1Piyer 1:3 - Nouveau Testament en Guidar

³ Məgəɗ sən soko sən Maŋgəlva, Affən Ɗəfdaya nam Zezu Krestu. Aɗɗak mogon nan azəmə, apsəmək zeŋgille meleketeni, vi asil gən Zezu Krestu sətəki əmta asan madarani. Aknahək makram də zəga nawga an də goŋga.

Bible en Guidar

³ Məgəɗ sən soko sən Maŋgəlva, Afən Daya nam Yesu Kristu. Aɗɗak moggon nan azəmə, apsəmək zeŋgile meleketeni, vi asilgən Yesu Kristu səret ɗiy mimtiti. Aknahək makram də əga madarani,

1Piyer 1:3 ပူးပေါင်းရင်းမြစ်များ

Yohanna 1:13

Dəkpaŋgaŋ də tive na nziya net ɓa, də uweti va ɗii adawaŋ ɓa, amma vi Maŋgəlva apsitik zeŋgille meleketeni.

Roma 12:12

Məneken zukum də zəga məs kədawgaŋ, məɓəs bonoy, məsok zukum əzuli pay pakə.

Roma 15:13

Maŋgəlva Affən zəga məs kədawgaŋ, dəknah sukum makrokum də wəneke də zam an təstəssə, də wətaf məs kərəhaŋ dəndən, vi kəsoŋ gən guromɗe aza zəga məs kədawgaŋ də sembe na Əmpəs Salala.

Roma 4:25

Maŋgəlva apanək amtəka, vi mambray namə. Asil gənək səkəti əmta, ka məsam gən təstəs aba Maŋgəlva vini.

Roma 5:10

Məzu seɓeŋ na Maŋgəlva mənan lakəŋka, amma yaŋ wənam asler dəndən, də əmta na Wətəni. Ya adan kakaŋ məslerik dəndən, Krestu wakoh gəm səma kita na Maŋgəlva.

Roma 8:11

Maŋgəlva asil gənək Krestu səkəti əmta. An Əmpəs nan taya makrokum, asna wandəf gən sukum gəɓa zukum məs dəmtə də Əmpəs nani.

Roma 8:24

Wəkoh nam tay ta'a kana, amma də wəgani hara kana. Amma an mula gən zəga nan təmsa aza harami na, asna zəga məs mədaga ka mərah gənəŋka, wəɗum nawga zəga an də goŋgay ɓa. Naway dədawnah na kuzuŋ aka zəga məs adawla də haran di?

1Korintus 13:13

Kakaŋ na zəgeɗ tahəŋ hoku: Ətafa əga zəga nani, də əŋgla. Amma əŋglayi dədaykiyit pakə.

1Korintus 15:20

Amma gesiŋ, Krestu asilik səkəti əmta, vini ɗii mimtit pak wasilyoŋ.

2Korintus 1:3

Məgəɗ səm soko sən Maŋgəlva Affən Ɗəfdaya nam Zezu Krestu, vi Affən məwəl sahayi, ndəni Maŋgəlva məzu ɓətgəm pay pakə.

Galatiyen 6:16

Ɗiiyen məzəsbanən wənnəs pakə, Maŋgəlva dəpsit zəzay də mbəlembəle ndəɗaŋ dit ɗii na Israyel məs də goŋga na Maŋgəlva pakə.

Efesus 1:17

inatə kaman Maŋgəlva Affən Ɗəfdaya nam Zezu Krestu, Maŋgəlva məs də gakdaka, dəpsukum gən Əmpəs nani, məs narban sukum zəga nawsənna, məs narban sukum Maŋgəlva ka kəsənən gəni.

Efesus 1:3

Usoko sən Maŋgəlva Affən Ɗəfdaya nam Zezu Krestu. Apsəmək barkeɗ zemvit temtem pak sə disiŋ də Krestu.

Efesus 1:7

Vi wənnet mbel na Krestu məs dəziyaŋ mərəhək kimə də əviyan mambray namə, vas ki Maŋgəlva arban səm gakdak na mogon nani.

Efesus 2:4

Amma Maŋgəlva tay də ula saha diiɗa, vi wəŋgla nan diiɗayi sawɓa,

Efesus 3:20

Maŋgəlva waɓap wəɗɗa an məs dədayki wəzuli namə, də an dədayki wəɗum namə, vi tayəɗɗa wəza də mənam də sembe nan metiŋgini.

Kolosi 1:23

Amma say mədoŋ abe abe də wətaf wənnani, məmpa tulkum adəvən. Kədaw ngereŋ wən maɓɓan wəzar gukum səza məs kədawgaŋ ɓa, məs kərəhaŋ pay məs kəpprəmən labara nenek ɓa. Ɗii na duniya pak apprəmənək wənna labara neneke. Yaŋ Maŋgəlva anah suwa, in Pol, nərban gən wənnani.

Kolosi 1:27

Yaŋ kan Maŋgəlva aŋgələk wərban gakdak na wən məɗama nan metiŋgin məs azaɓan viyit ɗii pakə. Wən məɗama nan vani, ndəni Krestu məs namakrokum, ndəni dəpsukum wənnawga zəga, narəh haran nokum aza gakdak na Maŋgəlva.

1Tesaloniki 1:3

Mənam tatəɗumon wəza nawtaf nokum aba Maŋgəlva Affəmə, də wəzuliya də wəŋgla nokum də an məs kədaɓəsaŋ də wəɗum nokum aza Ɗəfdaya nam Zezu Krestu.

1Tesaloniki 4:13

Amma nəŋgəl na milmiŋgiɗwa, kəsənən gən wənnet ɗii mimtiti, kəda sahanən zukum va net ɗii məs tahəŋ də wəɗum na silyo sətəki namta ɓaɓa.

2Tesaloniki 2:16

Maŋgəlva Affəmə aŋgələməka apsəmək zəga nawga an naw san ha faɗə, asɓanək makram pay pak də mbəlembəle nani. Maŋgəlva də Ɗəfdaya nam Zezu Krestu

1Timote 1:14

Amma Ɗəfdaya nam agul suwək mbəlembəle nan diiɗa sawɓa, avay suwək wətafa də wəŋgla məs dəde də wəsap nam də Zezu Krestu.

Titus 2:13

Mənam tatə ga an mədaɗum akani, tay də nenek akan də wərban akdak na, Maŋgəlva metiŋgini, də məzukohgəm Zezu kertu.

Ibriɗe 3:6

Amma Krestuwi Wətən Maŋgəlva* məs də goŋga, Ɗəfdayayi eŋgil ana Maŋgəlva da, mənamtə gəla nani, an məppan wəsok zəm də goŋga nan ɓa, an mənam tatə gan ha pay wəgrak nani.

Yakob 1:18

Də wəŋgla nani apsəm zeŋgille gəm də wəpel nan an gesiŋ, vi təki nasuwa nam dəsan gən dayki zəga məs azəməɗ pak abani.

1Piyer 1:13

Vi vaski məzaɓan wəɗum nokum naɗɗa wəza sən Maŋgəlva, məzi zukum, məɗi wəɗum nokum pak aka zəzay məs dədazan sukum pay Zezu Krestu adazani.

1Piyer 1:21

Vi zəzay nani kərəhən ətaf Maŋgəlva, Maŋgəlva məs dəsil gən sətəki əmta, apsənək gakdaka, vi wətaf nokum də wəɗum nokum dəsan gən aza Maŋgəlva.

1Piyer 1:23

Nokum kuwaŋgək meleketekum də əpel na Maŋgəlva madaran məza agrak ɓa, nokum kuwaŋgək də Affukum məza amta ɓa.

1Piyer 2:2

Məsoŋ va kirin muwet kakaŋka, adaŋglaŋ momvo, məŋglu əpel na Maŋgəlva an də goŋga, vi kəɓayaŋ gən dəndən kəkohoŋ gən dəndəni, kənanənək nenek na Ɗəfdaya.

1Piyer 3:15

Amma Məgakdakan Krestu amakrokum, dəsan gən Ɗəfdaya nokum. Məzaɓan zukum ko dewɗe pak naw zlan sit ɗii məs dəda sohokumən aka zəga məs kədaw gaŋ.

1Piyer 3:21

Vasna iŋkileŋki, ana baptem adarbanəni. Məs dədaw koh gukum kakaŋka, də wəskoɓ haramba na gəɓa zə ɗəffi ɓa, amma adəvəni mədaw sler də Maŋgəlva, də viyan səmə gən mambray sə makramə, baptem wakoh gukum də wəsil gən Zezu Krestu sətəki əmta.

1Piyer 3:5

Vaski bo daga far lahəŋka gil en salala akpaŋganənək zit mogoni, aɗiyənək an məs adaw gaŋ pak aka Maŋgəlva, apprəmənək met zilŋgiti.

1Yohanna 2:29

Kəsənənka Krestu təstəssi mambray taya zan ɓa, kəsənənka ko naway məzəɗɗa an təstəssə wətən Maŋgəlvayi.

1Yohanna 3:3

Ko naway məs dəŋgəl wəsuwa va Krestu, say duɗak də mambraya, va Krestu sən kiyən awɗak dəndən.

1Yohanna 3:9

Ko naway dəkpaŋ wətən Maŋgəlva agəɗ na mambray ɓa, vi əmpəs na Maŋgəlva tayəɗɗa wəza amkrani, asbana wəɗɗa mambray ɓa, vi Maŋgəlva yi Affəni.

1Yohanna 4:7

Bayneŋgiɗwa, məŋglu səm zəmə, vi wəŋgla səza Maŋgəlva ade. Ko naway məs tay də wəŋgla, nan wətən Maŋgəlvayi asənək Maŋgəlva.

1Yohanna 5:1

Ko naway dətaf na Messiyayi Krestu, nan wətən Maŋgəlvayi. Ko naway dəŋglu affən waŋglu wətəni.

1Yohanna 5:18

Məsənka an wətən Maŋgəlva kənani, kəsbana wəɗɗa mambray ɓa, amma Wətən Maŋgəlva* tay gani, ɗəf mbrayen aɓapna wəgəɗ sən zəga ɓa.

1Yohanna 5:4

Vi wətən Maŋgəlva pak waɓap wətak wəlla wənziya egge. Də wətaf nami mədawtak wəla wənziya egge.