1Korintus 8:1 - Nouveau Testament en Guidar

¹ Yo mula səm wənna slu mətaw wəlan ama tuyaŋ ɗa. Munokum tatə nəhaŋ na: Mənam pak məsənək zəga. Vaski gesiŋ, amma əsən zevin askəs wakaɓ gən ɗəffa. Say əŋglayi dədawɓay gən ətaf net ɗii na Maŋgəlva.

Bible en Guidar

¹ Dəwəlsən slu na əzaɓ-maŋgəlva sit zəgeɗkamaŋgəlva, məsənək na: Mənam pak məsənək zəga. Əsən wagul ɗəf addəv əkaɓa ya əŋgla wasɓan ɗəfa.

1Korintus 8:1 ပူးပေါင်းရင်းမြစ်များ

Wəza net Masləŋɗe 15:10

Vini kana, kami mədaŋgla wərakan Maŋgəlva də wəɗi sit zəga nawsla an tuwãh diiɗa di? An ko mənamə ko dəhiŋgiɗmə kaw ɓapi wəslan ɓa.

Wəza net Masləŋɗe 15:29

Kədawzəmaŋ slu mətaw wəlan ama tuya ɓa, kədawzəmaŋ mbel ɓa, kədaw zəmaŋ zəga mərrəsl wəlan dərrəsl ɓa, kədaɗɗaŋ mana'a ɓa. An kəganənək zukum səza zəgas pak na, kəɗɗaŋgək mogoni. Məsoŋ zamə.

Wəza net Masləŋɗe 21:25

Amma net kretiyenɗe məza Yahudiyenɗeŋ ɓa, məver sitik ɗerewel, mənah sitik an məs məsler akani: Adawzəmaŋ slu mətaw wəlan ama tuya ɓa, adawzəmaŋ mbel ɓa, adawzəmaŋ slu mərrəsl wəlan dərrəsl ɓa, adaɗɗaŋ mana'a ɓa'a.

Roma 11:25

Milmiŋgiɗwa nəŋgəl karban sukum goŋga məs dəɗamə, vi kədaw lanən zukum va məsənaŋ zəga pak ɓa. Maŋgəlva appetik Israyelɗe meɓɓet aŋkluwənək mekreti. Amma wənnan kadagrak na, an ɗiiyen məs Maŋgəlva awel suweleŋgit ɗii məs Israyelɗeŋ ɓa, azoŋguk azan pak arəhaŋgək əkoho.

Roma 12:16

Məsoŋ də wəsler awalaŋ zukum, kədaw kayaŋ gakdak aweleŋgit ɗii nokum ɓa. Ɗəɗaah mətaf wəza an məs tay də gakdak ɓa, kədaw ɗiyən ki zukum na va kəsənənək zəga pakə ɓa.

Roma 14:10

Ya nok na vimi kədawtaw kita aka məlmuk di? Vimi dədawzelen di? Mənam pak aməmbat aba Maŋgəlva vi dətaw gən kita akamə.

Roma 14:14

Də wəsap məs məsap də Zezu Krestu Ɗəfdaya, nəsənək lewlewi, zəga tay mbrayen sən kiyən ɓa, say an ɗəf awlak va mbrayen, asna zəga nan wasan mbrayen azani.

Roma 14:19

Vi vaski məsok səm zəmə məsam gən zamə, məbaah səm sən zəmə.

Roma 14:22

Mərma an məs kətafaŋ aka wənnəska, aka walaŋ zukum də Maŋgəlva. Mogoni aza ɗəf məs maɗulan aziwi, an wəɗum na makran də hayan ɓa.

Roma 14:3

Məzu zəm zev zəga pak adaw zelen məzu zəm teɓ gaslamba kaaka ɓa'a, məzu zəm gaslamba kaaka bo adaw zelen ɗəf aŋ ɓa, vi sulegit pak Maŋgəlva atafike.

Roma 15:14

Milmiŋgiɗwa in sən kiyu nəsənək lewlewi, kəbaŋgək də zəga mogon diiɗa, daga zəga naw sən pak kəbaŋgək kpe'ə, wakəɓapən wəsəɓ sən zukum bo.

1Korintus 1:5

Də Zezu Krestuwi kərəhaŋ zəga pakə, də wəpel nani, də wəsən zəga nokum adanzləran abe abe,

1Korintus 10:15

Intatə pel sukum va ɗəf məpel sit ɗii də maɗuleti. Məɗumon wən məs nənahəŋka.

1Korintus 10:28

Amma an ɗəf anah sukumək na sluwəŋ mətaw wəlan ama tuyayi, kawda tuyayi, kədawzəmnən ɓa, vi kəsənənka, gəm vi əɗum na makrokum naka'e.

1Korintus 14:20

Milmiŋgiɗwa kədaɗumoŋ va kirin muzliyeɗ ɓa. Aza wəza nokum na, məsoŋ məza də mambray azokum ɓa, va kirin muzliyeɗi. Amma adəv əɗum nokum na, məsoŋ va ɗii gugiriɗe.

1Korintus 15:34

Say məsoŋ zlalaŋɗe, ɗii moget aza Maŋgəlva, kədaɗɗaŋ mambray ɓa. Amma ɗii meɓɓet suwaloŋkum dəsənən Maŋgəlva ɓa. Nənah vas na vi wil dədukumən gəni.

1Korintus 4:10

Məkpaŋgək dərweŋge vi wənna Krestu, amma nokum məsənaŋ zəga kənanaŋ də Krestu. Nam mədakəm mənani, amma nokum guromɗe kənanaŋ. Nam məzeləm mənani, amma nokum məgakdakokumi.

1Korintus 4:18

Ɗii meɓɓet suwalaŋkum tahəŋ wə gakdakanən ziti, azet na ndaw na ɗaah ulukum əmpa ɓa.

1Korintus 4:6

Milmiŋgiɗwa, wən məs nədawnah pak nənah sənək Apollos də zək naw pakə, vi karban sukum zəga. Nəŋgəl na kulanən gən də ədaw namə, vi kəda toŋgoŋ ki an məverin ɓa, vi ɗəf suwalaŋkum ada gakdakan ɗəf maɓɓani, ndən mba gən ɗəf maɓɓan də wəzelen ɓa.

1Korintus 5:2

Yaŋ bo ka kəda gakdakanən zukum kana! Ya dərəŋ na, məsok zukum əhəm də wənnani ɗəf məgəɗ wən vaska dəgil gən sərokum.

1Korintus 5:6

Wəkaɓ nokum mogoni ɓa, kəsənən na wuɗo suɗike dədaw həs memteke məɗɗan diiɗa ɓa sa?

1Korintus 8:2

An ɗəf aɗumək na asənək zəga na, asna nan dəsən zəga tagay ɓa.

1Korintus 8:4

Yaŋ kəssohoŋ na, ɗəf wazəm slu mətaw wəlan ama tuya sa? Məsənka tuya na zəga mogoni a duniya ɓa, zəga maɓɓan tay nasban ɓa say Maŋgəlva kaaka'ə.

1Korintus 8:7

Amma ɗii pakəŋ dəsənən ɓa. Ɗii meɓɓet asrəkaŋgək də wənna tuya. An azəmənək slu nani, tahəŋ ulanən va slu mətaw wəlan ama tuya gesiŋ. Vi əɗum na mekret mədakənəŋ wageslne'eti, də wəray gən zit də slu mətaw wəlan ama tuya.

Efesus 4:16

Vi wənnani gəɓa zə ɗəf pak akkalə, gəɓa zə ɗəf pak asapək də met sleŋsleŋɗe pakə. Tahəŋ wəbaahaŋ sənən ziti də wəza pakə, ko nawa pak də annani, vaski gəɓa zən adanzləra adawɓaya də əŋgla.

Kolosi 2:18

Kədapetin ɗii wəkiyən mokum də wənna zuli sit maslayɗe də wəɓe gən kizit na mataktaka ɓa, vi ɗii net wənna issine asbaŋ məs arəhaŋ, yaŋ ada gakdakanən zit də tive na wəɗum na ɗəffa, də wən məs goŋgay ɓa.

Hənhən 2:14

Amma əntat də wən suɗike akoko, istat dit ɗii məs dədasbanən wən məs Balama adarba annan da, məs dərban sən Balak kaw mbəɗet kirtit Israyel dəɗɗaŋ gən mambray dəzəmaŋ gən zəga mətaw wəlan ama tuya, də wəɗɗa mana'a.

Hənhən 2:20

Amma əntat də wən akoko, an məs kəppat ɗak məs adawyaŋ na Zezabel məzu ɗi zət va məs kleŋ na Maŋgəlva, tatərban zəga naw zet ɗii na wəza nawa, də wəɗɗa mana'a də wəzəm slu mətaw wəlan ama tuya.