1Korintus 9:1 - Nouveau Testament en Guidar

¹ Də kiyu nan ɓa sa? Masləŋ nan ɓa sa? Nula Ɗəfdaya nam ɓa sa? Nokum bo munokumtə ətər wəray na wəza naw vi Ɗəfdaya ɓa sa?

Bible en Guidar

¹ Na kiyu nan ɓa sa? Maslən nan ɓa sa? Nula Daya nam Yesu ɓa sa? Wəza naw kənanaŋ addəv Daya ɓa sa?

1Korintus 9:1 ပူးပေါင်းရင်းမြစ်များ

Wəza net Masləŋɗe 13:2

Pay maɓɓani, tahəŋ wəzuliyaŋ sənən Ɗəfdaya, tahəŋ wə see'eŋ meme, Əmpəs Salala* apsit na: Muwel su Barnabas də Sol vi wəza məs nəyesəni.

Wəza net Masləŋɗe 14:14

Adan Barnabas də Pol apprəmən an məs adaŋglaŋ wəgəɗsiti, aŋgarənək lukutɗe neti, anzuwaŋgək suweleŋti ambataŋgək vandaka, aslanənək wəleti, apsitin na:

Wəza net Masləŋɗe 14:4

Ɗii na walaŋ gəla nan awɗakaŋgək sula aka wənnani, ɗii meɓɓeti asbetinik Yahudiyenɗe, ɗii meɓɓet tamə asbetinik masləŋɗe.

Wəza net Masləŋɗe 23:11

Dəfəɗ nani, Ɗəfdaya arbanək zən aza Pol, apsən na: Kədaw geslne ɓa, kərbanək wənnaw aŋka a Zerusalem, say kərban gən wənnaw əmpa a Roma.

Wəza net Masləŋɗe 9:15

Ɗəfdaya apsən na: Doko, kakaŋ na, nəwelik dəgəɗ suwə gən wəza, dərban gən iya naw azet ɗii meɓɓeti gəm azet məlyeŋge də azet ɗii na Israyel.

Wəza net Masləŋɗe 9:17

Yaŋ Ananiyas ambatə, atoŋguk eŋgil naka, aɗiyək van aka Sol. Amna: Sol məlmuwa, Ɗəfdaya nam Zezu də slənwa, ndəni məs dərban zən azok aka tive dazokəŋka. Aslənwək azoko ka kəməs gən ula, kərah gən sembe na Əmpəs Salala.

Wəza net Masləŋɗe 9:3

Adan adadan aka tive, gu'o nawgap a Damas, vaski ləŋ təki babar ade sə disiŋ, kiyən tuwəɗə.

Wəza net Masləŋɗe 9:5

Yaŋ Sol assohoni: Nawa kənan di Ɗəfdaya? Yaŋ wəla ɗəf nak azlansən na: Əntə Zezu məs kədaw kayan mawa.

Roma 1:1

Letərəŋka Pol məs dəsan balam na Zezu Krestu wi dəver azet kretiyenɗe na Roma. Maŋgəlva ayuwəka, aɗiwək ka masləŋ nani, awelwəka ka nərban gən Labara Nenek nani.

Roma 1:5

Vi wənnani, Maŋgəlva avay tive nəkpaŋ gən masləŋ nani, vi nəka gən Labara Nenek nan sit ɗii namba dələv pakə, dətafən gəni, dəpprəmən gən ma Maŋgəlva də wə gakdakan iya na Krestu.

Roma 11:13

Munokum məs Yahudiyenɗe kənanaŋ ɓa, kakaŋ na wanənah sukum: Nəkpaŋgək masləŋ azet ɗii məs Yahudiyenɗeŋ ɓa, əntatə gakdakan wəza nawa.

1Korintus 1:1

Əntə Pol məs Maŋgəlva ayə də əŋgla nan nəsaw gən masləŋ na Zezu Krestu də Sostenes məlməmə.

1Korintus 10:29

Nəpel aka əɗum na makrokum ɓa, amma aka əɗum na makra ɗəf maɓɓan kana. Gesiŋ əɗum na makra ɗəf aɓap na ətaw kita aka kiyu məs nərəh ɓa.

1Korintus 10:30

An nəgəɗək soko sən Maŋgəlva aka way na, vi mi ɗəf maɓɓan adaɗi su dolgoy aka way məs nətaf də soko sən Maŋgəlva di?

1Korintus 11:16

An ɗəf tay dəŋgəl əbay ma aka wənnəs də ina, asna anənah sən na: Ko mənamə, ko kretiyenɗe na Maŋgəlva, mənam tat də matuya maɓɓan ɓa.

1Korintus 3:6

Naw nəslgak zemve, Apollos azi sənək iŋkile, amma Maŋgəlvayi dədawgil gən zemve də əɓay gəni.

1Korintus 9:19

Naw balam nan ɓa, na ɗəf nan ɓa bo. Amma nəɗɗak zu va balam net ɗii pak vi nərah gən vadaysa net sən Krestu.

2Korintus 10:7

Mula zəga pak va adarban zən ama horokum. An ɗəf aɗiyək zən azet ɗii na Krestu, say dəɗum kana, vi nam bo ɗii na Krestu mənani.

2Korintus 11:5

Nəsənək gesiŋ nəgəs azet masləŋɗe nokum gugiriɗiŋ ɓa.

2Korintus 6:1

Namə məɗɗaŋ wəza də Maŋgəlva mənani. Vini məda komokum: Kərəhaŋgək mbəlembəle na Maŋgəlva, məzi zukum adawza səvokum ɓa.

Galatiyen 1:1

Letərəŋka, səza Pol məs dəsan masləŋ ade. Naw nəsaw masləŋ də əŋgla net ɗii ɓa. Walla dəka ma ɗəf ɓa, amma də əŋgla na Zezu Krestu gəm Maŋgəlva Affəni, məs də sil gən Zezu suweleŋgit ɗii mimtiti.

Galatiyen 5:1

Krestu apəlmək sədəv balam, vi məsam gən məza balemɗe ɓa. Vi ni məsoŋ də sembe adəv wərəh kikum, Ɗəf ada kpaŋgokum balemɗe əmpa ɓa.

1Tesaloniki 2:6

Məkay gakdak avet ɗii ɓa, ko avokum ɓa, ko avet ɗii meɓɓeti, məkay ɗaah ɓa.

1Timote 2:7

Vini Maŋgəlva aɗiyu masləŋ na wənnani, də narban wənnan azet ɗii məza Yahudiyenɗeŋ ɓa, vi nəwiɗen gən labara nan də wətafa də goŋga. An məs nənah na, goŋgay tepelke nəwə ɓa.

2Timote 1:11

Maŋgəlva apanək wəza narban labara nenek a vawa, ka nəsaw gən masləŋ narban wənnani.