1Korintus 2:7 - Nouveau Testament en Guidar

⁷ Intatərban wən məɗama na Maŋgəlva an dəɗam ama heret ɗiiyi, Maŋgəlva azaɓan səmək ka dəsan gən gakdak nam dabəŋ ki əɗɗa dəlva fuŋ.

Bible en Guidar

⁷ Məɗama na maɗɗula na Maŋgəlva mərbani, məs dəsan haɗamma, məs Maŋgəlva azaɓan dafsən tak əzəməɗ na dələv ammba gagdak namə;

1Korintus 2:7 ပူးပေါင်းရင်းမြစ်များ

Matiye 11:25

Pay nani Zezu amna: Aw Affən Daya na disiŋ də dəlva fuŋ, soko azoko vi karban sitik kirin muzliyeɗ an məs kəɗaman azet məsənaŋ zəga dit məzapprəmaŋ.

Matiye 13:35

vi an məs kleŋ Ezay anah dəsan gən gesiŋ. Amna: Nənah sitik də wən məkpaŋga, nərbet sitik zigeɗ an məɗemit far far laŋka, daga məɗɗani duniya ɓa.

Roma 11:25

Milmiŋgiɗwa nəŋgəl karban sukum goŋga məs dəɗamə, vi kədaw lanən zukum va məsənaŋ zəga pak ɓa. Maŋgəlva appetik Israyelɗe meɓɓet aŋkluwənək mekreti. Amma wənnan kadagrak na, an ɗiiyen məs Maŋgəlva awel suweleŋgit ɗii məs Israyelɗeŋ ɓa, azoŋguk azan pak arəhaŋgək əkoho.

Roma 8:29

Daga far lahəŋki Maŋgəlva asinik ɗii nan məs awel pakə, vi dərəhaŋ gən wəkoh vana Wətəni, vi Krestu bo dəsan gən tizi abet milmiŋgiɗin diiɗa.

Roma 8:30

Ɗiiyen məs Maŋgəlva aynan wənnan viyit far pak ayeke, akpaŋgetik təstəs abani atoŋgitik adəv gakdak nani.

1Korintus 2:1

Milmiŋgiɗwa, gala ndaw anokumda na, nənah sukum wən maɓɓan ɓa, say goŋga na Maŋgəlva məs də ɗamə, nəpel sukum də wən tattuwãh ɓa, walla də əpel nawsən zəga ɓa.

Efesus 1:4

Daga dəɓəl əzəməɗ duniya tagay ɓa, awelməka ka məsam gən ɗii nani də əsap də Krestu, ka məziw gən abani, məsam gən salala* məza də mambray ɓa. Aŋgələməka.

Efesus 3:10

Amma kakaŋ na dit ɗii na Maŋgəlvayi adarbani, vi məlyeŋge dit sembeɗ na disiŋ dulanən gən wəsən na Maŋgəlva an temtem pakə.

2Timote 1:9

Ndəni dəkoh gəmə, ndən dəyəmə məsam gən ɗii nani, vi wəza mogon məs məgəɗi ɓa, amma vi wəŋgla nani də mbəlembəle nani, aɗɗa səmək mbəlembəle nan də Zezu Krestu, daga məɓəlli əɗɗa zəga tagay ɓa.

Ibriɗe 1:2

Amma aza wəgrak na pay nan kana, Maŋgəlva apel səmək də ma Wətəni. Dəni Maŋgəlva azəməɗ dəlva də təki a disiŋ, Maŋgəlva awelik ka zəga pak dəsan gən kanan ha faɗə.

Ibriɗe 11:3

Də wətafiyi məsən Maŋgəlva, məsən bo na də wəpel nani azəməɗ dəlva fuŋ də təki a disiŋ. An məs mədawla pakə, səza an məs maw lan ɓa ade.

1Piyer 5:1

Kakaŋ na, intatə səɓ sit ɗii gugiriɗ net kretiyenɗe suwaloŋkum, naw bo ɗəf daya nani. Məgəɗ saydawa na wəzəm saha na Krestu nani, wanərəh haran naw aza gakdak məs Maŋgəlva adarban səmə.

1Piyer 5:10

Amma dərɓaga saha məs kədaw zəmaŋ suɗike, Maŋgəlva Affən mbəlembəle pakə, məs dəyukum aka gakdak nan məza agrak ɓa ka kəsapaŋ gən də Zezu Krestu, wasugukum ɓəlɓəl va aka milɓe. Ndən sən kiyən waɓəlokum, wapsukum sembe.

2Piyer 1:3

Maŋgəlva apsəmək sembe nan metiŋgini, vi mədaw sam də wəray na zəga maɓɓan adəv əsuwa nam də ətaf ɓa. Apsəmək də wəsənən, ndəni ayəm məsap gən dəndən adəv gakdak nani də mogoni.

Hənhən 13:8

Ɗii naka dələv pak wazuliyaŋ sənəni. Ko naway məs iya nan məverini adəv ɗerewel na zeŋgille, daga wətəŋ na dəlva fuŋ ɓa. Botol məs dəmtə naka ɗerewel van nani.