1Piyer 3:16 - Nouveau Testament en Guidar

¹⁶ Amma məzlan sit ɗii məzə sohokumən də wəɓe gən ziti də gakdakani, wəɗum na makrokum dəsan mogoni, vi an arokumənka, an apeleŋgək mbrayen aka wədaw nokum mogonəŋka, məs dəsap də Krestu wil wedenini.

Bible en Guidar

¹⁶ Ya məzlan sit ɗiy məzəssohokumən də makra zazaya, də wəɓe'gən kikum, də wəɗɗum na makrokum moggoni, vi wil dədeningin məzupeleŋ mbərayən aka wədaw nokum moggon addəv Kristu əŋka.

1Piyer 3:16 ပူးပေါင်းရင်းမြစ်များ

Matiye 5:11

Zəzay azokum, an ɗii arokumənka, armaŋgək mama azokum awaŋ sukumənək wənna vi kusoŋ gewleɗ nawa.

Wəza net Masləŋɗe 24:16

Ndəni naw bo nədawgay nəsaw gən təstəs aba Maŋgəlva də abet ɗii pakə.

Wəza net Masləŋɗe 28:22

Amma mamaka wəpprəm an kədaɗum sən ɗa, vi ko aŋga pak tahəŋ wəzelenən wənnet ɗii məs kəsok aretiŋki.

Roma 9:1

An nədawnah kakaŋkəŋ na, gesiŋgi. Na Krestu nani, tepelke nədawa ɓa. Əmpəs Salala* tay zəm məlĩ aka wəɗum na makrawa, ndəni məzaw ku abe nəwə na tepelke ɓa.

2Korintus 1:12

Aŋki zəga məs mədaw kaɓ dəndən. Wəɗum na makram agəɗ səmək saydawa aka wədaw nam a duniya, məs dəday pak na, ədaw nam nawaloŋkum, mədawək də goŋga də mogoni. Sembe nan pak səza Maŋgəlva ade. Məsban wəsən net ɗii ɓa, say mbəlembəle na Maŋgəlva.

2Korintus 4:2

Məsganək wəɗɗa məɗama də zəga na wil pakə. Məɗɗa wəza nan də kuket ɓa, məkpaŋgana əpel na Maŋgəlva ɓa'a. Amma mənam tatərban goŋga nan appaka ta'ə. Ko naway məzu kayan makran aba Maŋgəlva wanah na də goŋga mənani.

1Timote 1:19

Arma wətaf nok də wəɗum nok də makrok taka. Ɗii meɓɓet awngereŋ wəsban wəɗum na makret ɓa, vini wətaf net azə.

1Timote 1:5

Wətər wəray na wənnəŋka: Ndəni wəŋgla məs də makra ɗəf barə, də wəɗum də gəvuk taka, gəm wətaf məs tay də mataka taka ɓa.

2Timote 1:3

Intatəɗɗa soko sən Maŋgəlva məs nədawgəɗ sən wəza də makraw barə, va net dəhiŋgiɗu pakə. Intatə gəɗ sən soko pay pakə, kapay də dəfəɗ pakə əntatəɗum akok də wəzuli nawa.

Titus 2:8

Aɗi wəpel an təstəssə, an məs ɗii azelenən na ɓa, vi məzuzeleŋ nok wil dədenən gəni, vi arəhaŋ na wənnawpel mbrayen akam ɓa.

Ibriɗe 13:18

Məkaman Maŋgəlva viyəm pay pakə. Məsənka makram barri, vi pay pak mamaka wəɗɗa an məs Maŋgəlva aŋgələ.

Ibriɗe 9:14

An vaski na mbel na Krestu dədawtəraŋ wəray day pakə. Də Əmpəs nasuwa ha faɗi apsən zeŋgillen sən Maŋgəlva va sazlaga məs tay də mambray ko suɗike ɓa. Mbel na Krestu waskoɓən makramə, waviyanən mambray namə, vi mədaɗɗa an naw kəm atəki namta ɓa, amma say mərah gən wəgəɗ sən wəza sən Maŋgəlva an də zeŋgille.

1Piyer 2:12

Wədaw nokum dəsan mogon aweleŋgit ɗii məs dəsənən Maŋgəlva ɓeŋki, an aɗikumənək va məɗɗaŋ mambraya, an tahəŋ ulanən wəza mogon nokum, wagakdakanən Maŋgəlva pay adazani.

1Piyer 2:15

Vi aŋki wəŋgla na Maŋgəlva, kəkpaŋgetin gin ɗii məs dəsənaŋ zəga ɓa dit dirweŋge, də mogon məs kədaɗɗaŋ.

1Piyer 2:19

Mogoni, an kəɓəsənək bonoy məs dədazan akokum pakə, vi wənna Maŋgəlva.

1Piyer 3:21

Vasna iŋkileŋki, ana baptem adarbanəni. Məs dədaw koh gukum kakaŋka, də wəskoɓ haramba na gəɓa zə ɗəffi ɓa, amma adəvəni mədaw sler də Maŋgəlva, də viyan səmə gən mambray sə makramə, baptem wakoh gukum də wəsil gən Zezu Krestu sətəki əmta.

1Piyer 4:4

Kakaŋ kana, ɗii məs dəsənən Maŋgəlva ɓa, tahəŋ wəgətaŋ vi kaɗɗanən zəga nan dənɗaŋ ɓa, wədaw net mbrayen də wəsmay net mbrayen, ndəni adaw rokumən vi wənnani.