1Korintus 3:16 - Nouveau Testament en Guidar

¹⁶ Munokumtə gəla metiŋ naw zuliya* sən Maŋgəlva, kəsənən na Əmpəs na Maŋgəlva taya makrokum ɓa sa?

Bible en Guidar

¹⁶ Kəsənnən na gəla na Maŋgəlva kənanəni gəm Əmpəs na Maŋgəlva tay addəvkum ɓa sa?

1Korintus 3:16 ပူးပေါင်းရင်းမြစ်များ

Yohanna 14:17

Duniya aɓap na wərahən ɓa, vi aɓap na ulan ɓa, aɓap na wəsənən ɓa bo. Amma nokum wakəsənəni, vi wasan də munokum, wasan amokrokum.

Roma 6:16

Kəsənən ɓa sa? Ɗəf məs kəppanən zukum ka balemɗe nani, man kədapprəmaŋ. An munokum tatəpprəmən ma mambray na, asna wakukum atəki əmta. Ya an munokum tatəpprəmən ma Maŋgəlva, asna wakəsoŋ təstəs aba Maŋgəlva.

Roma 6:3

Adan mətafək baptem, məsapək də Zezu Krestu. Kəsənənək na lewi wəsap də əmta nani.

Roma 8:11

Maŋgəlva asil gənək Krestu səkəti əmta. An Əmpəs nan taya makrokum, asna wandəf gən sukum gəɓa zukum məs dəmtə də Əmpəs nani.

Roma 8:9

Amma nokum na, əŋgla na gəɓa zukum aday na kikum ɓa. Munokum tatəpprəmən ma Əmpəs na Maŋgəlva, an vaski gesiŋ na Əmpəs nan tay san amakrokum, ɗəf məs dərah Əmpəs məs Krestu adapsən ɗəf ɓa, nan ɗəf nani ɓa.

1Korintus 3:17

Ko naway dəray gən gəla metiŋ naw zuliya sən Maŋgəlva, Maŋgəlva wazan ɗəf nani. Vi gəla metiŋ na zuli sən Maŋgəlva Salalayi, munokumtə gəla metiŋ na zuli sən Maŋgəlva vani.

1Korintus 3:9

Sula gəm pak ɗii məɗɗaŋ wəza na Maŋgəlva mənani, munokumtə guli na Maŋgəlva. Də wən məkpaŋga maɓɓan bo: Munokumtə bo gəla na Maŋgəlva.

1Korintus 5:6

Wəkaɓ nokum mogoni ɓa, kəsənən na wuɗo suɗike dədaw həs memteke məɗɗan diiɗa ɓa sa?

1Korintus 6:16

Kəsənən na an ɗəf asapək dət bivrak na, gəɓa zit takayi ɓa sa? Ya ɗerewel anahək na: Ndəɗaŋ sulegit pak akpaŋgaŋgək gəɓa zit taka.

1Korintus 6:19

Kəsənən na gəbazukum na ndəni gəla metiŋ naw zuliya* sən Maŋgəlva, ndəni nasuwa na Əmpəs Salala, əmpəs vani, ndəni amakrokum məs Maŋgəlva apsukum ɓa sa? Munokum tat kana zukum tusso əmpa ɓa, amma kana Maŋgəlva kənanaŋ.

1Korintus 6:9

Kəsənənək wənnan lewlewi, məɗɗaŋ ɗar ɗar atoŋgoŋ na məlĩ na Maŋgəlva ɓa. Kədazlaɓanən zukum ɓa! Ɗii matakatakeɗi, walla məsbaŋ matuya, walla məɗɗaŋ mana'a, walla ɗii məvənaŋ dit zel tusso,

1Korintus 9:13

Kəsənənək lewlewi, məgəɗ wəza adəv gəla metiŋ naw zuliya*, zəga naw zəm nan bo sədəv gəla metiŋ naw zuliya adawrəhən. Mətawaŋ wəla zəga atəki naɗɗa sazlaga, də wətaw wəla zəga adawzəmaŋ.

1Korintus 9:24

Kəsənənka ɗii diiɗa dədanzoŋ na naway dabəŋ di, amma say ɗəf taka kaaka dədawrəh zəga məɗiyən vi ɗəffan dənzan dəday kiyit ɗiiyi. Vaski nokum bo məsok zukum mənzoŋ kərəhaŋ gən zəga nani.

2Korintus 6:16

Mi də sapan gəla metiŋ na zuli də tuya di? Gesiŋ gəla metiŋ na zuli madaran na Maŋgəlva mənani, vi Maŋgəlva anahək na: Wanəsaw aweleŋti, kawsaw dənɗaŋ. Wanəsaw ka Maŋgəlva neti, net bo wasoŋ ka ɗii nawa.

1Timote 3:15

Amma an nərah tive nawmbat ɓa, letər nawəŋ warban suk an kədaɗɗa adəv gəla na Maŋgəlva, va wənah na: Awaleŋgit kretiyenɗe na Maŋgəlva məs madereti. Ndəni kan dədəka də goŋga məɗi gabbani.

2Timote 1:14

Arma zəga mərban mogon məs məppan sukəŋka, arma wənnan də wəbaah na Əmpəs Salala*, məs dəsan amakramə.

Ibriɗe 3:6

Amma Krestuwi Wətən Maŋgəlva* məs də goŋga, Ɗəfdayayi eŋgil ana Maŋgəlva da, mənamtə gəla nani, an məppan wəsok zəm də goŋga nan ɓa, an mənam tatə gan ha pay wəgrak nani.

Yakob 4:4

Munokum məɓoŋkum aka Maŋgəlva, kəsənən na an kəɗɗaŋgək bayna na duniya na məzuzeleŋ na Maŋgəlva kənanaŋ ɓa sa? Ɗəf məs dəŋgəl wəsban wənna duniya na wakpaŋ məzuzel na Maŋgəlva.

1Piyer 2:5

Məde, məkpaŋ gərəm madarokum, karka gəla nasuwa na Əmpəs Salala də munokum. Məppan Zezu Krestu amakrokum dəpsukum gən sembe nakpaŋ məs dəlvəŋge en salala, napsən zəga an dəslə sən Maŋgəlva.

1Yohanna 4:12

Ɗəf tay dula ɗaah Maŋgəlva ɓa. Amma an məŋglumək zəmə, asna Maŋgəlva wasan də mənamə, wəŋgla nan bo wagəɗ wəza amakram an məs aŋgəl pakə.