1Piyer 1:8 - Nouveau Testament en Guidar

⁸ Kəŋgluwənka ko kulanən ɓa, kətafənka ko kulanən kakaŋ ɓa. Vini kəda nekenən zukum də wənnek diiɗa, məs kawɓapi əpel wənnan ɓa.

Bible en Guidar

⁸ Kəŋglunənka məza kulanən ɓa, kulanən yaŋkəŋ ɓa, kətafnənka. Vini kədannekenən zukum də ənnek metiŋgin na sləma,

1Piyer 1:8 ပူးပေါင်းရင်းမြစ်များ

Matiye 10:37

Ɗəf an dəŋglu affəni, walla mani daykiwa nan dəgap nawsan də in ɓa.

Yohanna 14:15

Zezu aməsək wənaha: An kəŋgluwənka, wakərmanən wən məs nəɗiyə.

Yohanna 14:21

Ko naway dərma an məs nəɗi naɗɗa, aɓe sənəka, ndəni dəŋgluwa. Affən waŋglu ɗəffan dəŋgəluwa, naw bo wanəŋgluwa, wanərban zu azani.

Yohanna 14:24

Ko naway dəŋgəlu ɓa aɓe səna wəpel naw ɓa. An məs adapprəm səmawa, dəde sə makraw ɓa, amma səza Affu məs də slənwa.

Yohanna 16:22

Vaski nokum tamə bo wakəssahanən zukum kakaŋka, amma wanulukum əmpa. Asna makrokum wasan neki, ha ɗəf tay nawɓap wəmoh nenek nan ɓa.

Yohanna 20:29

Zezu apsən na: Kakaŋ na vi kuluwa ndəni kətafu sa? Zəzay azet məs duluwənən ɓa, amma atafwənka.

Yohanna 8:42

Zezu azlansitike: Va Maŋgəlvayi Affukum gesiŋ na, wakəŋgluwəni, vi səza Maŋgəlva nəde, nədek azokum, nəde də an nəɗi sən kiyu ɓa, amma ndən də slənwa.

Wəza net Masləŋɗe 16:34

Akak Pol də Silas eŋgil ananda, azəm gitike. Ndən də gəla nan pak zit annekək sawɓa, vi atafənək Maŋgəlva.

Roma 14:17

Wən na məlĩ na Maŋgəlva na, wənnan tay də wənna zəga nawzəma də zəga naw saa ɓa, amma nan say wəsuwa də goŋga gəm wəsuwa də təstəssə də Maŋgəlva də zamə də wəsuwa neki, məs Əmpəs Salala apsəni.

Roma 15:13

Maŋgəlva Affən zəga məs kədawgaŋ, dəknah sukum makrokum də wəneke də zam an təstəssə, də wətaf məs kərəhaŋ dəndən, vi kəsoŋ gən guromɗe aza zəga məs kədawgaŋ də sembe na Əmpəs Salala.

1Korintus 16:22

An ɗəf dəŋglu Ɗəfdaya də makran taka ɓa, wasan məray gəni! Maranata - Ɗəfdaya nam ade!

2Korintus 1:22

Aɗiyək zəga akam narban na nan mənani. Apsəmək əmpəs nan amakramə, vi məsəŋ gən gesiŋ na, azaɓan səmək zəga mogoni.

2Korintus 12:4

Sədak sə paradis vani apprəm wən məɗamaska, ɗəf tay naw ɓap əpel wənnan ɓa.

2Korintus 4:18

Məzi na haram aka zəga məs nawla də haram ɓa. Amma say aka zəga məs awla də hara ɗəf ɓa. Vi zəga məs nawla, asana faɗ ɓa, amma zəga məs awla ɓa, ndən dədawsan ha faɗə.

2Korintus 5:7

Maɓap ulan tagay ɓa, wəsap nam dəndən na, say də ətaf kaaka'ə.

2Korintus 9:15

Vaskana soko sən Maŋgəlva vi əvəl nan məs kaw ɓapi ərban ɓa.

Galatiyen 5:22

Amma uwa na Əmpəs na ndəni: Wəŋgla, wənneke, zamə, wəɓəsən, ula saha, wəɗɗa mogoni, wəɗɗa zəga də tive nani,

Galatiyen 5:6

Vi an məsapək də Krestu wəskəl awra atərna wəray ɓa, ko məs dəskəl awra ɓa pak atərna ɓa, say wətaf an məs dəsap də wəŋgla.

Efesus 3:19

Wakəsənən wəŋgla na Krestu məs dədayki wəsən na ɗəf pakə, Maŋgəlva dəknahkum də wəknah nan pakə.

Efesus 6:24

Mbəlembəle na Maŋgəlva dəsan aket ɗii məs dəŋgluwən Ɗəfdaya nam Zezu Krestu də əŋgla məs awray ɓa.

Filipi 1:25

Vi vaski, nəsənək kpakə wanəsaw də munokum vi kabaah sukum də wəmbat abe, də wənneken wətaf nokum.

Filipi 3:3

Vi mənamtə ndəɗaŋgəŋ ɓa, mənamtə ɗii məs dəsklaŋ awra an də goŋga, mənamtə məɗɗaŋ wəza na Maŋgəlva də Əmpəsa, gakdak nam aka Zezu Krestu məɗiya, nam ɗii narban gəɓa zəm mənan ɓa.

Filipi 4:4

Mənneken zukum də Ɗəfdaya, əntatə nah sukum əmpa mənneken zukum.

Ibriɗe 11:1

Wətafa ndəni dədarban gesiŋ na zəga an mədawga. Də wəsənən gesiŋ na zəga tay, amma mulani də hara ɗəf tagay ɓa, ya tay.

Ibriɗe 11:27

Moyis atafək Maŋgəlva vini də geslne sən wəda gədəv na məlĩ ɓa, amma agilik sə Misra. Ko dəɓəl ɓa sam, Vakəmna awlak Maŋgəlva an məza awlanən ɓaŋka.

1Piyer 1:6

Məneken zukum dəndən pay pakə, ko an bonoy arəh kumoko, vaski aslək na kəsoŋ gən zukum sah gap pay suɗike də bonoy temtemi.

1Piyer 2:7

Vi vaski, azokum munokum məs kətafaŋ na gərəm na sləmay sawɓa, amma azet ɗii məs dətafaŋ ɓana: Gərməŋka mərkaŋ gəla asganənka, yaŋ akpaŋ gərəm na sləma.

1Piyer 5:4

An məzutaɗa an daya adek na, wakərəhaŋ mətər kiya an də gakdaka, an məza awray ɓa.