1Piyer 2:1 - Nouveau Testament en Guidar

¹ Vi vaski məppan mambray sə makrokum pakə, məppan uwa tepelke, də prufprufu, kədaɗɗaŋ kotorok ɓa, kədaraŋ ɗəf ɓa.

Bible en Guidar

¹ Vi vaski məppan mbərayən pakə, əmbəɗan ɗəfa, muluvuluvu, kotoroku gəm əpel mbərayən aka ɗəf pakə.

1Piyer 2:1 ပူးပေါင်းရင်းမြစ်များ

Matiye 15:7

Məluvuluvuɗe kənanaŋ, gesiŋ Ezay anahə agəɗ kleŋ akokum, amna:

Matiye 23:28

Vaski bo, apaka ɗii mogokum kənanaŋ, amma amakrokum aknahək də muluvuluvu, də mambray pakə.

Matiye 24:51

Daya nan wazəm gən saha an tattuwãh diiɗa, wapsən zəga an napsit muluvuluvuɗe. Nan wahəmə wampəran slayən sən bonoy.

Matiye 7:5

Nok mataka taka kənani, agil gən wəlaŋga sə rok dabəŋ an əstatula lewlew kana, kəgəm gən kevile səra məlmuko.

Markus 12:15

Məpsən sa walla məpsən ɓa sa? Amma Zezu asənək matakataka neti, apsit na: Vi mi kəda əzaɗən mazat abaw di? Məkisu suley van nula ɗa.

Luka 11:44

Wakpaŋ azokum bonoy, vi munokum tat va magamasɗe məza awlaŋ ɓa tahəŋ wədawaŋ dəketi məza aw sənaŋ ɓa.

Luka 12:1

Pay nani ɗii akkalaŋgək uzineɗe ha wəndapanən ziti. Yaŋ Zezu atəŋ wəpel sit gewleɗ nani: Məsla zukum səza wuɗo net Farisiyenɗe* va wənah na muluvuluvu neti.

Luka 6:42

Mbari kəɓap wənah sən məlmuk na: Məlmuwa appawa nəgəm suk kevile səroko, amma nokna kawla wəlaŋga sərok ɓana vi mi di? Muluvuluvu, agəm wəlaŋga sərok tagay, kuwəl gən mogoni, asna kə gəm gən kevile səra məlmuko.

Yohanna 1:47

Adan Zezu awla Nataniyel dazan azani, apelik akani, amna aŋki Israyel məs tay də muluvuluvu azan ɓa.

Roma 1:29

Tahəŋ wətafən wən naɗɗa wəza mambray ko muwandi pak pay pakə, aknəhaŋgək də wəsim zəga temtemi, də wəɗɗa zəga nzeɗi də kotoroku, tay bayaŋ gəbaya, tay gayaŋ dit ɗiiyi, məɗɗaŋ vuruməŋ də uwa tepelke.

1Korintus 14:20

Milmiŋgiɗwa kədaɗumoŋ va kirin muzliyeɗ ɓa. Aza wəza nokum na, məsoŋ məza də mambray azokum ɓa, va kirin muzliyeɗi. Amma adəv əɗum nokum na, məsoŋ va ɗii gugiriɗe.

1Korintus 5:8

Vini kana məɗɗa səm wəzləra na Paska namə, məza də memteke məɗɗan də wuɗo ɓa, məza də wuɗo na mambray ɓa, məza də wuɗo na mana'a ɓa, amma say də memteke məsbəkən kakaŋka, məza də wuɗo ɓa an təstəssə də gegesiŋ.

2Korintus 12:20

Geslne duwəka, pay nədadaw annokumda, nərəh kum na aka tive nan va nəŋgəl ɓa, nokum bo kərəh wənna va kəŋglaŋ ɓa. Geslne duwəka, pay nəda zaw annokumda na: Wanərah wəgaya də kotoroku də wəda gədəva də əlpa də əpel mbrayen də tepelke, də wəgadakan zə ɗəffa də ɗarɗar pak awaloŋkum.

Efesus 4:31

Vi vaski məzar gən wənna siya, də wəda gədəva pak səmokrokum. Kədaw hayyanən zukum ɓa, kədaw ranən zukum ɓa, məgil gən ndarsak pak suwaloŋkum.

1Tesaloniki 2:3

Wən məs mədawpeliŋka wənna tepelkeyi ɓa, wəɗum an mbrayeni ɓa, wənnaw reket ɗiiyi ɓa'a.

1Timote 3:11

Gil net bo dəsoŋ də maɗulet mogoni, adasoŋ məwaŋ tepelkeɗ ɓa, amma dəsoŋ gil məzutaɗən ziti, də goŋga aza zəga pakə.

Titus 2:3

Vaski bo anah sit məduwileɗi dədawaŋ va an dəslə dənɗaŋ mogoni məza məs tepelkeɗ ɓa, məza balemɗe na mbazla ɓa, dəsoŋ məsənaŋ mogoni.

Ibriɗe 12:1

Mənam tat dit ɗii məɗɗaŋ saydawa nam diiɗa, wənnet atuwəɗək kiyəm va ernene. Vini kana, say məsgan səm zəga məs dədawsan gədak azam pakə, say məsgan səm zəga naw sla na mambraya, məs dədawsap azam də gambara nani. Say məgrak səm wənzuwa nam naway nawgap dabəŋ di.

Yakob 1:21

Vi wən aski məppan wəza mambray sə makrokum pakə. Kədaɗɗaŋ mambray əmpa ɓa, məpak sləmokum amba wənnəŋka, məs Maŋgəlva aɗi amakrokum, ndəni də sembe nawkoh gukum sə ma əmta.

Yakob 3:14

Amma an kotorok taya zokum, an makrokum tay mbrayen, an wəɗum nokum pak say aka zukumi kaaka'ə, kədawɓay gənən ki zukum ɓa, kədawwaŋ tepelke vi kawzla ki goŋga ɓa.

Yakob 4:11

Milmiŋgiɗwa, kədawndanən gebbet ɗii meɓɓet ɓa, ko naway dədawpel mbrayen aka məlməni, walla andak gabbani, apelik mbrayen aka ma henziŋ na Maŋgəlva, kita ataw aka ma henziŋ na Maŋgəlva. An kətawək kita aka ma henziŋ, asna ɗəf məzəsban kənan ɓa, amma nok mətaw kita akan kənani.

Yakob 4:5

Kədaɗumoŋ na an məs ɗerewel na Maŋgəlva anah na ɗar mekeleŋgi ɓa, amna: Maŋgəlva tay də kotoroku vi əmpəs məs aɗi amakram dəsan gən dəndən.

Yakob 5:9

Milmiŋgiɗwa, kədaɗɗaŋ wərwər aket ɗii meɓɓet ɓa, vi Maŋgəlva bo adawtaw kita akokum ɓa. Mətaw kita tay ziwe, amadamba manaka toŋgo.

1Piyer 2:16

Kərəhaŋgək əsso məza balemɗe ɓa də Zezu Krestu, kədaɗɗaŋ mambray də wənah na nam balemɗe mənan ɓaɓa, amma va məɗɗaŋ wəza na Maŋgəlva.

1Piyer 2:22

Dəgəɗ ɗaah mambray ɓa. Duwə ɗaah tepelke ɓa.

1Piyer 3:10

Va ɗerewel məsvan annah na: An ko naway aŋgələk əsuwa mogoni, ko naway aŋgələk zən dəsan gən nek pay nanziya nan egge, dəppan gən əpel mbrayen, dəppan gən uwa tepelke.

1Piyer 4:2

Təŋ kakaŋka, də wəmbat abe pay nanziya nokum egge pakə, say kədawaŋ gən va an məs Maŋgəlva aŋgələ, məza də mambray ɓa məza va makrokum adaŋgla ɓa.

1Piyer 4:4

Kakaŋ kana, ɗii məs dəsənən Maŋgəlva ɓa, tahəŋ wəgətaŋ vi kaɗɗanən zəga nan dənɗaŋ ɓa, wədaw net mbrayen də wəsmay net mbrayen, ndəni adaw rokumən vi wənnani.

Hənhən 14:5

Ɗii net kawrəhi tepelke amet ɓa, mbrayen taya zet ɓa.