1Korintus 8:9 - Nouveau Testament en Guidar

⁹ Amma məzi zukum, vi kikum məs kərəhaŋgəŋ adawtoŋgit ɗii meɓɓet adəv mambray ɓa.

Bible en Guidar

⁹ Ya məzi zukum, vi kikum məs kərahaŋgəŋ adawsaŋ zəga nazbərgit ɗiy məddekit ɓa.

1Korintus 8:9 ပူးပေါင်းရင်းမြစ်များ

Matiye 18:10

Məzi zukum kədawzeletin səmbet muzliyeɗ nawəŋ ko taka ɓa. Əntatə nah sukum: Maslayɗe net tahəŋ aba Affu na disiŋ ziw ziwi.

Roma 15:1

Mənam məs də sembe aza wətafəŋka, say məbaah səm sit ɗii məs tahəŋ də sembe ɓa. Mədaɗɗa ananneken zəm ɓa.

1Korintus 10:24

Kədaw kayanən zəga natər sukum wəray kaaka ɓa. Say an natər wəray sit ɗii meɓɓeti.

1Korintus 10:28

Amma an ɗəf anah sukumək na sluwəŋ mətaw wəlan ama tuyayi, kawda tuyayi, kədawzəmnən ɓa, vi kəsənənka, gəm vi əɗum na makrokum naka'e.

1Korintus 10:29

Nəpel aka əɗum na makrokum ɓa, amma aka əɗum na makra ɗəf maɓɓan kana. Gesiŋ əɗum na makra ɗəf aɓap na ətaw kita aka kiyu məs nərəh ɓa.

1Korintus 10:32

Kəda teppetin ɗii ɓa, ko Yahudiyenɗe ko Grekɗe, ko kretiyenɗe na Maŋgəlva.

1Korintus 8:10

Kuzuŋ istat də əsəna, akətoŋ adəv gəla na tuya. Ɗəf mədakən nak awlukuko pay kədawzəmən naka. Wapsən sembe nawzəmən tamə, ya an makran aɗumi ɓa bo.

1Korintus 8:12

An vaski na kəɗɗaŋgək mambray azet milmiŋgiɗkum, yaŋ kəɗiyaŋ vamvi sən əɗum na mekret mədaknəŋka. Vas bo mambray nan aza Krestu kəɗɗanəne'e.

1Korintus 9:22

An əntatə saw dit ɗii məs dətafən Krestu mədekti, naw bo in əkpaŋgan zu mədakwa, vi nərihi gin dəkohoŋ gəni. Va wənah na wa nəkpaŋgan zu adəv zəga pakə, viyit ɗii pakə, vi ko də tive mi pak nərah gən əkoh git ɗii meɓɓeti.

2Korintus 11:21

Wil tay duwən dawnahən: Adəv wəza an vaska, mədakəm mənani. Amma an ɗii meɓɓet ageslne'eŋ na daw kaɓ ɓa, naw bo nəgeslne na ɓa. Kakaŋ əntatə pel va dərwa.

2Korintus 11:29

An ɗəf awlak zən mədakən, naw bo anula zu mədakwa. An ɗəf asbərka agəɗək mambray makraw bo wasaw sawɓa.

2Korintus 6:3

Məŋgəl ɗəf dəfyok gən aka wəza nam ɓa, vini mədaw zi zəmə, vi mədaw tak ətaf na ɗəf ko taka ɓa.

Galatiyen 5:13

Məlmiŋgiɗwa, Maŋgəlva ayukumək kəsoŋ gən məza balemɗe ɓa. Amma kədaw slaahanən kikum məs kərəhaŋgəŋ də wəsim zəga na gəɓa zukum ɓa, say məbaah sən zukum də wəŋgla.

Kolosi 2:8

Məzi zukum ɗəf adaw mbəɗokum də zəga nawsən nan diiɗa ɓa, walla də zəga an narban ɗar mekeleŋ məs dəde səza wəɗum net ɗii kaaka ɓa'a. Zəga nani ndəni wəsən məs adawnəhaŋ na, wəsən aka wənna sembeɗ na disiŋ, aka wənna Krestuwi ɓa.

1Piyer 2:16

Kərəhaŋgək əsso məza balemɗe ɓa də Zezu Krestu, kədaɗɗaŋ mambray də wənah na nam balemɗe mənan ɓaɓa, amma va məɗɗaŋ wəza na Maŋgəlva.

2Piyer 2:19

Tahəŋ wəpanən tive sit ɗii dəsoŋ gən məza balemɗe ɓa, yaŋ ndəɗaŋ sən kiyiti balemɗe na zəga nawzaŋ. Vi zəga məs dədayki ɗəf pak balam nani.

Hənhən 2:14

Amma əntat də wən suɗike akoko, istat dit ɗii məs dədasbanən wən məs Balama adarba annan da, məs dərban sən Balak kaw mbəɗet kirtit Israyel dəɗɗaŋ gən mambray dəzəmaŋ gən zəga mətaw wəlan ama tuya, də wəɗɗa mana'a.