1Korintus 15:2 - Nouveau Testament en Guidar

² Dəndəni kədawkohoŋ, an kərmanənək wənnan va mərban sukum. An vaski ɓana, wətaf nokum wasan ɗarə.

Bible en Guidar

² Alabara Nenek məs kədawkõhoŋ dəndəni an kərmanənək va nərban sukum. An vaski ɓa na, ətaf nokum wasan ɗarə.

1Korintus 15:2 ပူးပေါင်းရင်းမြစ်များ

Luka 8:13

Ɗii meɓɓeti tahəŋ va təki soyomo, an apprəmənək wənna, watafənən də wəneken ziti. Amma apanən na suwerit dənzoŋ gən ɓa, watafənən vi pay suɗike kaaka'ə. An wərak adeke wapanən wətaf neti.

Wəza net Masləŋɗe 2:47

Tahəŋ wə gakdakanən Maŋgəlva, ɗii pak aŋgluwənək wənneti. Ɗəfdaya tay ki ɗii nan aket pay pakə.

Wəza net Masləŋɗe 8:13

Simoŋ bo atafək wənnani, yaŋ ataf baptem, asbanək Filip, adan awla sokeneɗ məs Filip adaɗɗa, agətka.

Roma 1:16

Wil aduwənna darban Labara Nenek na Maŋgəlva ɓa, vi sembe na Maŋgəlva taya dəvən. Labara nan waɓap wəkoh git ɗii məs dətafən pakə, anet Yahudiyenɗe adawkoh git dabəŋ, asna ɗii məza Grekɗe ɓa kana.

Roma 11:22

Mula va Maŋgəlva adarban mogon nani də wəhay nani, tay hayet ɗii məs dədapanənni, amma mogoni kla zokum adan munokum tatəsoŋ adəv mogon nani, an vaski ɓana, nokum bo, kawɓəlkumi va kivan annaka.

1Korintus 1:18

Wərban wənnamta na Zezu Krestu aka wəlaŋga məzliwrihe, wənnan tay va dərwa azet ɗiiyen məsənaŋ zəga, amma azam mənam naka tive nawkoh na, ndəni sembe na Maŋgəlva.

1Korintus 1:21

Maŋgəlva məs dəsən zəga pakə, apsitik tive sit ɗii dəsənnən gən dəveti, amma dəŋgəmaŋ wəɗɗan vas ɓa, aɓoŋgoŋguk daw sənni. Vaski Maŋgəlva aŋgəl əkoh git ɗiiyen dətafaŋ də tive na dərwa an məs mədarbani. Va wənah na də labara namta aka wəlaŋga məzliwrihe, ko naway dətafa wakohu.

1Korintus 11:2

Intatə ɗi kikum vi munokum tatə ɗumoŋ akaw pay pakə, munokum tatəsbanən zəga an məs nərban sukum.

1Korintus 15:14

An Krestu dəsil səkəti əmta ɓa, asna wən məs mədarbanəŋ ɗar mekeleŋgi, ətaf nokum bo ɗar mekeleŋgi.

2Korintus 2:15

Məkpaŋgək va məŋgən zəga mogon məs Krestu andol sən Maŋgəlva. Məŋgənən van bo, agapək azet ɗii məs nawkohoŋ dit ɗii məs naw Zaŋ.

2Korintus 6:1

Namə məɗɗaŋ wəza də Maŋgəlva mənani. Vini məda komokum: Kərəhaŋgək mbəlembəle na Maŋgəlva, məzi zukum adawza səvokum ɓa.

Galatiyen 3:4

An məs dəgəɗ sukuməŋ na ɗar mekeleŋ sa? Tuwãhi zəga metiŋgin vaŋ də san gən ɗar mekeleŋ.

Efesus 2:8

Vi də mbəlembəleyi kaaka kədaw kohoŋ, də wətafa, nan bo də wəza nokumi ɓa, wəvəl na Maŋgəlvayi.

Kolosi 1:23

Amma say mədoŋ abe abe də wətaf wənnani, məmpa tulkum adəvən. Kədaw ngereŋ wən maɓɓan wəzar gukum səza məs kədawgaŋ ɓa, məs kərəhaŋ pay məs kəpprəmən labara nenek ɓa. Ɗii na duniya pak apprəmənək wənna labara neneke. Yaŋ Maŋgəlva anah suwa, in Pol, nərban gən wənnani.

2Tesaloniki 2:15

Vi wənnəski kana, munokum milmiŋgiɗwa, məmpa tulkum adəvən, məɗi wən məs mərban sukum də letərəŋ akokum.

2Timote 1:9

Ndəni dəkoh gəmə, ndən dəyəmə məsam gən ɗii nani, vi wəza mogon məs məgəɗi ɓa, amma vi wəŋgla nani də mbəlembəle nani, aɗɗa səmək mbəlembəle nan də Zezu Krestu, daga məɓəlli əɗɗa zəga tagay ɓa.

Ibriɗe 10:23

Say mərma səm an məs mədawgaŋka, say mərban səm wənnan də sembe. Vi məsənək lewlewi, Maŋgəlva waɗɗa an məs anahə.

Ibriɗe 2:1

Vi vaski, say məzi gən zəm aza goŋga an məs məpprəməŋka, vi mədawza ki tive ɓa.

Ibriɗe 3:14

Vi mənam pak məkpaŋgək ɗii na Krestu, an mərmak wənnan də makram taka məppan ɓa, va mərma wənnan daga wətəŋ nani.

Ibriɗe 3:6

Amma Krestuwi Wətən Maŋgəlva* məs də goŋga, Ɗəfdayayi eŋgil ana Maŋgəlva da, mənamtə gəla nani, an məppan wəsok zəm də goŋga nan ɓa, an mənam tatə gan ha pay wəgrak nani.

Ibriɗe 4:14

Vini say mərma gən wətafəŋ də makram taka, an məs mədawpeliŋka, vi mənam tat də daya net məs dəlveŋge na Maŋgəlva məs dəgap atəki nasuwa na Maŋgəlva, ndəni Zezu Wətən Maŋgəlva*.

Yakob 2:14

Milmiŋgiɗwa, an ɗəf anahək də man ɗar na atafək Maŋgəlva, amma wəza nan dəgil gən wətaf nan ɓa, mi adawtərsən di? Wətaf zemvin as wakoh gən sa?

Yakob 2:17

Vaski bo an ɗəf atafək Maŋgəlva, ya tayəɗɗa wəza məs Maŋgəlva anah ɓa, wətaf nan atərna wəray ɓa.

Yakob 2:26

Vaski bo an gəɓa zə ɗəf tay də əmpəs ɓa amtəka atərna wəray əmpa ɓa, vaski wətaf məza wəza ɓa məmtəni atərna wəray ɓa.