1Korintus 2:10 - Nouveau Testament en Guidar

¹⁰ Amma səmi Maŋgəlva arban səm wən məɗamaŋka, də Əmpəs nani. Vi Əmpəs Salala* waɓap wəkayan gabba wəɗum na Maŋgəlva an hədək diiɗa, də an məs dəɗam pakə.

Bible en Guidar

¹⁰ Ya səmi Maŋgəlva arban səm də Əmpəsa; vi Əmpəs tay əkoson zəga pakə, zəgeɗ kpukpumɗe na Maŋgəlva daydayə.

1Korintus 2:10 ပူးပေါင်းရင်းမြစ်များ

Matiye 13:11

Azlan sitik na: Munokum kərəhaŋgək wəsən wən məɗama na məlĩ na Maŋgəlva, amma neti dərəhaŋ ɓa.

Matiye 16:17

Zezu apsəna: Zəzay azoko, Simoŋ wətən Zaŋ ɗəf ana gəɓa zə ɗəf dərban suk goŋgaŋ ɓa, amma Affu na disiŋ dərban suko.

Luka 10:21

Yaŋ pay nani Əmpəs Salala aslanək Zezu də wəneken zəni, amna: Aw Affən Daya na disiŋ də dəlva fuŋ, soko azoko vi kərban sitik kirin muzliyeɗ an məs kəɗaman azet məsənaŋ zəga dit məzapprəmaŋ. Vaski aw Affuwa, vaski an dəslə suk kana.

Luka 2:26

arban sənəka amtəna ɓa, say an awlak Messiya* masləŋ na Ɗəfdaya.

Yohanna 14:26

Ɗəf məs na baah sukum, ndəni Əmpəs Salala məs Affu adawslən sukum də iya nawa, nan warban sukum zəga pakə, waɗumon sukum an məs nəpel sukum pakə.

Yohanna 16:13

Amma an Əmpəs Salala adeke, warban sukum wəpprəm an də goŋga pakə. Apel na aka sembe nan ɓa, amma wanah an məs apprəmə, də an məs dədazan pakə.

1Korintus 14:30

Kuzuŋ ɗəf mbərən warah hənhən na Maŋgəlva, pay sən ɗəf maɓɓan tay pel səkay. Asna say ɗəffan dabəŋ dəsan gən ɓatə.

1Korintus 2:11

Wən na makra ɗəf na, say əmpəs nani dəsən wənna makran katər gəni. Vaski bo say Əmpəs na Maŋgəlvayi dəsən wənna Maŋgəlva.

Galatiyen 1:12

Səza ɗəf nərəh wənan ɓa, ya ɗəf dərban su ɓa, amma Zezu arbanək zən azawa, ndən dərban suwa.

Efesus 3:3

Maŋgəlva akosuk kiyən suwa vi karban su wən məɗama nani, va nəver sukum, wənnan suɗikes dabəŋ,

Efesus 3:5

Adəv pay məs dətoŋgu, wən məɗamas mərbani azet ɓa, amma kakaŋ na Maŋgəlva akoluk kiyən də əmpəs nani, azet masləŋɗe nan dit məs kleŋɗe en salala*.

1Timote 4:1

Əmpəs na Maŋgəlva anahək kotakə, gu'o aza wəgrak na dələv na ɗii meɓɓet wəppanən wətaf neti, wapprəmən ma əmpəs məs nawzet ɗii yi, də zəga nawsən na Satan.

1Piyer 1:12

Maŋgəlva arban sitik məs kleŋɗe na, wənəs məs das kəs na, net sən kiyit awlanən na ɓa, amma wənan vikumi. Yaŋ Wən Nenek nak agapək azokum kakaŋka na. Masləŋɗe məzu pel sukumən wənnəŋka anah sukumənək wənnani. Apel sukumənək də sembe na Əmpəs Salala məs dəde sə disiŋ. Ko maslayɗe bo met tayaka wəsən wənnəŋka.

1Yohanna 2:20

Munokum pak kəsənənək goŋga, vi Krestu apsukumək Əmpəs Salala*.

1Yohanna 2:27

Amma nokum Krestu apsukumək əmpəs nani tay san amakrokum, wəray tay naŋgla ɗəf narban sukum zəga ɓa. Vi əmpəs nan tayərban sukum zəga pakə, goŋgayi adarban sukum, zəga na tepelkeyi ɓa. Vi vaski məpprəm ma əmpəsa məsap də Krestu.

Hənhən 1:1

Adəv ɗereweləŋka, məverini wən məs Zezu Krestu arbani, də zəga məs Maŋgəlva arbansəni, vi dənah sit gən məɗɗaŋ wəza nani an məs dədaɗɗa kakaŋka, Krestu aslənək maslay də wənnan aza Zaŋ məgəɗ wəza nani.

Hənhən 2:24

Amma azokum munokum məs kəmbraŋ kretiyenɗe na Tiyatira, munokum məs kasbanən wən məs mərban mbraynəŋ ɓa kəŋkə, munokum məs kəsənən wəsən an kpukpum na Satan ɓaŋ ka, nənah sukum na, nəɗi sukum na zəga gakdak akokum ɓa.