestu.

Filipi 2:3

Ko mi adaɗɗa də wəgay ɓa, walla də wekaɓ ɓa, amma də wəɓegən ki zukum də ula ɗii meɓɓet day kiko.

Filipi 3:16

Say məsok səm zəmə də wəsban tive an məs məsban laŋka ha gap dəpaŋka.

Kolosi 3:12

Kəkpaŋgaŋgək ɗii na Maŋgəlva aŋglukumko, awelkumko. Vi vaski nokum bo məsoŋ də ula saha aket ɗii meɓɓeti, məzu ɓe'eŋ sitin ɗii yi, də wən mogoni, məzu ɓəsən wənna.

Ibriɗe 13:1

Məŋglu zukum, vi məlma kənanaŋ.

Yakob 2:13

Vi ɗəf məs awla saha aka ɗəf ɓa, Maŋgəlva bo wataw kita akan məza ula saha akan ɓa. Amma an kawla saha aket ɗiiyi, asna nok bo kita arumuk na ɓa.

Yakob 3:17

Amma maɗula an nawsən zəga məs dəde sə disiŋ, nan salalayi. Nan tay ki zamə də ɓatɓatə, dəbayna, awɗeket ɗii ɓa, awa tepelke aket ɗii ɓa.

Yakob 5:11

Mənam tatə ɗiyit ka ɗii məs dərəhaŋ zəzaya, vi dəpanən wəɓəs net ɓa. Kəpprəmənək wənna Ayuba bo va aɓəsa. Kəsənənək bo Ɗəfdaya atər sən wəray nan dərɓaga wəzəm saha nani. Vi Ɗəfdaya aknahək də ula saha aket ɗii də wəgəɗ sit mogoni.

1Piyer 1:22

Kəkpaŋganənək mokrokum salala də wəsban goŋga, də wiŋgliw milmiŋgiɗkum məs dətafaŋ, vini məŋglu zukum də mokrokum taka məza də mataka taka ɓa pay pakə.

1Piyer 2:17

Məgakdeket ɗii pakə, məŋliw milmiŋgiɗkum kretiyenɗe, məgeslne sən Maŋgəlva, məgakdakan məlĩya.

1Piyer 5:5

Nokum tamə gewleɗi, məpprəm met ɗii gugiriɗ nokum. Məgəɗ wəza sən zukum, də əɓe sən zukum. Va məverin adəv ɗerewel anahə: Maŋgəlva tay bay gagay sit məzu gakdakanən ziti, amma wapsit mbəlembəle sit ɗii məzə ɓegənən ziti.

2Piyer 1:7

də əŋgla net milmiŋgiɗən də əŋgla na Maŋgəlva.

1Yohanna 3:14

Məsənka məzarək səza əmta mətoŋguk adəv zeŋgille. Məsən vasna, vi məŋglu milmiŋgiɗmi. Ɗəf məzel məlməni, nan dəɓəl wəzar sətəki namta ɓa.