1Korintus 2:4 - Nouveau Testament en Guidar

⁴ Əpel nawa də zega an nərbə, tay va na ɗəf məzu mbəɗan ɗəf ɓa, amma də sembe na Əmpəs na Maŋgəlvayi nədarban wənnani.

Bible en Guidar

⁴ Əpel nawdoɗ ki ɗəf də əsən tay addəv əpel naw də ərbawən naw ɓa, də ərba na Əmpəsa gəm də əɓap yi.

1Korintus 2:4 ပူးပေါင်းရင်းမြစ်များ

Wəza net Masləŋɗe 20:27

Vi nərban sukumək wəŋgla na Maŋgəlva pakə, nəɗaman sukum ko mi ɓa samə.

Wəza net Masləŋɗe 26:28

Agrippa amna: Pol gu'ləŋ kəɗiyu vas ləŋ ka kretiyen?

Roma 15:13

Maŋgəlva Affən zəga məs kədawgaŋ, dəknah sukum makrokum də wəneke də zam an təstəssə, də wətaf məs kərəhaŋ dəndən, vi kəsoŋ gən guromɗe aza zəga məs kədawgaŋ də sembe na Əmpəs Salala.

Roma 15:19

De sembe na sokene də wəza nagət akani, də sembe na Əmpəs Salala. Nətəŋ wərban Labara Nenek na Krestu daga sə Zerusalem ha tuwəɗ kiyən ha gap Illiriya.

Roma 16:18

Vi zemvit ɗiiyen veski, aɗɗaŋ na wəza sən Ɗəfdaya nam Krestu ɓa. Amma net say wənna gədiviti də wəpel namet neneke, tahəŋ wəzanən əmpəs net ɗii məs dəsənaŋ zəga diiɗa ɓa, də meŋ nemet nenekɗe.

1Korintus 1:17

Vi Krestu dəslənəw wəɗɗa baptem aket ɗii ɓa. Naw aslənəw na, nərban gən alabara neneke, nərban gən bo məza də əsən na gəɓa zə ɗəf ɓa, vi əmta na Krestu aka wəlaŋga məzliwrihe adawsan zəga ɗar ɓa.

1Korintus 2:1

Milmiŋgiɗwa, gala ndaw anokumda na, nənah sukum wən maɓɓan ɓa, say goŋga na Maŋgəlva məs də ɗamə, nəpel sukum də wən tattuwãh ɓa, walla də əpel nawsən zəga ɓa.

1Korintus 2:13

Wən məs nədawpeliŋka, əntatə pel an məs ɗii arbaŋ suwən ɓa, amma əntatə pel də an məs Əmpəs na Maŋgəlva arbani, vi kaw boton gabba goŋga na wən məs əmpəs apsit ɗii məs də Əmpəs na Maŋgəlva.

1Korintus 4:20

Vi məlĩ na Maŋgəlva tay də wənna pel ɓa, amma say də sembe na Maŋgəlva.

2Korintus 6:6

Mənam tatərban na, məɗɗaŋ wəza na Maŋgəlva mənani də goŋga namə də əsən namə, də əbaah na Əmpəs Salala*. Də əŋgla məza də mataka taka azan ɓa.

Galatiyen 1:10

An məs ɗii aŋglaŋ nəkay sa? Tay vas ɓa. An məs Maŋgəlva aŋgəl nədawkaya. Walla an nenek zit ɗii nəkay sa? Va vaski na nəsaw na balam na Krestu ɓa.

Kolosi 2:4

Nədawnah sukum vasna, vi ɗəf adaw mbəɗokum də kuket nani, walla də wəpel na man ɓa.

1Tesaloniki 1:5

Vasna labara nenek məs məpel sukuməŋka, də wəpeli kaaka azokum ɓa, amma Maŋgəlva arbanək sembe nan dəndən, gəm Əmpəs nan Salala* abaah səməka, apsəmək wəsən an də goŋga nasuwa ha faɗə, kəsənənək va məgəɗ wəza awaloŋkum, vi kawtər sukum wərayi.

1Piyer 1:12

Maŋgəlva arban sitik məs kleŋɗe na, wənəs məs das kəs na, net sən kiyit awlanən na ɓa, amma wənan vikumi. Yaŋ Wən Nenek nak agapək azokum kakaŋka na. Masləŋɗe məzu pel sukumən wənnəŋka anah sukumənək wənnani. Apel sukumənək də sembe na Əmpəs Salala məs dəde sə disiŋ. Ko maslayɗe bo met tayaka wəsən wənnəŋka.

2Piyer 1:16

Də wənna labara net ɗiiyi ɗar mədarban sukum pay naziya na Ɗəfdaya Zezu Krestu məs də gakdak ɓa. Amma mulak gakdak nan də haramə.

2Piyer 2:18

Tahəŋ wəpeleŋ wənnaɗi kizit ɗarə. Tahəŋ wəɗɗaŋ wəza də wəsim zəga na gəɓa zit də mambraya, vi karme ɗii məs dəgilyoŋ səzet ɗii məɗɗaŋ mambraya.