1Piyer 1:7 - Nouveau Testament en Guidar

⁷ Wəzəm saha nan ade na vi kawsla wətaf nokum, gesiŋgi sa. Vaski bo va təbəs na meleŋge məs asna ha faɗ dərəŋ ɓa məslani də offo, vaski bo wətaf nokum tay də sləman dayki təbəssa, məsla wətaf nokum na vi kawla kəkərtəh nani. Vi kərəhaŋ gən wəɗi sukum kikum də gakdaka də sləmokum pay Zezu Krestu adazani.

Bible en Guidar

⁷ Vi ətaf nokum məs məslan dəsan na sləma dayki meleŋge məs dəsan zəga nawray məslan də offoŋ dərahgən əɗikiya, gagdaka gəm sləma pay Yesus Kristu adarban zəni.

1Piyer 1:7 ပူးပေါင်းရင်းမြစ်များ

Matiye 19:28

Zezu apsit na: Gesiŋ nədawnah sukum. Pay Wətən Ɗəf* adawsan aka mazaŋga na gakdak nani aka dələv meleketeni, munokum məzəsbawən klaw kikum sulaŋ wakəsoŋ də ina aket mezeŋgeɗ na məlĩ klaw kiyit sula vi kawtaw kita aka ma əlfa net Israyelɗe klaw kiyit sula.

Matiye 25:21

Daya nan apsən na: Lewi, məgəɗ wəza mogok kənani, kəgəɗək wəza mogon də zəga an tay də sləman diiɗa ɓa, wanəpsuk zəga diiɗa an məs də sləman diiɗa. Ade toŋgu, anneken zuk də ina.

Matiye 25:23

Ɗəfdaya nan apsən na: Lew kəɗɗa məgəɗ wəza mogok kənani, matakataka taya zok ɓa. Matakataka taya zok aka zəga suɗike ɓa, wanəɗiko aka zəga an diiɗa. Ade anneken zuk də ina.

Luka 12:33

Məvəl zəga nokum, məpsit məzurayɗe, mərmah gabelɗe net deleɗ məza agrakaŋ ɓa, arya məza awray ɓa disiŋ. Vi adaka məhala arəh na ɓa, məsuk sləma bo aray gən na ɓa.

Luka 17:30

Vas adawsan pay na Wətən Ɗəf adarban zəni.

Yohanna 12:26

Ko naway dəŋgəl wəgəɗ su wəza say dəsbawa, vi məza gəɗ su wəza, də san gən atəki məs nəsaw tamə. Ko naway dəgəɗ su wəza. Affu wa gakdakni.

Yohanna 5:44

Ko naway tay kay wəŋgla nani, amma kəkayaŋ na wəŋgla na Maŋgəlva ɓa. Ya mbarmbari kəda ɓapən wətafwən di?

Wəza net Masləŋɗe 8:20

Amma Piyer azlansənək na: Maŋgəlva dəzet deleɗ nok də zəknok pakə.

Roma 2:10

Amma ko naway dəgəɗ mogoni, ko Yahudiyen, ko ɗəf məza Yahudiyenni ɓa pak Maŋgəlva wapsən gakdaka də zam nani də wəɗi kiti.

Roma 2:29

Ɗəf məs dəskəl awra aza zəni, nan Yahudiyen an də goŋgay ɓa, say an məs dəskəl awra amakrani. Wəskəl awra an də goŋga, say də Əmpəs na Maŋgəlva adawsani, asanna də wənna dəv ɗerewel na ma henziŋ ɓa, Yahudiyen an də goŋga, akay na gakdak nan avet ɗii ɓa, say aza Maŋgəlva kaaka'ə.

Roma 2:7

Ɗii məzu sokən zit wəɗɗa mogoni, də gakdak nani, də zeŋgille məza amta ɓa, Maŋgəlva wapsit zeŋgille nassa ha faɗə.

Roma 8:19

Vi zəga məs Maŋgəlva agəɗ pakə, tay pay məs Maŋgəlva adarban sit kirtin də gakdaka.

1Korintus 3:13

Vaskana, ko naway pak wəza nan warban zən payan məs məɗiyən vi kita, vi payan dəpaska, offo warban wəza na ko naway pak va aɗɗa, offo wasla wəza net ɗii taka taka pak va asani.

1Korintus 4:5

Vi vaski kəda tawən kita aka ɗəf dabəŋ ki pay məɗiyən ɓa, məga Ɗəfdaya dəde gən paysa, warban an dəɗam ara guzli pak atəki babara, də wəgil gən wəɗum məɗama na mekret ɗiiyi. Asna Maŋgəlva wagakdakan ko nawa pak va aza wəza nan agəɗə.

Yakob 1:12

Zəzay aza ko naway məs dəɓəs wən tattuwãha, an asanək də sembe aɓəsəka, warah zəŋgille va an Maŋgəlva anah na wapsit ɗii məs dəŋgluwəni.

1Piyer 1:13

Vi vaski məzaɓan wəɗum nokum naɗɗa wəza sən Maŋgəlva, məzi zukum, məɗi wəɗum nokum pak aka zəzay məs dədazan sukum pay Zezu Krestu adazani.

1Piyer 1:5

Sembe na Maŋgəlva dəga wətaf nokum ha gap wə koh adazani, məs məzaɓan naw gil gən pay dələv adagraka.

1Piyer 2:4

Məde zani, ndəni gərəm məs də zeŋgille, məs ɗii asgaŋ, amma Maŋgəlva awelike vi zəga na sləmayi diiɗa.

1Piyer 2:7

Vi vaski, azokum munokum məs kətafaŋ na gərəm na sləmay sawɓa, amma azet ɗii məs dətafaŋ ɓana: Gərməŋka mərkaŋ gəla asganənka, yaŋ akpaŋ gərəm na sləma.

1Piyer 4:12

Bayneŋgiɗwa, kəda gətaŋ aka saha məs kədaw zəmaŋ ɓa, kədawlanən va zəga nagət akan ɓa.

1Piyer 4:13

Amma məneken zukum, vi kəsapaŋgək də Krestu adəv wəzəm saha nani, kərəhaŋ gən wənneken zukum, pay adarban zən də gakdak nani.

1Piyer 5:1

Kakaŋ na, intatə səɓ sit ɗii gugiriɗ net kretiyenɗe suwaloŋkum, naw bo ɗəf daya nani. Məgəɗ saydawa na wəzəm saha na Krestu nani, wanərəh haran naw aza gakdak məs Maŋgəlva adarban səmə.

2Piyer 1:1

Letərəŋka səza Simoŋ Piyerri, balami ndəni masləŋ na Zezu Krestu. Azet ɗii məs dərəhaŋ wətaf an mogon vanamə. Də əŋgla na Maŋgəlva namə, gəm də Zezu Krestu kərəhəni.

2Piyer 1:4

Va annah wapsəmə, akpaŋ səmək zəga metiŋgin mogon diiɗa. An kətafənək an məs annah sukum, wa kəkoh gənən wəsim zəga məs nadəv dələvəŋka, wakərəhaŋ wətoŋ adəv wəsuwa na Maŋgəlva.

2Piyer 3:14

Vi vaski bayneŋgiɗwa, dawga pay naməŋka məsok zukum kəsoŋ gən salala, məza də mambray azokum ɓa aba Maŋgəlva, məsoŋ zay dəndəni.

Zuda 1:24

Maŋgəlva waɓap wəgukum səza zəga pakə, kəzaŋ na ki tive ɓa, wagəm mambray nokum pakə, wakpaŋgokum salala, wakəzoŋ wizu aban adəv gakdak nan də wanekən zukum diiɗa.

Hənhən 1:7

Awla tayəzan aka slay buna, ɗii pak wawlanəni. Dit ɗii məs dəppanən wənnan pak zlaŋ wawlanəni. Ɗii naka dələv pak waskaŋ morkoyo aka wənna əziya nani. Vaski wagəɗ vaska.

Hənhən 2:10

Kədaw geslne'eŋ vi bonoy məs dədaw rəhkum ɓa. Apprəma, Satan wasluko wasget ɗii meɓɓet sə walaŋkum diiɗa a daŋgay hagap pay klaw. Asok də goŋga hagap wəmta noko, wapsuk mətər kiya na zeŋgille.

Hənhən 3:10

Vi kəgak wəpel nawa də wəɓəsən, naw bo wanəguk sədəv pay na bonoy məs dədazan aka dələv pakə, vi kawsle ɗii naka dələv pakə.

Hənhən 3:18

Naw wanəppeteko, albah təbəs na meleŋge mədan də offo səvawa, kəsok gən məs arya. Albah lukut babara kugul gən azoko, dəɗamet gən wil na zuk mekeleŋ. Vas bo kəlbaah gən miya na hara ɗəffa kəɗa gən aroko kuwəl gəni.