1Korintus 4:5 - Nouveau Testament en Guidar

⁵ Vi vaski kəda tawən kita aka ɗəf dabəŋ ki pay məɗiyən ɓa, məga Ɗəfdaya dəde gən paysa, warban an dəɗam ara guzli pak atəki babara, də wəgil gən wəɗum məɗama na mekret ɗiiyi. Asna Maŋgəlva wagakdakan ko nawa pak va aza wəza nan agəɗə.

Bible en Guidar

⁵ Vi vaski kədatawaŋ wən dafsən tak əzza na Daya ɓa, ndəni nawkekeɓe an dəɗam ara guzliyo gəm narban an dəsan a makret ɗiyi. Asna naway pak warah hara gagdak nan səza Maŋgəlva.

1Korintus 4:5 ပူးပေါင်းရင်းမြစ်များ

Matiye 10:26

Kədaw geslne'eŋ sit ɗii ɓa. Wən məɗamma pak wapasə an məɗamman pak kawsənənni.

Matiye 24:30

Aŋki məs dədarban wənani, Wətən Ɗəf wade aka slay buwən a disiŋ, də sembe diiɗa gəm də gakdak metiŋgini.

Matiye 24:46

Zəzay aza gawla nan an daya nan adek wərəhən daɗɗan vaska.

Matiye 25:21

Daya nan apsən na: Lewi, məgəɗ wəza mogok kənani, kəgəɗək wəza mogon də zəga an tay də sləman diiɗa ɓa, wanəpsuk zəga diiɗa an məs də sləman diiɗa. Ade toŋgu, anneken zuk də ina.

Matiye 25:23

Ɗəfdaya nan apsən na: Lew kəɗɗa məgəɗ wəza mogok kənani, matakataka taya zok ɓa. Matakataka taya zok aka zəga suɗike ɓa, wanəɗiko aka zəga an diiɗa. Ade anneken zuk də ina.

Luka 6:37

Kədawtawaŋ kita aket ɗii meɓɓet ɓa, Maŋgəlva bo ataw na kita akokum ɓa. Kədazlbenin ɗii də kita ɓa Maŋgəlva bo azlbukum na də kita ɓa. Məviyan sit mambray net ɗiiyi Maŋgəlva bo waviyan sukum mambray nokum.

Yohanna 21:22

Zezu azlan sənəka: An nəŋgələk dəsan gən məza əmta ɓa ha pay nədaw milyo na, mi nok di? Nok na asbawa.

Yohanna 21:23

Wənan atrayək akawaleŋgit ɗii dətafaŋ, aɓɗaŋ na: Gawla nan amtə na ɓa. Amma Zezu denahsən Piyer na gawlaŋ amatə na ɓaɓa. Amma apsən na: An nəŋgələk dəsan gən adamta ɓa ha pay nədaw milyo na mi nok di?

Yohanna 5:44

Ko naway tay kay wəŋgla nani, amma kəkayaŋ na wəŋgla na Maŋgəlva ɓa. Ya mbarmbari kəda ɓapən wətafwən di?

Roma 14:4

Ya naway nawtaw kita aka məgəɗ wəza na ɗəf maɓɓan di? Say daya nan kaaka dədawnah na mogoni walla tay mogon ɓa. Gesiŋ waziw ɓəlɓələ. Vi Ɗəfdaya tay də sembe narma vani.

Roma 2:1

Is ɗəf mətaw kita aket ɗiiyi, akə nah na kamə ɓa, ko nawa kənan di pakə. Kita məs kədataw aket ɗii vanəŋka, aka zuk tusso kədataw kita nani, vi istatəɗɗa zev wəza məs mətaw sit kita akani.

Roma 2:16

Payan nawtaw kita adazani, Maŋgəlva də Zezu Krestu watawən kita aka wəɗum məs dəɗam amekret ɗiiyi, warban zəni, va Labara Nenek məs nədarban wənnan anahə.

Roma 2:29

Ɗəf məs dəskəl awra aza zəni, nan Yahudiyen an də goŋgay ɓa, say an məs dəskəl awra amakrani. Wəskəl awra an də goŋga, say də Əmpəs na Maŋgəlva adawsani, asanna də wənna dəv ɗerewel na ma henziŋ ɓa, Yahudiyen an də goŋga, akay na gakdak nan avet ɗii ɓa, say aza Maŋgəlva kaaka'ə.

Roma 2:7

Ɗii məzu sokən zit wəɗɗa mogoni, də gakdak nani, də zeŋgille məza amta ɓa, Maŋgəlva wapsit zeŋgille nassa ha faɗə.

1Korintus 1:7

Əvəl na Maŋgəlva adambər sukum ɓa, munokum məzu ganən pay naziya na Ɗəfdaya nam Zezu Krestu wəŋ ɓa.

1Korintus 11:16

An ɗəf tay dəŋgəl əbay ma aka wənnəs də ina, asna anənah sən na: Ko mənamə, ko kretiyenɗe na Maŋgəlva, mənam tat də matuya maɓɓan ɓa.

1Korintus 11:26

An munokum tat zəmaŋ də əsaa sədəvət huloŋ kəŋkə, asna labara namta na Ɗəfdaya kədarbanən ha gap pay adazani.

1Korintus 15:23

amma ko naway də an va məs adasbani: Krestuwi dabəŋ. An adeke, ɗii na Krestu pak wasilyoŋ.

1Korintus 3:13

Vaskana, ko naway pak wəza nan warban zən payan məs məɗiyən vi kita, vi payan dəpaska, offo warban wəza na ko naway pak va aɗɗa, offo wasla wəza net ɗii taka taka pak va asani.

1Korintus 3:14

Ɗəffan dərka aka gabban mətəŋgən məs aw geslne sən offo ɓa, asna nan warah iya nani.

1Korintus 3:8

Ɗəf məzəslgani, də ɗəf məzə zi sən iŋkile dakadakaŋ pakə. Maŋgəlva wapsit iya neti, ko naway wapsən va aza wəza nan agəɗə.

2Korintus 10:18

Ɗəf wasan ɗəf təstəssə an Ɗəfdaya akaɓ gənəka, tay na say an akaɓ ka ɓa.

2Korintus 10:9

Kəda ɗumoŋ na, əntatə kay tive ka geslne'ekum də letərɗe naw ɓa.

2Korintus 4:2

Məsganək wəɗɗa məɗama də zəga na wil pakə. Məɗɗa wəza nan də kuket ɓa, məkpaŋgana əpel na Maŋgəlva ɓa'a. Amma mənam tatərban goŋga nan appaka ta'ə. Ko naway məzu kayan makran aba Maŋgəlva wanah na də goŋga mənani.

2Korintus 5:10

Dewle mənam pak amərban zəm aba mazaŋga na kita na Krestu. Pay nan dəpaska ko naway warah riba va aza wəza məs agəɗ a duniya, ko wəza mogon agəɗə, ko mbrayen agəɗə.

1Tesaloniki 5:2

Vi munokum sən kikum kəsənənka, pay wəziya na Ɗəfdaya tay va məhal adazan ɗəfɗa.

Ibriɗe 4:13

Zəga tay dəɗam aza Maŋgəlva ɓa. Zəga pak appakayi ama harani. Dewle mənam pak waməŋɗan wənna zəm pak də mam abani.

Yakob 4:11

Milmiŋgiɗwa, kədawndanən gebbet ɗii meɓɓet ɓa, ko naway dədawpel mbrayen aka məlməni, walla andak gabbani, apelik mbrayen aka ma henziŋ na Maŋgəlva, kita ataw aka ma henziŋ na Maŋgəlva. An kətawək kita aka ma henziŋ, asna ɗəf məzəsban kənan ɓa, amma nok mətaw kita akan kənani.

Yakob 5:7

Milmiŋgiɗwa, məɓəsa ha gap pay Ɗəfdaya Zezu Krestu adazani. Məsoŋ va məzənse adawɓəsən wəga buwən na mənziya də buwən na mawala, vi zəga nan dəsəɓ gən mogoni.

Yakob 5:9

Milmiŋgiɗwa, kədaɗɗaŋ wərwər aket ɗii meɓɓet ɓa, vi Maŋgəlva bo adawtaw kita akokum ɓa. Mətaw kita tay ziwe, amadamba manaka toŋgo.

1Piyer 1:7

Wəzəm saha nan ade na vi kawsla wətaf nokum, gesiŋgi sa. Vaski bo va təbəs na meleŋge məs asna ha faɗ dərəŋ ɓa məslani də offo, vaski bo wətaf nokum tay də sləman dayki təbəssa, məsla wətaf nokum na vi kawla kəkərtəh nani. Vi kərəhaŋ gən wəɗi sukum kikum də gakdaka də sləmokum pay Zezu Krestu adazani.

1Piyer 5:4

An məzutaɗa an daya adek na, wakərəhaŋ mətər kiya an də gakdaka, an məza awray ɓa.

2Piyer 3:12

Dawga pay nani, məgəɗ wəza pay nan dəgap gən gu'u, va wənah na pay məs disiŋ adawzla də wəzza, ngirzleɗ bo wewereŋ sənən offo.

2Piyer 3:4

Wanahaŋ na: Minani wənnan wade, vaski ɓasa? Ya ngay kan di? Daga səzet migilmə ha kakaŋka amtaŋgək səkay, amma zəga pak dəkpaŋ ɓa, vaŋki daga məɗɗa dəlva fuŋ!

Zuda 1:14

Anuwa, məs dəsan buhul net dəhiŋgiɗin əlfən Adam, aɗɗak kleŋ aket ɗii neti, amna: Yaŋ Ɗəfdaya wade dit maslayɗe nan məs salala* wəŋɗa net tay gabal diiɗa.

Hənhən 1:7

Awla tayəzan aka slay buna, ɗii pak wawlanəni. Dit ɗii məs dəppanən wənnan pak zlaŋ wawlanəni. Ɗii naka dələv pak waskaŋ morkoyo aka wənna əziya nani. Vaski wagəɗ vaska.

Hənhən 20:12

Nulak ɗii mimtit pakə, ɗii gugiriɗ dit muzliyeɗ pakə, tahəŋ ziw ziw aba mazaŋga na məlĩya. Məkolti ɗerewelɗe, yaŋ məkol ɗerewel maɓɓani, ndəni ɗerewel na zeŋgille. Ɗii mimtit pak mətawi kita aket va wəza net aɗɗaŋ məverin adəvit ɗerewelɗe.