1Piyer 3:21 - Nouveau Testament en Guidar

²¹ Vasna iŋkileŋki, ana baptem adarbanəni. Məs dədaw koh gukum kakaŋka, də wəskoɓ haramba na gəɓa zə ɗəffi ɓa, amma adəvəni mədaw sler də Maŋgəlva, də viyan səmə gən mambray sə makramə, baptem wakoh gukum də wəsil gən Zezu Krestu sətəki əmta.

Bible en Guidar

²¹ Vasna iŋkileŋki, ana baptem məs dədawkõhgukum kakaŋ arbaŋgə, əskoɓ haramba na gəɓa zə ɗəfi ɓa, əŋgla əssa makra babar səva Maŋgəlva yi, tay əkõhgukum də wəsilye na Yesu Kristu səka əmta.

1Piyer 3:21 ပူးပေါင်းရင်းမြစ်များ

Matiye 28:19

Vi vaski məduwaŋ, azet ɗii pak məkpaŋget dəsoŋ gən gewleɗ nawa məɗɗe sit baptem də iya na Affən də iya na Wətən də iya na Əmpəs Salala.

Markus 16:16

Ɗəf məs dətafa, məɗɗa sən baptem wakohu. Ɗəf məs dətaf ɓa kita na Maŋgəlva waslba.

Yohanna 13:9

Piyer apsən na: Ɗəfdaya, asna kədaskoɓ təlu kaaka ɓa, amma askoɓ vaw də kiyu pakə.

Wəza net Masləŋɗe 16:33

Dəpaska, məgə daŋgay agil gitike, askoɓuk huweɗ neti. Yaskan arah baptem dit ɗii naŋgil ananda pakə.

Wəza net Masləŋɗe 2:38

Piyer azlansitike: Mətubiyə, məppan mambray nokum, mətaf baptem də iya na Zezu Krestu. Asna Maŋgəlva waviyan mambray nokum, wapsukum Əmpəs nan an Salala.

Wəza net Masləŋɗe 22:16

Mi kədaw ga kakaŋ di? Asil ataf baptem də iya na Ɗəfdaya mambray nok dəskoɓ gəni.

Wəza net Masləŋɗe 8:36

Adan adadoŋ aka tive dəndən, agapaŋgək atəki net iŋkile, ɗəf na Etiyopiya amna: Ya iŋkile yeŋki, ya mi dəda taku darəh baptem di?

Wəza net Masləŋɗe 8:37

[Filip apsən na: Wagəɗə an kətafək də makrok taka. Azlanəka: Nətafək na Zezu Krestuwi Wətən Maŋgəlva*.]

Roma 5:14

Də as pakə, daga səza Adam ha gap aza Moyis, əmta tayaket ɗii pakə, ko vi dəɗɗaŋ mambray vana Adam ɓa zlaŋ, nan dəŋger wəpprəm an Maŋgəlva anah ɓa. Adammi foto na ɗəf məs dədazani.

1Korintus 12:13

Mənam pakə, Yahudiyenɗe dit ɗii məs Yahudiyenɗeŋ ɓa, balemɗe dit ɗii məs balemɗeŋ ɓa pakə, mərahək baptem də əmpəs məs taka naka, ka vi məsap gən adəv gəɓa zə ɗəf taka, mənam pak məkpaŋgək ɗii məsaaŋ əmpəs taka bo.

1Korintus 4:6

Milmiŋgiɗwa, wən məs nədawnah pak nənah sənək Apollos də zək naw pakə, vi karban sukum zəga. Nəŋgəl na kulanən gən də ədaw namə, vi kəda toŋgoŋ ki an məverin ɓa, vi ɗəf suwalaŋkum ada gakdakan ɗəf maɓɓani, ndən mba gən ɗəf maɓɓan də wəzelen ɓa.

2Korintus 1:12

Aŋki zəga məs mədaw kaɓ dəndən. Wəɗum na makram agəɗ səmək saydawa aka wədaw nam a duniya, məs dəday pak na, ədaw nam nawaloŋkum, mədawək də goŋga də mogoni. Sembe nan pak səza Maŋgəlva ade. Məsban wəsən net ɗii ɓa, say mbəlembəle na Maŋgəlva.

2Korintus 7:1

Bayneŋgiɗwa əpel na Maŋgəlvas pak aslək vimə. Vini kakaŋ na say məgasəm zəmə məsam gən salala*, məppan səm zəga məs nawray gən gəɓa zəm də məs nawray gən əmpəsa. Say məsam gən salala grakə, məsam səm də geslne na Maŋgəlva.

Galatiyen 3:27

Vi munokum pakə, ko naway dərah baptem də iya na Zezu Krestu, kəsapaŋgək dəndən, kəgulunək Zezu Krestu.

Efesus 5:26

Vi kaɗɗe ɗii na Maŋgəlva dəsoŋ gən təstəs aba Maŋgəlva, dərɓagan waɗɗe salala* dit iŋkile gəm də əpel nani.

Kolosi 2:12

Adan kərəhaŋgək baptem, kəkpaŋgaŋgək va məndəkkum də Krestu. Dəndəni kədawsilyoŋ sətəki əmta də zeŋgille meleketeni, vi kətafən sembe na Maŋgəlva məs asil gən Krestu sətəki əmta.

1Timote 1:5

Wətər wəray na wənnəŋka: Ndəni wəŋgla məs də makra ɗəf barə, də wəɗum də gəvuk taka, gəm wətaf məs tay də mataka taka ɓa.

1Timote 6:12

Say agay vi wətaf an mogoni, vi kərah gən zeŋgille nasuwa ha faɗə. Maŋgəlva ayukuk aka zeŋgille van pay məs kəɗɗa saydawa na taf nok mogon karet ɗii pak məs dəɗɗaŋ saydawa noko.

Ibriɗe 10:22

Vini kana say məzar səm aza Maŋgəlva də makram an də goŋga, də wətaf an də sembe, makram an salala səza mambraya, gəɓa zəm bo məslayni dit iŋkile məs salala.

Ibriɗe 11:19

Abraham aɗumək na Maŋgəlva waɓap wəsil gən Isak sətəki əmta. Vaski arah Isak va sətəki əmta.

Ibriɗe 13:18

Məkaman Maŋgəlva viyəm pay pakə. Məsənka makram barri, vi pay pak mamaka wəɗɗa an məs Maŋgəlva aŋgələ.

Ibriɗe 9:14

An vaski na mbel na Krestu dədawtəraŋ wəray day pakə. Də Əmpəs nasuwa ha faɗi apsən zeŋgillen sən Maŋgəlva va sazlaga məs tay də mambray ko suɗike ɓa. Mbel na Krestu waskoɓən makramə, waviyanən mambray namə, vi mədaɗɗa an naw kəm atəki namta ɓa, amma say mərah gən wəgəɗ sən wəza sən Maŋgəlva an də zeŋgille.

Ibriɗe 9:24

Vi Krestu dətoŋ atəki salala məs məɗɗan də vet ɗii ɓa, va wənəh na foto ɗar mekeleŋ. Amma atoŋguk a disiŋ, aziwik aba Maŋgəlva kakaŋ vimə.

1Piyer 1:3

Məgəɗ sən soko sən Maŋgəlva, Affən Ɗəfdaya nam Zezu Krestu. Aɗɗak mogon nan azəmə, apsəmək zeŋgille meleketeni, vi asil gən Zezu Krestu sətəki əmta asan madarani. Aknahək makram də zəga nawga an də goŋga.

1Piyer 3:16

Amma məzlan sit ɗii məzə sohokumən də wəɓe gən ziti də gakdakani, wəɗum na makrokum dəsan mogoni, vi an arokumənka, an apeleŋgək mbrayen aka wədaw nokum mogonəŋka, məs dəsap də Krestu wil wedenini.