1Piyer 2:24 - Nouveau Testament en Guidar

²⁴ Krestu sən kiyən aslanək mambray namə adəv gəɓa zəni, aka wəlaŋga məzliwrihe vi məsam gən madaram klaza wən təstəssə, asna məsam gən məmtəm klaza mambraya. Vi gəla huwa nani kərəhaŋ əmbəla.

Bible en Guidar

²⁴ Ndən zək nan məs dəslet mambrayɗe nam addəv gəɓa zən aka wəlaŋga məzliwrihe vi məsamgən məmtəm kəlaza mambraya, məsamgən madaram dəza əɗɗa təstəsə. Vi huweɗ nani kərəhaŋ ənzaɗa.

1Piyer 2:24 ပူးပေါင်းရင်းမြစ်များ

Matiye 27:26

Yaŋ apan sit Barabbas, amma aɗiyək wənnani avərənək Zezu, apsitik Zezu aveti, dəkpa' nən gəni aka wəlaŋga məzliwrihe.

Matiye 5:20

Gesiŋ nədawnah sukum: Kətoŋgoŋ na məlĩ na Maŋgəlva ɓa, say an munokum tatərmanən an Maŋgəlva aŋgələ daykiyit məsənaŋ zəga na ma henziŋ dit Farisiyenɗe*.

Matiye 8:17

Aspak agəɗək vi an məs kleŋ Ezay anah dəsan gən gesiŋ amna: Aslanək əddak namə, aslanək gbəgba' namə.

Markus 15:15

Pilatu aŋgələk wəɗɗa an neneken zit ɗiiyi. Vi ni apansit Barabbas. Amma aɗiyək wənnani avərənək Zezu, apsitik Zezu aveti, dəkpa' nəŋgəni aka wəlaŋga məzliwrihe.

Luka 4:18

Əmpəs na Ɗəfdaya taya kawa, awelwəka vi nəpel gən alabara nenek sit məs saheŋɗe, aslənwəka vi nərban sit gən ɗiiyen na daŋgay wənna peti, vi kawkol sit heret deŋgerɗe, vi kawkohgit məzu zəmaŋ saha.

Yohanna 1:29

Yaŋ vit pumpum nani, Zaŋ awlak Zezu dazan azani, amna: Andaki botol na Maŋgəlva naw gəm mambray na dəlva.

Yohanna 19:1

Yaŋ Pilatu aɗi wənan dəkanən gən Zezu, dərganən gəni.

Wəza net Masləŋɗe 10:35

An ɗəf ageslne sənəka, agəɗək wəza mogoni, Maŋgəlva waŋglu ko zemvit maay naway pakə.

Wəza net Masləŋɗe 10:39

Mənamtə saydawa na an agəɗ aka dələv net Yahudiyenɗe də a Zerusalem pakə. Abayənək də wəkpa'ən aka wəlaŋga məzliwrihe.

Wəza net Masləŋɗe 13:29

Adan agrakən wəgəɗ sən an va ɗerewel na Maŋgəlva apel akan pakə, aprik gənənək səka wəlaŋga məzliwrihe, məndəkni.

Wəza net Masləŋɗe 5:30

Maŋgəlva net dəhiŋgiɗmə məs dəsil gən Zezu səkəti əmta, an məs kəbayaŋ də wəkpa'ən aka wəlaŋga məzliwrihe.

Roma 6:11

Vaski nokum bo, mula zukum va məmtukum klaza mambraya, mula zukum bo va madorokum vi Maŋgəlva vi wəsap nokum taka də Zezu Krestu.

Roma 6:13

Kədapanən mambray dəɗɗe gin zigeɗ naza zukum ɓa, ka zigeɗ naɗɗa wəza na mambray ɓa. Amma məpsən zukum sən Maŋgəlva dərəŋ, vi kəgulyoŋguk səza əmta, kətoŋgoŋguk atəki nawkoho. Məppan Maŋgəlva dəgəɗ wəza dit zigeɗ naza gəɓa zukum, va zigeɗ naɗɗa wəza an təstəssə.

Roma 6:16

Kəsənən ɓa sa? Ɗəf məs kəppanən zukum ka balemɗe nani, man kədapprəmaŋ. An munokum tatəpprəmən ma mambray na, asna wakukum atəki əmta. Ya an munokum tatəpprəmən ma Maŋgəlva, asna wakəsoŋ təstəs aba Maŋgəlva.

Roma 6:2

Midi haya agəɗ na vas ɓa! Klaza mambray məmtəm mənani, ya mədəray mədaw sam adəv mambray əmpa di?

Roma 6:22

Amma kakaŋ na balemɗe na mambray kənanaŋ əmpa ɓa, nokum kəkpaŋgaŋgək balemɗe na Maŋgəlva. Vini say kədawaŋ gən va an məs Maŋgəlva aŋgələ, wəgrak na wəza nokum ndəni zeŋgille ana suwa ha faɗə.

Roma 6:7

Vi an ɗəf amtəka, nan akohuk səva sembe na mambray səkay.

Roma 7:6

Amma kakaŋ na mərəhək kiyəm səza ma henziŋ, məmtəm mənan aza ma henziŋ məs dinamə. Vini kana, məsbana Maŋgəlva də tive an məsvan lahəŋ ɓa, də wənna ma henziŋ məvernəŋ ɓa. Mənam tatəsban Maŋgəlva kakaŋ kan də tive meleketeni ndəni də əmpəs nani.

1Korintus 15:3

Nərban sukumək labara məs in sən kiyu nətafə. Aŋki məs nənah sukum dabəŋ. Krestu amtək vi mambray namə va məver wənnan adəv ɗerewel.

2Korintus 6:17

Vini anah na: Məgil suwaleŋti, muɗak dənɗaŋ. Kədaw rəŋgənən zəga naw see'* ɓa, asna wanətafkum.

Galatiyen 3:13

Krestu akpaŋgək məray gən agəlamə, azargəmək səma wəray na ma henziŋ. Va an məverin anah na: Ko naway məlawən aka wəlaŋga məray gəni.

Efesus 5:9

Vi wətər wəray na təki babar na: ndəni mogoni, təstəssə də goŋga.

Filipi 1:11

Zeŋgillekum wasan məknahən də zəga an təstəssə, məs dəde səza Zezu Krestu, vi gakdak na Maŋgəlva də wəɗi kini.

Kolosi 2:14

Aŋgarək ɗerewel na dəmən nam diiɗa naka, məzu zəm gəm saha də wənnan naka, yaŋ aray gəni də wəkpa'ən aka wəlaŋga məzliwrihe.

Kolosi 2:20

Kəmtaŋgək də Krestu, vi wənnani wən nokum tay dit sembeɗi maay əmpəsɗe na disiŋ ɓa, vi mi kədaɗɗaŋ zəga va ɗii na duniya əmpa di? Vi mi kədasbetin wənnet dawkeɗ zemvit es kəmpa di?

Kolosi 3:3

Ya kəmtaŋka zeŋgillekum bo məɗamani də Krestu aza Maŋgəlva.

Ibriɗe 10:10

Zezu aɗɗak an Maŋgəlva aŋgələ, ndəni kan məskoɓum səka mambray namə də sazlaga na gəɓa zəni, məs agəɗ təl taka kaaka məki ha faɗə.

Ibriɗe 10:5

Vini kana, adan Krestu go'oy wəzzan aka dəlva, apsən Maŋgəlva na: Kəŋglu na zəga mətaw wəlan ɓa, walla zəga məpsuk ɓa, amma kəɗɗa suwək zu va ɗəffa.

Ibriɗe 12:13

Məsban tive an mogoni, məs sarrara, vi tulkum məs maŋgalɓaya nak adaw məsa wəɗɗa ɓa, amma vi dəmbəl gəni.

Ibriɗe 7:26

Zezuwi məs dələv metiŋgini, də sembe nawtər səm wəray nam pakə. Salalayi*, mambray taya zan ko suɗike ɓa, awɗakək dit məɗɗaŋ mambraya, məslani a disiŋ ki disiŋ.

Ibriɗe 9:28

Vaski bo Krestu apsən zeŋgillen təl taka vi kaskoɓ mambray net ɗii diiɗa səka dəlva, warban zən ma sula'ən, ya nan vi kapay mambrayi əmpa ɓa, amma vi kawkoh git ɗii məs dədawganəni.

Yakob 5:16

Vi vaski mərban mambray nokum awalaŋ zukum aba Maŋgəlva, viyit ɗii nokum, vi kəmbəlaŋ gəni, wəkam na ɗəf təstəs tay də sembe naɗɗa zəga metiŋgini.

1Yohanna 2:29

Kəsənənka Krestu təstəssi mambray taya zan ɓa, kəsənənka ko naway məzəɗɗa an təstəssə wətən Maŋgəlvayi.

1Yohanna 3:7

Kirin nawa, kədapanən ɗəf wəmbəɗokum dərwa ɓa, ɗəf məzəɗɗa an təstəssə nan bo təstəssi, va Zezu Krestu asan təstəssə.

Hənhən 22:2

Aka tive na walaŋ gəla metiŋ adadawa. Wəlaŋga na zeŋgille tayadak dəka təkzləmən daha daha pakə. Tayuwa təl klaw kiyən sula adəv wəsva taka pakə, adəv təla pak təl taka adawa. Van bo akpaŋgək miha na mbəl git ɗii nak dələv pakə.