1Piyer 1:4 - Nouveau Testament en Guidar

⁴ Məneken səm zəm vi zəga naw zəm gəla, an məs Maŋgəlva aɗi sit ɗii nani, zəga nan aŋgənna ɓa, haramba arma azan ɓa, awrayɓa, wasan ha faɗə. Maŋgəlva azaɓan a disiŋ na vikum.

Bible en Guidar

⁴ vi kawrəh zəga nawzəmgəla məs aŋgəna ɓa, argã' ɓa, arduf ɓa, məzaɓan a disiŋ vikum,

1Piyer 1:4 ပူးပေါင်းရင်းမြစ်များ

Matiye 25:34

Məlĩ wanah sit ɗiiyen naka van dəzəŋ na: Mide munokum məs Affu agəɗ sukum zəzaya, mətoŋ adəv məlĩ an məzaɓan vikum daga wətəŋ na dəlva fuŋ.

Markus 10:17

Adan Zezu adawmbata aka tive na, ɗəf adek dənze, akdukuk abani assohonəka: Mərbə zəga mogoni, mi nədaɗɗa nəra gən zeŋgillew an nassa ha faɗ di?

Wəza net Masləŋɗe 20:32

Kakaŋ na nəppokumək ava Maŋgəlva də mbəlembəle nani. Waɓap wəɓay gukum waɓap wəgəɗ sukum zəzay də zəzay məs azaɓan viyit ɗii nan pakə.

Wəza net Masləŋɗe 26:18

Vi kəkol sitigin hereti, kəgilgitigin səra guzliyo kəke gin ara təki babara, kəkohgitigin sədəv sembe na Satan, dətoŋgoŋ gən adəv sembe na Maŋgəlva, də wətaf neti, vi dərəhaŋ gən tive naviyan mambray neti, dətoŋgoŋ gən atəki neti aweleŋgit ɗii məs Maŋgəlva aweli də wətafwa.

Roma 8:17

Ya an kirtin mənan na, asna wamərah zəga an məs məzaɓan sit kirtini, zəga məs apsən Krestu wəŋ bo, wapsəmə. Vi an mərahək hara bonoy na Krestu məs azəm saha, asna wamərah haran nam səza gakdak nani.

1Korintus 9:25

Ɗəf məs dəŋgəl dəday gən pak na, say dəsok zən əyagan ənzuwa pay pak dayadaya, vi dərah gən mətər kiya na gaslamba məs naw ɓəta. Amma namə mənam tatəɗum na, a mərah mətər kiya məza aray na ɓa.

Galatiyen 3:18

Amma va wəzəm gəla tay də ma henziŋ, asna tay də wən minan ɓa. Amma də wən minaniyi Maŋgəlva arban wəŋgla nan aza Abraham.

Efesus 1:11

Də əsap də Krestu mədarəh haran nam aza əkoho, Maŋgəlva məgəɗ zəga pak va aza əŋgla nani də əɗum nani, awelmək daga farə ka mərah gəni.

Efesus 1:14

Əmpəs Salala vani naw san saydawa aka zəga mogon məs Maŋgəlva aɗum səm kani. Wamərəh zəga nani payan əkoh nam adagraka. Məgakdakan səm gakdak na Maŋgəlva.

Efesus 1:18

Maŋgəlva dəkol sukum maɗulokum də təki babar nani, vi kəsənən gən wəgrak na tive an məs muyukum akan ka kəgapaŋ gən adaka, vi kəsənən gən gakdak na arya nan məs nagət akani an azaɓan sit ɗii nani.

Kolosi 1:12

Say məgəɗ sən soko sən Ɗəfdaya də zukum neki vi ndəni dəɗɗukum ka kəɓapən gən wərəh zəga mogon pak məs azaɓan sit ɗii nan adəv məlĩ natəki babara.

Kolosi 1:5

Pay sən labara na Wən Nenek agap anokumda, dabəŋ mərban sukum wənna wəga zəga nani. Ndəni bo wətaf nokum də wəŋgla nokum pak kəɗiyənək aka zəga məs kədawgaŋ, məs Maŋgəlva azaɓan sukum a disiŋ.

Kolosi 3:24

Məɗumon wənnani Ɗəfdaya wapsukum riba: Wakərəhaŋ zəga məs aɗum napsit ɗii nani. Vi Ɗəfdaya nokum dədaɗɗan aglokum ndəni Krestu.

2Timote 4:8

Kaakaŋ na zəga nawrəh na ɗəf məs dənzan dabəŋ tay guwa: Ndəni mətər kiya na gakdak məs Ɗəfdaya mətaw kita də goŋga adawvaya, pay nawtaw kita nani. Suwi adawvay kaaka ɓa, amma sit məzu ganən pak də wəŋgla pay məs adarban zəni.

Ibriɗe 10:34

Makrokum assokumək vi məke ɗii meɓɓet a daŋgay. Yaŋ meheleŋɗe ahalən arya nokum, də as pak kəɓəsənək wənani, vi kəsənənək na apəl sukumək zəga an mogoni day pakə an məs kədawgaŋ.

Ibriɗe 9:15

Ndəni kan Krestu asan məzinan wən meleketeni, vi ɗii məs məyet dərəhaŋ gən zəzay məs nawsan ha faɗə an məs Maŋgəlva anah na, wapsit ɗii nani. Vi ɗəf takayi dəmtə, vi kamet ɗii səka mambray net məs aɗɗaŋ daga asoŋ də wən minan məsvani.

Yakob 1:11

An pay tayə zla də təki kakaaha, waɓit wəfiyeɗ net zigeɗi, wayo'oŋ, mogon net pak wagrakə. Vaski bo məs arya bo wəmtə pay adawgay də wəza na arya.

1Piyer 3:9

Kədamnda ganən mambray də mambray ɓa, walla ɗəf arokuko is bo gəm wəran ɓa, amma məgəɗ sit zəzaya, vi Maŋgəlva aynanək wənnapsukum zəzaya, pay an ayukum.

1Piyer 5:4

An məzutaɗa an daya adek na, wakərəhaŋ mətər kiya an də gakdaka, an məza awray ɓa.

Hənhən 21:27

Amma zəga an na ma henziŋ atoŋ na awalaŋ gəla nan ɓa, ɗəf məzəppan ki zən vi zəga mambray pak də məwə tepelke pak atoŋ na adak ɓa. Ɗii məs nawtoŋgoŋ adak na, say ɗii məs məver iya net adəv ɗerewel na zeŋgille nava Botol nak dədawtoŋgoŋ awalaŋ gəla nani.