1Piyer 1:22 - Nouveau Testament en Guidar

²² Kəkpaŋganənək mokrokum salala də wəsban goŋga, də wiŋgliw milmiŋgiɗkum məs dətafaŋ, vini məŋglu zukum də mokrokum taka məza də mataka taka ɓa pay pakə.

Bible en Guidar

²² Kubburunək megenegenekum də əɓe' sən gegesiŋ vi kaŋgliw milmiŋgiɗkum məs dətafaŋgə məza muluvuluvu ɓa. Məŋglu zukum də mokrokum bar pay pakə.

1Piyer 1:22 ပူးပေါင်းရင်းမြစ်များ

Yohanna 15:17

Məŋglu zukum, ndəni kpak nəɗi sukum.

Yohanna 15:3

Munokumtə məs məzoɓokum vi wənna wəbaah an məs nərban sukum.

Yohanna 17:17

Wəpel noki goŋga. Yaŋ azeɓetik ka ɗii noko də goŋga naka.

Yohanna 17:19

Wanəpan zeŋgillewa viti vi dəsoŋ gən ɗii nok gesiŋ.

Wəza net Masləŋɗe 15:9

Duɗakan walaŋgəm dənɗaŋ ɓa, atafənka aviyan sitik mambray neti.

Wəza net Masləŋɗe 6:7

Vaski bo wəpel na Maŋgəlva adawtraya. Wəŋɗa net ɗii dətafaŋ tayənzləra pay pak a Zerusalem, ɗii diiɗa suweleŋgit məs dəlveŋge atafənək wənnani.

Roma 1:5

Vi wənnani, Maŋgəlva avay tive nəkpaŋ gən masləŋ nani, vi nəka gən Labara Nenek nan sit ɗii namba dələv pakə, dətafən gəni, dəpprəmən gən ma Maŋgəlva də wə gakdakan iya na Krestu.

Roma 2:8

Amma ɗii məs dəɓoŋgoŋ akani, dəsbanən goŋga nan ɓa, dəppanən zit sən zəga mbrayen, Maŋgəlva waki wədda gədəv nan də tattuwãh nan pak aketi.

Roma 8:13

An kəsbanənək əŋgla na gəɓa zukum, wakəmtaŋ. Amma an kəpprəmənək ma Əmpəs na Maŋgəlva ka dəbay gən əŋgla na gəɓa zukum, asna wakəsoŋ madarokum.

2Korintus 6:6

Mənam tatərban na, məɗɗaŋ wəza na Maŋgəlva mənani də goŋga namə də əsən namə, də əbaah na Əmpəs Salala*. Də əŋgla məza də mataka taka azan ɓa.

Galatiyen 3:1

Munokum Galatiyenɗe dərweŋge kənanaŋ! Nawa dəligukum di? Nərbanək ama horokum na Zezu amtək aka məzliwrihe.

Galatiyen 5:5

Nam mənam tatə ɗum na, Maŋgəlva wakpaŋgam təstəs abani, ndəni məda tafən də sembe na Əmpəs na Maŋgəlva.

Galatiyen 5:7

Munokum tatə dawaŋ mogoni, naway dətak kikum dasban goŋga di?

Efesus 4:3

Məsok zukum wərma wəsler məs Əmpəs na Maŋgəlva apsukum, də zam məs dinokum va də helege.

Filipi 1:9

Aski wəzuli naw aba Maŋgəlva vikum, nəŋgəl wəŋgla nokum dəɓaygen abe abe adəv wəsən zəga də wəpprəm pakə.

1Tesaloniki 3:12

Ɗəfdaya dəɓay gən, əŋgla nokum, dənzlər gən əŋgla nan awalaŋ zukum də azet ɗii pakə, dəsan gən va əŋgla məs məŋgulukum.

2Tesaloniki 1:3

Munokum milmiŋgiɗwa, makram aknahəh də soko, say məgəɗ gən soko sən Maŋgəlva vikum, məza wəppan gabban ɓa. Wənnan aslək vaska, vi wətaf nokum bo tay ɓay sawɓa, əŋgla na walaŋ zukum bo tay mbat abe abe.

2Tesaloniki 2:13

Milmiŋgiɗwa pay pak mənam tatəɗɗa soko sən Maŋgəlva vikum, annokumi. Ɗəfdaya aŋgələ, Maŋgəlva awel kumko vi kəsoŋ gən kana koh dabəŋ. Wakəkohoŋ vi Əmpəs na Maŋgəlva tayəɗɗa wəza amkrokum, vi kətafənək goŋga nani.

1Timote 1:3

Daga nədawmbat a Makedoniya, nəkomokuko, kəsok gən a Efesus. Ɗii meɓɓet sədak tahəŋ wərbanən zəga temtemi. Say anah sit dəppanən gən wənnani.

1Timote 1:5

Wətər wəray na wənnəŋka: Ndəni wəŋgla məs də makra ɗəf barə, də wəɗum də gəvuk taka, gəm wətaf məs tay də mataka taka ɓa.

1Timote 4:12

Ɗəf adawgusok vi kəsok muzliya ɓa. Asok azet ɗii məs dətafaŋ pak va zəga narban sit tive, də wəpele də wəza də wəŋgla gəm də wətaf an məza də mambray ɓa.

1Timote 5:2

Məduwiliɗ bo, ahayẽt va moko, gil bo ahayẽt va mamndayeŋgiɗko, də makrok taka.

2Timote 1:14

Arma zəga mərban mogon məs məppan sukəŋka, arma wənnan də wəbaah na Əmpəs Salala*, məs dəsan amakramə.

Ibriɗe 11:8

Abraham atafək Maŋgəlva də wəpprəm mani, yaŋ Maŋgəlva aya dəmbat gən aka dələv məs anah na wapsəni. Apanək dələv nani, tay mbat məza wəsən təki məs adawmbat ɓa.

Ibriɗe 13:1

Məŋglu zukum, vi məlma kənanaŋ.

Ibriɗe 5:9

Adan Zezu agrak bonoy nan temtem də wəza nan pakə, akpaŋgək affən wəkoh an ha faɗə vi ko naway an məs dəpprəm mani.

Ibriɗe 6:10

Maŋgəlva məs də goŋgayi, asgət na ki wəza nokum ɓa, walla wənna əŋgla nokum məs kərbaŋ sənən də wəbaah sit ɗii məs dətafaŋ, milmiŋgiɗ kuməŋ, munokum tatəbaahaŋsit kakaŋka'a.

Ibriɗe 9:14

An vaski na mbel na Krestu dədawtəraŋ wəray day pakə. Də Əmpəs nasuwa ha faɗi apsən zeŋgillen sən Maŋgəlva va sazlaga məs tay də mambray ko suɗike ɓa. Mbel na Krestu waskoɓən makramə, waviyanən mambray namə, vi mədaɗɗa an naw kəm atəki namta ɓa, amma say mərah gən wəgəɗ sən wəza sən Maŋgəlva an də zeŋgille.

Yakob 1:21

Vi wən aski məppan wəza mambray sə makrokum pakə. Kədaɗɗaŋ mambray əmpa ɓa, məpak sləmokum amba wənnəŋka, məs Maŋgəlva aɗi amakrokum, ndəni də sembe nawkoh gukum sə ma əmta.

Yakob 4:8

Məzar aza Maŋgəlva nan bo wazar azokum. Məɗa vokum səza mambraya, məskoɓ mokrokum munokum muluvuluvuɗe.

1Piyer 1:2

Kəkpaŋgaŋgək muwelkum vi wənna əŋgla na Maŋgəlva Affən. Əmpəs nan aɗukumko kəsoŋ gən məzəsbanən Zezu Krestu, vi mbel nan dəskoɓ kumən gəni. Mbəlembəle də zam dənzlər sukum.

1Piyer 2:17

Məgakdeket ɗii pakə, məŋliw milmiŋgiɗkum kretiyenɗe, məgeslne sən Maŋgəlva, məgakdakan məlĩya.

1Piyer 3:1

Gili məpprəm met zel nokum, an ɗii meɓɓet suweleŋgit dətafən wənna Maŋgəlva ɓa, asna watafaŋ məza wəpel sit wənnan ɓa, vi wədaw nokum.

1Piyer 3:20

Va wənah na: Sit əmpəsɗe net ɗii məs dəsbanən Maŋgəlva lahəŋ ɓa, va Maŋgəlva aɓəs lahəŋka aga Nuwa pay adawzaɓ bəlay. Adəvən bo ɗii dədopoɗo kaaka də kohoŋ səret iŋkile.

1Piyer 3:8

Aŋki wəgrak na wən məs nədaw ver sukum: Məsoŋ də maɗula taka, wəɗum taka, məwəl saha aka zukum də wəŋglu zukum va məlma, məbaah sən zukum, kədarbanən daya sit milmiŋgiɗkum ɓa.

1Piyer 4:17

Vi pay agapka, Maŋgəlva wataw kita aket ɗii nan dabəŋ. Adan atəŋgək akam dabəŋ, mbari adaw san dit ɗii məs dətafən Wən Nenek na Maŋgəlva ɓa di?

1Piyer 4:8

Amma an məs dəday pak na, məŋglu zukum, də wəŋgla ana makrokum, vi wəŋgla aviyan mambray diiɗa.

2Piyer 1:7

də əŋgla net milmiŋgiɗən də əŋgla na Maŋgəlva.

1Yohanna 3:11

Aŋki labara məs kəpprəmaŋ daga wətəŋ nani, məŋglu səm zəmə.

1Yohanna 3:23

Aŋki ma henziŋ nan vani: Mətaf səm iya na Wətəni ndəni Zezu Krestu, məŋglu səm zəmə va Krestu anah səm məɗɗa gəni.

1Yohanna 4:12

Ɗəf tay dula ɗaah Maŋgəlva ɓa. Amma an məŋglumək zəmə, asna Maŋgəlva wasan də mənamə, wəŋgla nan bo wagəɗ wəza amakram an məs aŋgəl pakə.

1Yohanna 4:20

An ɗəf anahək na: Nəŋgluwək Maŋgəlva, amma dəppan wəzel məlmən ɓa, tepelke adawa. An ɗəf dəŋglu məlmən məs adawla aza haran ɓa, mbarmbari adəŋglu Maŋgəlva məs dula ɗaah aza haran ɓa di?

1Yohanna 4:7

Bayneŋgiɗwa, məŋglu səm zəmə, vi wəŋgla səza Maŋgəlva ade. Ko naway məs tay də wəŋgla, nan wətən Maŋgəlvayi asənək Maŋgəlva.

Hənhən 2:4

Amma wən nok taya makrawa, vi istat də əŋgla naw va an dabəŋ ɓa.