1Piyer 1:25 - Nouveau Testament en Guidar

²⁵ Amma əpel na Ɗəfdaya wasan ha faɗə. Wəpel nan ndəni labara nenek məs məpel sukum.

Bible en Guidar

²⁵ Ya əpel na Daya wasan hã faɗə. Əpel vani, ndəni Alabara Nenek məs mənah sukum.

1Piyer 1:25 ပူးပေါင်းရင်းမြစ်များ

Matiye 5:18

Gesiŋ nəda nah sukum: Ko va disiŋ də dəlva fuŋ adanziyaŋ pakə, ko ma masinək muzliyəkə walla muzliyək na ma henziŋ kasgati agisbe ɓa, ha gap wəgrak net zigeɗ pakə.

Luka 16:17

Wəgrak disiŋ də dəlva fuŋ tay tuwãh, va wəzzan ma masin taka sədəv ma henziŋɗe ɓa.

Yohanna 1:1

Səza wətəŋga, daga Maŋgəlva dəɓələɗɗa dələv tagay ɓa, tay məs adaw yaŋ na wəpele. Wəpel nan asanək də Maŋgəlva, ndəni Maŋgəlva.

Yohanna 1:14

Wəpel nak akpaŋgək ɗəffa məs də gəɓa zəni, asanək awalaŋgəmə. Mulak gakdak nani, ndəni gakdak va Wətən məs taka arah aza Affəni. Dəndəni Maŋgəlva arban mbəlembəle nani də gegesiŋ nan pakə.

1Korintus 2:2

Vi ənziya naw nəsaw anokumda na, nəŋgəl əsən zəga mbərən awalaŋkum ɓa, say Zezu Krestu an məkpa'ən aka wəlaŋga.

Efesus 2:17

Vaski kan agəɗə, Krestu adeke, apel sitik Wən Nenek na zam sit ɗiiyi, munokum ɗii məs Yahudiyenɗe kənanaŋ ɓa məs faraɗa də Maŋgəlva dit Yahudiyenɗe məs gu'o dəndən pakə.

Efesus 3:8

Əntə dərɓe an faɗ azet ɗii na Maŋgəlva: Yas dərəŋ kana, Maŋgəlva awəl saha akawa apsuwək tive vi nəpel gən Wən Nenek nan sit ɗii məs dəsənən Maŋgəlva ɓa, vi nərban sit gən arya na Krestu diiɗayi ka səni ɓa.

Titus 1:3

Amma arbanək wəpel nan suwa adəv pay məs dəslə də wərban wənnani. Maŋgəlva məzukoh gəm dəpsu tive də wəɗi su wənnani ndəni nədaw pel wənnani.

Ibriɗe 6:5

Asənənək na wəpel na Maŋgəlva mogoni, asənənək sembe naka dələv an dədazani.

1Piyer 1:12

Maŋgəlva arban sitik məs kleŋɗe na, wənəs məs das kəs na, net sən kiyit awlanən na ɓa, amma wənan vikumi. Yaŋ Wən Nenek nak agapək azokum kakaŋka na. Masləŋɗe məzu pel sukumən wənnəŋka anah sukumənək wənnani. Apel sukumənək də sembe na Əmpəs Salala məs dəde sə disiŋ. Ko maslayɗe bo met tayaka wəsən wənnəŋka.

1Piyer 1:23

Nokum kuwaŋgək meleketekum də əpel na Maŋgəlva madaran məza agrak ɓa, nokum kuwaŋgək də Affukum məza amta ɓa.

1Piyer 2:2

Məsoŋ va kirin muwet kakaŋka, adaŋglaŋ momvo, məŋglu əpel na Maŋgəlva an də goŋga, vi kəɓayaŋ gən dəndən kəkohoŋ gən dəndəni, kənanənək nenek na Ɗəfdaya.

2Piyer 1:19

Apsəmək sembe nataf wən an məs kleŋɗe apeleŋ. Məgəɗ mogon də wəzi zukum azani vi tay va pitirla məza kasak atəki məs guzli asani, ha gap aza wədaŋ təkiya gəm baŋgay naba pumpum də kasak gən amakrokum.

1Yohanna 1:1

Mənam tatə versukum, aka wənna ɗəf məs adawyaŋ na əpel na zeŋgille, daga duniya tay tagay ɓa, əpel nan tay dabəŋ ki wətəŋ zəga pakə. Məpprəmək pay adaw pele, mulak də haramə, gesiŋ mulaka, mərəŋ gənək də vamə.

1Yohanna 1:3

Zəga an məs muwəl də haramə, an məs məpprəm də sləmamə, ndəni mədaw nah sukum tamə, vi kəsapaŋ gən də mənamə, vi wəsap nam dəsan gən də Affəni gəm də Wətəni ndəni Zezu Krestu.

Hənhən 14:6

Yaŋ nula maslay maɓɓan daw veŋ a disiŋ faraɗa, tay də labara nenek na Maŋgəlva avan ha faɗə, vi kawnah sit ɗii naka dələv pakə, dit ɗii temtem pakə, də ma əlfa pak dit zemvit ɗii pak dit ɗii pakə.