1Korintus 8:3 - Nouveau Testament en Guidar

³ Amma an ɗəf aŋgluwək Maŋgəlva asna Maŋgəlva bo wasəna.

Bible en Guidar

³ Ya an ɗəf aŋgluwək Maŋgəlva na, asna Maŋgəlva asənəka.

1Korintus 8:3 ပူးပေါင်းရင်းမြစ်များ

Matiye 7:23

Naw wanənah sit na: Nəsənkum ɗaah ɓa kpakə, munokum məɗɗaŋ mambraya mədoŋgu.

Yohanna 10:14

Əntə məzutaɗa mogoni, nəsinik timeŋgiɗ nawa, timeŋgiɗ naw bo asənwənka. Va Affən asənwa, vaski bo nəsəna. Nəpsənək zeŋgillew vi timeŋgiɗ nawa.

Yohanna 21:17

Apel sənək mo hoko'ən əmpa, apsən na: Simoŋ wətən Zaŋ, kəŋgəluwək sa? Zə Piyer asiripke, vi Zezu assohon ma hoko'ən na: Kəŋgəluwək sa? Azlan sənək na: Ɗəfdaya kəsənək ko mi pakə, kəsənək bo nəŋglukuko. Zezu apsən na: Say ateɗ timeŋgiɗ nawa.

Roma 11:2

Maŋgəlva də ndol ɗii məs awel daga wətəŋ nanəŋ ɓa. Məɗumon wən məs ɗerewel məsvan anahə: Eliyas ahəm sənək Maŋgəlva, vi wənnet Israyelɗe.

1Korintus 13:12

Kakaŋ mənam tatulan va foto adəv darawgal, mawlan appaka taa ɓa. Amma pay maɓɓan wade wamula Maŋgəlva haram aza zəm seksekki. Kakaŋ zəga nan suɗike suɗike nəsən wənnan ɗarə, amma pay maɓɓan wade, wa nəsən lewlewi va asənwa.

1Korintus 2:9

Va ɗerewel anah na: Zega məs hara ɗəf dula ɓa, məs sləma ɗəf dəpprəm ɓa, ɗəf tay naɗum wənnan ɓa. Maŋgəlva azaɓan sitik ɗiiyen dəŋgluwəni.

Galatiyen 4:9

Amma kakaŋ adan kəsənən Maŋgəlva, ɗəɗaah wənnəh na, Maŋgəlva asənkuməko, mbari əmpa kəmilyoŋ azet maŋgəlveɗ mədekit məs məvirit ɗerin di? Mokum aka wə milyoŋ kakaŋ adəv balam net əmpa sa?

2Timote 2:19

Amma Maŋgəlva atəŋgək gabban də sembe, aziwik mogon sawɓa. Apprəm məs məverin aka wənnani: Ɗəfdaya asinik ɗii nani. Ko naway dədaɗɗa saydawa aka iya na Ɗəfdaya, say dəppan wəɗɗa mambraya.

Yakob 1:12

Zəzay aza ko naway məs dəɓəs wən tattuwãha, an asanək də sembe aɓəsəka, warah zəŋgille va an Maŋgəlva anah na wapsit ɗii məs dəŋgluwəni.

Yakob 2:5

Milmiŋgiɗu na makrawa, məpak sləmokum amba wəpel nawa. Maŋgəlva awelik məs saheŋɗe na zəga na duniya dəsoŋ gən məs aryeɗ də wətaf Zezu Krestu: Vi dəsoŋ gən adəv məlĩ na Maŋgəlva va an məs anah na wapsit ɗii məs dəŋgluwəni.

1Piyer 1:8

Kəŋgluwənka ko kulanən ɓa, kətafənka ko kulanən kakaŋ ɓa. Vini kəda nekenən zukum də wənnek diiɗa, məs kawɓapi əpel wənnan ɓa.

1Yohanna 4:19

Nam məŋglu Maŋgəlva na, vi ndəni dəŋgələm dabəŋ.

1Yohanna 4:7

Bayneŋgiɗwa, məŋglu səm zəmə, vi wəŋgla səza Maŋgəlva ade. Ko naway məs tay də wəŋgla, nan wətən Maŋgəlvayi asənək Maŋgəlva.

Hənhən 2:13

Nəsənək atəki va kədaw soko, atəki na suwa na məlĩ na Satan kənani, kərmak iya nawa, kəpan wətaf məs kətafu ɓa, ko pay məbay Antipas məgəɗ saydawa akaw də goŋga awalaŋkum atəki məs Satan asani.

Hənhən 2:19

Nəsənək wəza noko, də əŋgla noko, də goŋga noko, də wəza nok məs kədaɗɗa də an kədaw ɓəsa. Nəsənək wəza nok məs kakaŋ metiŋgini dayki an dabəŋ.

Hənhən 2:9

Nəsənək bonoy noko də saha noko, amma məs arya kənani, nəsənək mbrayen net ɗii məs dədaw ɗiyən zit va Yahudiyenɗe adawpeleŋ akoko, amma Yahudiyenɗeŋ ɓa, net ɗii məsbanən Satan nəŋgə.