1Korintus 2:6 - Nouveau Testament en Guidar

⁶ Intatərban zəga sit ɗii na Maŋgəlva məs dəsoŋ ɗii gugiriɗ də Əmpəs na Maŋgəlva. Amma əsən nan na duniyaŋki ɓa, walla sembe net ɗii məzəmaŋ məlĩn məs məɗiyit ka dəzaŋ gənəŋki ɓa.

Bible en Guidar

⁶ Ya maɗɗula mədarba a walaŋgit məzutafaŋ məsɓeti, maɗɗula na pay an kakaŋkəŋki ɓa, net deyeɗe na pay an kakaŋkəŋki məs nawzaŋgəŋ ɓa.

1Korintus 2:6 ပူးပေါင်းရင်းမြစ်များ

Matiye 13:22

Ɗii meɓɓet tahəŋ va zemve an də bət awalaŋ hogoy. Net an apprəmənək wənna Maŋgəlva əŋgla na zəga na duniya də wərak na arya wazəm gən saha na wən ana mekreti, wən van anzlər na ɓa.

Matiye 19:21

Zezu apsən na: An kəŋgələk wəsok salala, dokə vəl arya nok pakə, apsit deleɗ nan sit muzurayɗe, vas na wakərah zəga nan məzaɓan a disiŋ. Asna kəde gən wəsbaw kana.

Matiye 5:48

Məsoŋ məza də mambray ɓa, va Affukum na disiŋ nan tay də mambray ɓa.

Luka 16:8

Daya afetik aka məgəɗ wəza nan matakataka naka, vi agəɗək də kukete awalaŋ ziti. Vi ɗii na duniya adayaŋgək kiyit ɗii na təki babar də wəɗɗa wəza də kuket awalaŋ ziti.

1Korintus 1:28

Maŋgəlva awelik an duniya adawla va zəga ɗarə, an nawzeleni an adawla mekeleŋ ɗar arani, vi kawzan an duniya adawla va zəga tekteki.

1Korintus 12:8

Ɗəf maɓɓani əmpəs apsənək dəpel gən də maɗula, ɗəf maɓɓan bo apsənək dəpel gən də wəsəna.

1Korintus 14:20

Milmiŋgiɗwa kədaɗumoŋ va kirin muzliyeɗ ɓa. Aza wəza nokum na, məsoŋ məza də mambray azokum ɓa, va kirin muzliyeɗi. Amma adəv əɗum nokum na, məsoŋ va ɗii gugiriɗe.

1Korintus 2:1

Milmiŋgiɗwa, gala ndaw anokumda na, nənah sukum wən maɓɓan ɓa, say goŋga na Maŋgəlva məs də ɗamə, nəpel sukum də wən tattuwãh ɓa, walla də əpel nawsən zəga ɓa.

1Korintus 2:13

Wən məs nədawpeliŋka, əntatə pel an məs ɗii arbaŋ suwən ɓa, amma əntatə pel də an məs Əmpəs na Maŋgəlva arbani, vi kaw boton gabba goŋga na wən məs əmpəs apsit ɗii məs də Əmpəs na Maŋgəlva.

1Korintus 2:8

Ko ɗəf taka səmbet ɗii gakdakɗe, tay dəsən sembe nan ɓa. Va asənənək na akpa'ən na Ɗəfdaya na gakdak na Maŋgəlva aka wəlaŋga məzliwrihe ɓa.

1Korintus 3:1

Milmiŋgiɗwa, nəpel sukum va ɗiiyen də Əmpəs na Maŋgəlva ɓa, nəpel sukumək va ɗii na duniya, va kirin memeɗeŋɗe kənanaŋ aza wətaf net ɗii na Krestu.

2Korintus 1:12

Aŋki zəga məs mədaw kaɓ dəndən. Wəɗum na makram agəɗ səmək saydawa aka wədaw nam a duniya, məs dəday pak na, ədaw nam nawaloŋkum, mədawək də goŋga də mogoni. Sembe nan pak səza Maŋgəlva ade. Məsban wəsən net ɗii ɓa, say mbəlembəle na Maŋgəlva.

2Korintus 13:11

Yo milmiŋgəɗwa məsoŋ zam kana. Məsok zukum kəsoŋ gən də goŋga, mətaf wənnawəŋ də makrokum taka. Məsoŋ dəsler awalaŋ zukum də əsuwa neki. Asna Maŋgəlva məs dədapsukum əŋgla də əsuwa zam, wasan də munokum.

2Korintus 4:3

Labara Nenek məs mədarbanəŋka, gesiŋ məɗamani ɓa. Say azet ɗii məzet adawsan məɗaman kaaka'ə.

2Korintus 4:4

Net dətafən ɓa, vi Satan məs maŋgəlvak na duniya atipik maɗuleti, vi adawlanən təki babar na labara nenek ɓa. Kəti babar nan tayərban gakdak na Krestu. Ndəni Maŋgəlva sən kiyən bo, adarban zən adəv Krestu.

Efesus 2:2

Kəsbanənək tive na duniya mbrayenəŋka, kəsbanənək məlĩ net əmpəsɗe na disiŋ akawalaŋ disiŋ də dəlva fuŋ, ko kakaŋka əmpəs nan tay zəm məlĩ aket ɗii məs apprəmən ma Maŋgəlva.

Kolosi 1:28

Ndəni kan mədawpel wənna Krestu wəŋ sit ɗii pakə. Mənam tatəsakan sit wənnani, də wərban sit wənnan də zəga nawsən pak məs Maŋgəlva apsəmə, vi məziw giti gən aba Maŋgəlva ko naway pak va ɗəf metiŋgin adəv wəsap də Krestu.

Kolosi 4:12

Epafras asɗokumko. Nan bo ɗəf nokumi, məgəɗ wəza na Zezu Krestuwi. Dəppan wəkkaman Maŋgəlva vikum ɓa, tayəkkamani kəsoŋ gən təstəssə də Əmpəs va net ɗii gugiriɗe, kəsoŋ gən ɗii məs də zaɓanən zit naɗɗa an Maŋgəlva aŋgələ.

Ibriɗe 5:14

Ɗii gugiriɗ agapaŋgək nawzəm way məsbəkən ɓələ, vi asərək gənənək ziti, asənənək uɗakan mogon də mbrayen.

Ibriɗe 6:1

Vi wənəŋki, mədaməs abe abe də wəsən va ɗii gugiriɗe, mədasban əsam adəv wəsən net kretiyenɗe məs dabəŋ ɓa, mədawtəŋ gabban nam temme ɓa, an dədawtər wəray na wəppan wəza an ɗarə, say wətaf Maŋgəlva.

Yakob 3:15

Maɗula nawsən zəga zemvin aska, dəde sə disiŋ ɓa, nan səka dəlva fuŋ ade, səza wənna gəɓa zə ɗəf ade, nan səza Satan ade.

Yakob 3:2

Mənam pak mənam tatə ray gən wən pay pak də tive temtem diiɗa. Ɗəf məs awray gən wən də wəpel nan ɓa, nan ɗəf mogoni sawɓa, asənək ərma zən səza mambray pakə.

1Piyer 5:10

Amma dərɓaga saha məs kədaw zəmaŋ suɗike, Maŋgəlva Affən mbəlembəle pakə, məs dəyukum aka gakdak nan məza agrak ɓa ka kəsapaŋ gən də Zezu Krestu, wasugukum ɓəlɓəl va aka milɓe. Ndən sən kiyən waɓəlokum, wapsukum sembe.