1Piyer 1:19 - Nouveau Testament en Guidar

¹⁹ Amma kərəhənək kikum də mbel na Krestu sən kiyən məs azi də tattuwãha, məs dəsan va time botol məza mbrayen azan ɓa, məza haramba azan ɓa.

Bible en Guidar

¹⁹ Ya də mbel na sləma na Kristu iyi, məs dəssoŋ va na ndargayã məs heslepe tay azan ɓa gəm tay məs dəray azan ɓa.

1Piyer 1:19 ပူးပေါင်းရင်းမြစ်များ

Matiye 20:28

Ko Wətən dəffa dəde vi ɗii dəɗɗaŋ sənəŋ gən wəza ɓa, amma vi dəgəɗ gən wəza sit ɗiiyi, apanək zeŋgillen vi kawkohgit ɗii diiɗa.

Matiye 26:28

Vi eŋki mbel zuwəŋ ndəɗaŋgəŋ tive nawsleret ɗii də Maŋgəlva azoŋguk viyit ɗii diiɗa, mbel nawsleret ɗii də Maŋgəlvaŋgə.

Yohanna 1:29

Yaŋ vit pumpum nani, Zaŋ awlak Zezu dazan azani, amna: Andaki botol na Maŋgəlva naw gəm mambray na dəlva.

Yohanna 1:36

Yaŋ awla Zezu dawtoŋgo, amna: Aŋki botol na Maŋgəlva.

Wəza net Masləŋɗe 20:28

Məga zukum məga ngaɓa məs Əmpəs Salala apəl sukuməŋka. Məsoŋ məzuteɗeŋge net kretiyenɗe na Maŋgəlva, məs arah də əmta na Wətəni.

Roma 3:25

Maŋgəlva aɗiyək aban ka ɗəf nawsleren dit ɗii na duniya pakə. Mbel nan məs dənzuwaŋ aka wəlaŋga məzliwrihe ndəɗaŋgəŋ dəda kpaŋgetin ɗii məs dətafaŋ təstəs aba Maŋgəlva. Daga far laŋka Maŋgəlva aɓəsəka dətaw kita aka mambray net ɓa. Amma kakaŋ na, tay əviyan sit mambray neti. Vaski kan arban təstəs nani. Gesiŋ də payan nam kakaŋki aŋgəl wərban vaska. Maŋgəlva təstəssi, tay ɗi ɗii məs dətafən Zezu pak ka ɗii təstəssə.

Efesus 1:7

Vi wənnet mbel na Krestu məs dəziyaŋ mərəhək kimə də əviyan mambray namə, vas ki Maŋgəlva arban səm gakdak na mogon nani.

Kolosi 1:14

Də Wətənni mərəh kimə, də wəviyan mambray namə.

1Piyer 1:2

Kəkpaŋgaŋgək muwelkum vi wənna əŋgla na Maŋgəlva Affən. Əmpəs nan aɗukumko kəsoŋ gən məzəsbanən Zezu Krestu, vi mbel nan dəskoɓ kumən gəni. Mbəlembəle də zam dənzlər sukum.

1Piyer 3:18

Vaski bo Krestu sən kiyən amtək tel taka vi mambray net ɗii pakə, wətər wəray nan agrak na ɓa ha faɗə, tay də mambray ɓa, amma amtək viyit ɗii mambrayɗe, vi kakukum aza Maŋgəlva. Ɗii abayənka, amma əmpəs Salala asil gənək də zeŋgilleni.

1Yohanna 1:7

Amma an mənam tatə daw ara təki babara va Maŋgəlva sən kiyən asan atəki babara, asna məsappək awalaŋ zəmə, mbel na Wətən waviyanən mambray nam pakə.

1Yohanna 2:2

Zezu Krestuwi dəmtə vimə vi Maŋgəlva də viyan səmə gən mambray namə, vi mambray nami kaaka ɓa, amma də mambray net ɗii naka dələv pakə.

Hənhən 1:5

Səza Zezu Krestu, məs dəgəɗ saydawa də goŋga. Ndəni dabəŋ kiyit ɗii mimtiti, ndəni məlĩ aket məlĩyeŋge naka dələv pakə. Aŋgəlməka, kawgil gəm sədəv mambray nam də əmta nani.

Hənhən 14:1

Yaŋ nəzi harawa, nulak Botol ziwe aka gərəm na Siyon, dit ɗii meɓɓet tahəŋ dəndən uzinere səkat də uzine kaklaw poɗo kiyən poɗo, məs dəsoŋ də iya nani də iya na Affən məverin a mirbisti.

Hənhən 14:5

Ɗii net kawrəhi tepelke amet ɓa, mbrayen taya zet ɓa.

Hənhən 5:6

Yaŋ nula Botol aziwik aweleŋgit mazaŋgeɗ na məlĩya, kiyən tuwəɗ dit zigeɗ maderet poɗo gəm aweleŋgit ɗii gugiriɗe. Time van bo agilik va mətaw wəlani. Mohon bo tay buhul, haran bo buhul, ndəɗaŋgəŋ Əmpəs na Maŋgəlva buhul məs aslən aka dələv pakə.

Hənhən 5:9

Yaŋ adawyaŋ gəlya meleketeni: Əstə kəgap nawgəm ɗereweləŋka. Də wəhok tampoŋ nani, vi məbay kuwi də əmta noki kəmet ɗii sən Maŋgəlva sədəv ma əlfa pak sədəv ma pakə, də zemvit ɗii temtem səmba dələv pakə.

Hənhən 7:14

Nəpsən na: Ɗəfdaya nawa nisin ɓa, say is kisine. Apsuna, ndəɗaŋgəŋ ɗii məs də gulyoŋ sədəv bonoy metiŋgin məs dəskoɓən lukutɗe neti, aɗɗenin lukutɗe net baberɗe dit mbel na botol na Maŋgəlva.