1Piyer 3:4 - Nouveau Testament en Guidar

⁴ amma say mogon nokum dəsan amakrokum, də maɗulokum mogoni, məs agrak ɓa nan zəga na sləmay aba Maŋgəlva.

Bible en Guidar

⁴ ya dəsan də makrokum, lelew məs awray ɓa maɗɗula na zazaya, məs də sləma diyɗa aba Maŋgəlva.

1Piyer 3:4 ပူးပေါင်းရင်းမြစ်များ

Matiye 11:29

Məsban wənnawa, məyagan azawa, ɗəf mogow nani nəzəm gukum na saha ɓa, zeŋgille kum warəhaŋ wəfete.

Matiye 21:5

Mənahsən walaŋ gəla metiŋ na, Siyona. Awla məlĩ nok tayizan anokda awkaɓ ɓa, tay kaa'a aka koro, akat bəlatək nata.

Matiye 23:26

Munokum Farisiyenɗe deŋgerɗe kənanaŋ, məɗet gidivit zigeɗ naw saa zəga nokum dabəŋ tagay, asna gəɓet bo wasan mogoni.

Matiye 5:5

Zəzay azet ɗiiyen məza aɗɗaŋ ɗarɗar ɓa, net Maŋgəlva wapsət dəlva va anahə.

Luka 11:40

Ɗii Məza maɗulet tay ɓa, Maŋgəlva məs dəɗɗa gəɓani aɗɗana gədəvən ɓa sa?

Luka 16:15

Zezu apsit na: Mokum aka kəsoŋ gən ɗii təstəs amaheret ɗiiyi, amma Maŋgəlva asənək mokrokum, vi an məs ɗii adawlaŋ va zəga metiŋgin, zəga nan tay də sləman aba Maŋgəlva ɓa.

Roma 1:23

Dəngereŋ wəzuliyaŋ kaw gakdakan Maŋgəlva məs amta ɓaɓa nɗəɗaŋ dal əzuli sit fotoɗe net ɗii mimtiti, dit biŋgeɗi, dit zigeɗ mamayeɗi, gəm zigeɗ məkroketi.

Roma 2:29

Ɗəf məs dəskəl awra aza zəni, nan Yahudiyen an də goŋgay ɓa, say an məs dəskəl awra amakrani. Wəskəl awra an də goŋga, say də Əmpəs na Maŋgəlva adawsani, asanna də wənna dəv ɗerewel na ma henziŋ ɓa, Yahudiyen an də goŋga, akay na gakdak nan avet ɗii ɓa, say aza Maŋgəlva kaaka'ə.

Roma 6:6

Məsənka, ɗəffan na dəvəm məsam dabəŋ dəndən na, amtək də Krestu aka wəlaŋga məzliwrihe, vi gəɓa zəm an də mambray dəzə gən kuɗupu, va wənah na an məs mambray aday kiyən, vi mədaw sam balemɗe na mambray əmpa ɓa.

Roma 7:22

Makraw neki də ma henziŋ na Maŋgəlva sawɓa, amma gəɓa zu tayəsban ma henziŋ maɓɓani.

2Korintus 10:1

Yo in Pol, mawaka əpel sukum wənna zəknaw kakaŋka, ɗii meɓɓet tahəŋ ənəhaŋ na: Naslən zu daga nəsaw awaloŋkum ɓa, amma də sembe nan akokum, daga nəsaw faraɗa də munokum. Intatə komokum də əpprəma də mogon məs Krestu agəɗə.

2Korintus 4:16

Vi wənnani məppana əɗum nawga zəga nan ɓa. Gesiŋ, zeŋgille anna gəɓa zəməŋ wazə, amma zeŋgille məs Maŋgəlva adapsəmə, nan tay ndəf pay pakə.

Galatiyen 5:23

wəɓegən zuko, wərma zuko, zemvit es bo ma henziŋ taya ket ɓa.

Efesus 4:2

Kədaw kaɓaŋ aket ɗii meɓɓet ɓa, məsoŋ də zam awalaŋ zukum də wəɓəsən, məɓəs sən zukum də əŋgla.

Kolosi 3:12

Kəkpaŋgaŋgək ɗii na Maŋgəlva aŋglukumko, awelkumko. Vi vaski nokum bo məsoŋ də ula saha aket ɗii meɓɓeti, məzu ɓe'eŋ sitin ɗii yi, də wən mogoni, məzu ɓəsən wənna.

Kolosi 3:3

Ya kəmtaŋka zeŋgillekum bo məɗamani də Krestu aza Maŋgəlva.

1Tesaloniki 4:11

Məsok zukum kəsoŋ gən zamə, də wəɗum aka zəga nokum sən kikum, də wəɗɗa wəza nawzəm nokum, va məɗi sukum wənnan səkay.

2Tesaloniki 3:12

Zemvit ɗii neti, mənam tatəsəɓ siti də wənah siti, də iya na Ɗəfdaya nam Zezu Krestu, say dəsokun ziti, dəɗɗaŋ wəza nawzəm neti.

1Timote 2:2

Məzuli viyit məlĩyeŋge dit məs sembe ko ɗii awedi pakə, vi məsam gən də zamə, məza wən ɗarɗar ɓa, say də geslne na Maŋgəlva, də wədaw mogoni.

2Timote 2:25

Say dərban gən zəga də kuket sit ɗii məzu peleŋ mbrayen akani. Kuzuŋ Maŋgəlva wabaah siti dətubiyaŋ gəni dəpprəmən gən gabba goŋga.

Titus 3:2

Adawpeleŋ mbrayen aka ko naway di ɓa, adawgayaŋ ɓa, dəsoŋ də maɗulet zayə, dərbanən sitin gin ɗii wənna ɓe sit ɗii an mogoni.

Yakob 1:21

Vi wən aski məppan wəza mambray sə makrokum pakə. Kədaɗɗaŋ mambray əmpa ɓa, məpak sləmokum amba wənnəŋka, məs Maŋgəlva aɗi amakrokum, ndəni də sembe nawkoh gukum sə ma əmta.

1Piyer 1:23

Nokum kuwaŋgək meleketekum də əpel na Maŋgəlva madaran məza agrak ɓa, nokum kuwaŋgək də Affukum məza amta ɓa.

1Piyer 3:15

Amma Məgakdakan Krestu amakrokum, dəsan gən Ɗəfdaya nokum. Məzaɓan zukum ko dewɗe pak naw zlan sit ɗii məs dəda sohokumən aka zəga məs kədaw gaŋ.