1Piyer 1:17 - Nouveau Testament en Guidar

¹⁷ An munokum tatə zuliyaŋ sən Maŋgəlva, munokum tatə yanən na əbba. An tay taw kita aket ɗiiyi awɗeket na ɓa, ko naway pak va aza wəza nan məs agəɗə. Vi vaski, adəv pay nanziya nokum aka dəlvəŋka, məpprəm mani.

Bible en Guidar

¹⁷ Ya an munokum tat iya mətaw wən aka ɗəf va aza wəza nan na əbba, asna mədaw də geslne addəv pay məs kəssoŋ kakaŋkəŋka.

1Piyer 1:17 ပူးပေါင်းရင်းမြစ်များ

Matiye 16:27

Wətən Ɗəf* wade dəgakdak na Affəni, dit maslayɗe nani, wafaɗsən ko nawa pak va wəza nan adaɗɗa.

Matiye 22:16

Aslininik gewleɗ neti dit gewleɗ na Herodə aza Zezu, apsənən na: Məsən zəga, məsənka ɗəffan təstəs kənani, istat ərban tive na Maŋgəlva də goŋga kaw geslne sən wəpel net ɗii ɓa, vi nok kaslga sləma əwelet ɗii ɓa.

Matiye 6:9

An munokum tatə zuli na, vaŋki kədaw nəhaŋ: Aw Affəm na disiŋ, salala* kənani, aɗɗa ko naway pak də gakdakan gən iya noko.

Roma 11:20

Gesiŋ, ya amma məŋgohən na, vi dəŋgereŋ ətaf ɓa yi. Nokum bo məntepekum na, vi kətafaŋgi, vi vaski kədaw kaɓaŋ ɓa, say məgeslne'i.

2Korintus 1:2

Maŋgəlva Affəmə, də Zezu Krestu Ɗəfdaya namə, dəpsukumən mbəlembəle də zamə.

2Korintus 5:6

Vini mədaw sok makram pay pakə. Məsənka, pay mədaw sam adəv gəɓa zəməŋka, faraɗa mənan də Ɗəfdaya.

2Korintus 7:1

Bayneŋgiɗwa əpel na Maŋgəlvas pak aslək vimə. Vini kakaŋ na say məgasəm zəmə məsam gən salala*, məppan səm zəga məs nawray gən gəɓa zəm də məs nawray gən əmpəsa. Say məsam gən salala grakə, məsam səm də geslne na Maŋgəlva.

2Korintus 7:11

Mula an va Maŋgəlva agəɗ sukum də əssahan zukum: Munokum tatəsokən zukum sawɓa, munokum tatə gayaŋ ka kəsoŋ gən salala məza də mambray azokum ɓa. Maɗulokum azlabka, munokum tat də geslne diiɗa, munokum tatəɗumoŋ akawa, munokum tat də əŋgla naɗɗa zəga mogoni, munokum tatəsokən zukum ətaw kita aka mambraya. Də as pak kərbanənək zukum na, salala kənanaŋ aza wənnani.

Galatiyen 2:6

Amma azet ɗiiyen məs va gakdakɗe, ko va asoŋ lahəŋka məssaw dənɗaŋ di, Maŋgəlva awla aza gakdak na ɗəf ɓa, vi ɗiiyen gakdakɗe də vayaŋ ko mi akan ɓa.

Efesus 1:17

inatə kaman Maŋgəlva Affən Ɗəfdaya nam Zezu Krestu, Maŋgəlva məs də gakdaka, dəpsukum gən Əmpəs nani, məs narban sukum zəga nawsənna, məs narban sukum Maŋgəlva ka kəsənən gəni.

Efesus 3:14

Vi vaski nədaw zuli sən Maŋgəlva, ndəni Affən an də goŋga.

Efesus 6:9

Munokum dayeɗe net balemɗe, kədaw bayaŋ sitin gagay ɓa, kəsənənka Ɗəfdaya nokum na disiŋ nan kənanaŋ pak dənɗaŋ, munokum dənɗaŋ pak aban kənanaŋ ɗii pak dakadakaŋ azani, vini say məsoŋ dənɗaŋ va an dəslə.

Filipi 2:12

Bayneŋgiɗwa, pay nəsaw anokumda na, munokum tatəpprəmən mawa pay pakə. Ya adan kakaŋ faraɗa nan də munokum, məpprəm mawa. Məɗɗa wəza nawkoh nokum də geslne də wəkkere.

Kolosi 3:25

Ɗəf məs dəgəɗ mambray ko naway pak Maŋgəlva wataw kita akan vi mambray nani, vi Maŋgəlva awɗeket ɗii ɓa.

Ibriɗe 12:28

Vini kana məgəɗ səm soko sən Maŋgəlva, vi mərah gən məlĩ an aɓəl na ɓa. Məzuli sən Maŋgəlva va an aŋgələ də wəgeslne səni.

Ibriɗe 4:1

Maŋgəlva anahək na wapsəm tive nawtoŋ atəki naffet nani. Say məzi səm zəmə, vi ɗəf səmbam adawbew ko taka dawtoŋ atəki naffet nan ɓa.

1Piyer 2:11

Bayneŋgiɗu na makrawa, melekeɗ kənanaŋ aka dəlvəŋka. Vi ni nəda komokum kədapaŋ tive sən əsim zəga na gəɓa zə ɗəf ɓa, vi tay kay tive pay pak kaw zan zeŋgillekum.

1Piyer 3:15

Amma Məgakdakan Krestu amakrokum, dəsan gən Ɗəfdaya nokum. Məzaɓan zukum ko dewɗe pak naw zlan sit ɗii məs dəda sohokumən aka zəga məs kədaw gaŋ.