1Korintus 4:6 - Nouveau Testament en Guidar

⁶ Milmiŋgiɗwa, wən məs nədawnah pak nənah sənək Apollos də zək naw pakə, vi karban sukum zəga. Nəŋgəl na kulanən gən də ədaw namə, vi kəda toŋgoŋ ki an məverin ɓa, vi ɗəf suwalaŋkum ada gakdakan ɗəf maɓɓani, ndən mba gən ɗəf maɓɓan də wəzelen ɓa.

Bible en Guidar

⁶ Milmiŋgiɗwa, aka wən nokumi nərban wənəŋ də tive temme, də əsla kivan də zək naw gəm də Apollos, vi kəgəməngən təlmə, vi kədawtoŋgoŋ ki an məverin də əŋglu ɗəf mbərən kawkaɓ aka mbərən.

1Korintus 4:6 ပူးပေါင်းရင်းမြစ်များ

Wəza net Masləŋɗe 18:24

Yahudiyen maɓɓan tay məs dəde sə Aleksandiriya, iya nan na Apollos, adek a Efesus. Ɗəf nan asənək wəpele də ɗerewel na Maŋgəlva pakə.

Wəza net Masləŋɗe 19:1

Adan Apollos taya Korintus, Pol ambatək dəket massorgoɗe ha gap a Efesus. Adaki arih ɗii na Maŋgəlva meɓɓeti.

Roma 12:3

Vi wənna zəga məs Maŋgəlva avay də mogon nani, ndəni nədawnah sukum pakə: Kəda ɗumoŋ aka gakdak na zukum dayki zukum ha dayki an dəslə sukum ɓa, amma ko naway dula ki zən va an dəslə aza wətaf nan məs Maŋgəlva apsəni.

1Korintus 1:12

Nənah vasna, vi ko naway suwalaŋkum pak tay nah na, naw na Pol nani, ɗəf maɓɓan tamə naw na Apollos nani, ɗəf maɓɓan tamə naw na Piyer nani, ɗəffaŋ tamə naw na Krestu nani.

1Korintus 1:19

Va məverin laŋka: Wanəzan wəsən net məsənaŋ zəga, wanəkpaŋgan zəga nawsən net zəga ɗarə.

1Korintus 1:31

Va məverin: Ɗəf an dəŋgəl əgakdakan zəni, də gakdakan vi an məs Krestu agəɗə.

1Korintus 13:4

Ɗəffan də əŋgla waɓəs wənnet ɗiiyi, əŋgla zəga mogoni, əŋgla awla saha aket ɗiiyi. Aɗɗa kotorok ɓa, aw gakdakan zən ɓa, awkaɓ gən zən ɓa.

1Korintus 3:19

Vi wəsən zəga na duniya, zəga na dərway ara Maŋgəlva, Ɗerewel amna: Maŋgəlva tayərme məsənaŋ zəga na duniya də mazaɗ na kuket net tusso.

1Korintus 3:21

Vi vaski ɗəf adaw gakdaket ɗii də zəga məs ɗəf adaɗɗaŋ ɓa, vi zəga pak nokumi.

1Korintus 5:2

Yaŋ bo ka kəda gakdakanən zukum kana! Ya dərəŋ na, məsok zukum əhəm də wənnani ɗəf məgəɗ wən vaska dəgil gən sərokum.

1Korintus 5:6

Wəkaɓ nokum mogoni ɓa, kəsənən na wuɗo suɗike dədaw həs memteke məɗɗan diiɗa ɓa sa?

1Korintus 8:1

Yo mula səm wənna slu mətaw wəlan ama tuyaŋ ɗa. Munokum tatə nəhaŋ na: Mənam pak məsənək zəga. Vaski gesiŋ, amma əsən zevin askəs wakaɓ gən ɗəffa. Say əŋglayi dədawɓay gən ətaf net ɗii na Maŋgəlva.

1Korintus 9:23

As pak nədaɗɗan na vi labara neneki, ka nərah gən haran naw səza zəzay nani.

2Korintus 10:12

Gesiŋ məɓapna kasla zəm dit ɗii məzuɗi kizit ɓa. Net tahəŋ əslanən zit də zəga məs adaw slanən zit dəndən, tahəŋ əɗiyən zit veneti. Midi dərweŋgeŋ!

2Korintus 10:15

Məkaɓ na də wəza net ɗii meɓɓet ɗar ɓa, amma azam na, an ətaf nokum anzlərka, asn daya nam bo wanzlər awaloŋkum, də as pak mərah ətoŋ ki meŋge məs Maŋgəlva aɗi səm ɓa.

2Korintus 10:7

Mula zəga pak va adarban zən ama horokum. An ɗəf aɗiyək zən azet ɗii na Krestu, say dəɗum kana, vi nam bo ɗii na Krestu mənani.

2Korintus 11:4

Va an ɗəf adek annokumda, arban sukumək Krestu maban məs nərban sukumi ɓa, akəpprəmən gu ləŋgə. Akətafən əmpəs məs kərəhən səzam ɓa, akətafən labara nenek məs kəpprəmən ɗaah səmam ɓa.

2Korintus 12:19

Kuzuŋ munokum tatə nahaŋ vas daga far soko, ndəni mədaŋgla əskoɓ kiyəm abokum. Wən nan tay vas ɓa sam! Mənam tatə pel aba Maŋgəlva va ɗii na Krestu. Milmiŋgiɗəm na makramə, mədawpel vas pak na, vi kawɓay gukum adəv ətaf nokum.

2Korintus 12:20

Geslne duwəka, pay nədadaw annokumda, nərəh kum na aka tive nan va nəŋgəl ɓa, nokum bo kərəh wənna va kəŋglaŋ ɓa. Geslne duwəka, pay nəda zaw annokumda na: Wanərah wəgaya də kotoroku də wəda gədəva də əlpa də əpel mbrayen də tepelke, də wəgadakan zə ɗəffa də ɗarɗar pak awaloŋkum.

2Korintus 12:6

Ko an nəŋgələk əkaɓa, dərwa nan ɓa, ya anənah goŋga. Amma nəŋgəl na əkaɓ ɓa, vi ɗəf adawrəh əɗum maɓɓan azaw mbəksa an awəl azaw də an apprəm səmawa.

2Korintus 4:15

As pak adaɗɗa vasna, vikumi vi mbəlembəle na Maŋgəlva dəgap gən azet ɗii diiɗa, əŋɗa net dənzlər gəni. Vaski kan əŋɗa net ɗii məzəɗɗaŋ soko sən Maŋgəlva, dit məzu gakdakən adanzləra.

Kolosi 2:18

Kədapetin ɗii wəkiyən mokum də wənna zuli sit maslayɗe də wəɓe gən kizit na mataktaka ɓa, vi ɗii net wənna issine asbaŋ məs arəhaŋ, yaŋ ada gakdakanən zit də tive na wəɗum na ɗəffa, də wən məs goŋgay ɓa.

1Tesaloniki 1:5

Vasna labara nenek məs məpel sukuməŋka, də wəpeli kaaka azokum ɓa, amma Maŋgəlva arbanək sembe nan dəndən, gəm Əmpəs nan Salala* abaah səməka, apsəmək wəsən an də goŋga nasuwa ha faɗə, kəsənənək va məgəɗ wəza awaloŋkum, vi kawtər sukum wərayi.

2Timote 2:10

Intatə ɓəsən pak viyit ɗii məs Maŋgəlva aweli, vi net bo dərəhaŋ gən wəkoho də gakdak nasan ha faɗə də Zezu Krestu.