1Korintus 8:6 - Nouveau Testament en Guidar

⁶ Də as pakə, nam Maŋgəlva taka kaaka məsənə, Affən məs dəɗɗa zəga pakə, azani məda milyamə. Vaski bo Ɗəfdaya takayi ndəni Zezu Krestu. Dəndəni məɗɗa zəga pakə, dəndəni bo mədawrəh zeŋgille meleketeni.

Bible en Guidar

⁶ Ya nam na, Maŋgəlva taka kaka məsənə, Afən məs dəɗɗa zəga pakə, azani mədaddamə. Daya taka yi ndəni Yesu Kristu. Dəndəni zəga pak asani, dəndəni məsamə.

1Korintus 8:6 ပူးပေါင်းရင်းမြစ်များ

Matiye 11:27

Affu apan suwək zigeɗ pak a vawa. Ɗəf tay dəsən Wətən ɓa say Affən, ɗəf tay dəsən Affən ɓa say Wətəni, gəm an Wətən aŋgəl wərban pakə.

Matiye 28:18

Zezu adeke, apelsitke, amna: Gakdak pak məpsuwi disiŋ də dəlva fuŋ pakə.

Yohanna 1:10

Wəpel nan taya dəv dəlva, Maŋgəlva aɗɗa dələv pak dəni, amma dələv dəsən ɓa.

Yohanna 1:3

Maŋgəlva aɗɗak ko mi pak də wəpel nani. Zəga tay ko taka məɗɗan məza dəndən ɓaɓa.

Yohanna 10:30

Ina gəm Affən taka mənanni.

Yohanna 13:13

Munokum tatə yəwənna mərbə zəga may Ɗəfdaya, Vaski gesiŋ bo, vi vas nan gesiŋ.

Yohanna 14:20

An pay nan adeke, wakəsənən na ina də Affu taka mənani, nokum bo taka kənanaŋ də ina.

Yohanna 17:3

Aŋki zeŋgille məza agrak ɓa, asənkunko istə Maŋgəlva taka təstəssə, asənənək Zezu Krestuwi masləŋ noko.

Yohanna 20:17

Zezu apsət na: Kədawrəŋgu ɓa, amma doku nah sit milmiŋgiɗu na, əntatə vi nəɓəl wəpeŋ aza Affu ɓa, Affukumi ya'a, aza Maŋgəlva nawa, Maŋgəlva nokumi ya'a.

Wəza net Masləŋɗe 17:28

Vi anahək na: Mənam tat də zeŋgillemə, də wəɓla namə, də va mədaw samə, pak səzan ade. Va ɗii meɓɓet suweleŋgit məyaŋ gəlya nokum anahaŋ na: Nam bo kirtin mənani.

Wəza net Masləŋɗe 2:36

Vi vaski say Israyelɗe pak dəsənən gesiŋ na, Zezu wəŋka, ndəni məs kəkpa'aŋ aka wəlaŋga məzliwrihe, ndəni Maŋgəlva aziw gəni dəsan gən Ɗəfdaya Messiya.

Wəza net Masləŋɗe 5:31

Maŋgəlva bo agakdakanəka, aɗiyək aka van dəzən dəsan gən daya, məzu koh git ɗiiyi, dərban gən wənna tubiya də wənna viyan mambray net ɗii na Israyel.

Roma 11:36

Maŋgəlva azəməɗək zəga pakə, səzani zəga pak ade azani adaw milyoŋ pakə bo. Gakdak pak na Maŋgəlvayi ha faɗə. Amin!

1Korintus 1:2

Məslənək letər nan azet ɗii na Maŋgəlva a Korintus, məsɗetik ɗii na Maŋgəlva nadak pakə ɗiiyen salala* də Krestu, azet ɗiiyen məyet dəsoŋ gən salala, ɗii na Maŋgəlva də wəsap də Zezu Krestu, azet ɗiiyen məzuyanən iya na Daya nam Zezu Krestu, Ɗəfdaya namə gəm neti.

1Korintus 12:3

Ndəni nəŋgəl kəsənən gən na: An Əmpəs na Maŋgəlva armak ɗəffa, ɗəf nan aɓapna ənah na: Zezu məray gəni ɓa. Vaski bo ɗəf aɓapna ənah na Zezu Ɗəfdayayi ɓa, say an əmpəs na Maŋgəlva taya makrani.

1Korintus 6:13

Munokum tatə nahaŋ na: Gədəv ɗəffa, tay vi waya, way bo tay vi gədəv ɗəffa, vaski, ya Maŋgəlva wazet sulegit pakə. Amma na gəɓa zə ɗəf na tay vi mana'a ɓa, say vi Ɗəfdaya, Ɗəfdaya bo vi gəɓa zə ɗəffa.

1Korintus 8:4

Yaŋ kəssohoŋ na, ɗəf wazəm slu mətaw wəlan ama tuya sa? Məsənka tuya na zəga mogoni a duniya ɓa, zəga maɓɓan tay nasban ɓa say Maŋgəlva kaaka'ə.

Efesus 1:3

Usoko sən Maŋgəlva Affən Ɗəfdaya nam Zezu Krestu. Apsəmək barkeɗ zemvit temtem pak sə disiŋ də Krestu.

Efesus 3:14

Vi vaski nədaw zuli sən Maŋgəlva, ndəni Affən an də goŋga.

Kolosi 1:6

Ɗii tahəŋ wərbanən Wən Nenek amba dələv pakə, wənnan tay ki zəzay sit ɗiiyi. Vaski bo anokumda, daga pay labara na mbəlembəle na Maŋgəlva agap anokumda dabəŋ nani, daga kətəŋ gən wəsən labara nenek də goŋga.

1Piyer 1:21

Vi zəzay nani kərəhən ətaf Maŋgəlva, Maŋgəlva məs dəsil gən sətəki əmta, apsənək gakdaka, vi wətaf nokum də wəɗum nokum dəsan gən aza Maŋgəlva.

Hənhən 1:18

Əntə ɗəf madarani, nəmtək laŋka, amma kakaŋ na madaraw nan ha faɗə. Əntə də sembe aka əmta, də aka təki məs ɗii mimtit adadoŋgu.