1Korintus 14:3 - Nouveau Testament en Guidar

³ Amma ɗəf məzu pel labara na Maŋgəlva, sit ɗii adawpelsiti kabaahsiti, dəsɓetigini.

Bible en Guidar

³ Ya ɗəf məzəɗɗa kəleŋ na, sit ɗiy adawpel siti, kawɓaygiti, kahheɗeti gəm kasɓeti.

1Korintus 14:3 ပူးပေါင်းရင်းမြစ်များ

Luka 3:18

Də wəpel wən temtem diiɗa sit ɗii vaska, ndəni Zaŋ arah wəpel sit labara neneke.

Wəza net Masləŋɗe 13:15

Ɗərɓaga məŋɗan ɗerewel nama henziŋ na Moyis, də ɗerewel net məs kleŋɗe, ɗii gugiriɗ nadəv gəla nawpel wən aslənaŋgək azet may Pol, aɓɗaŋ na: An munokum tat də wənnawpel sit ɗiiyi, məpele.

Wəza net Masləŋɗe 14:22

Asɓetinik ɗii məs dətafən Zezu, asəɓaŋsitinke dəsbanən gən wətaf də makret taka. Yaŋ anah sitin na: Say də tattuwãh mədawtoŋ məlĩ na Maŋgəlva.

Wəza net Masləŋɗe 15:32

Zuda də Silas anahsitinik labara diiɗa, vi kasɓeti dəsoŋ gən də sembe vi may Zuda sən kiyit bo məs kleŋɗeŋ.

Wəza net Masləŋɗe 4:36

Yaŋ ɗəf maɓɓan tay zemvit may Lewi muwan a Kiprus, iya nan na Zozeffi, yaŋ masləŋɗe alvanən na Barnabas (va wənah na ɗəf məzu səɓ sit ɗiiyi).

Wəza net Masləŋɗe 9:31

Ndəni kan kretiyenɗe naka dələv na Zude na Galile dit na Samariya pak asoŋguk zamə, məza wəzəm saha ɓa. Asɓanənək ziti, asuwaŋgək adəv geslne na Ɗəfdaya, tahəŋ wənzləraŋ aketi, vi Əmpəs Salala tay san dənɗaŋ.

Roma 12:8

Ɗəffan məpsən dəsəɓ siti gin ɗiiyi, say dəsəɓ siti. Ɗəffan dəŋgəl uɗakan arya nan dit ɗii meɓɓeti, say duɗakan gən də makran taka. Ɗəffan dərah dəsan gən daya, say dəzi gən zən aza wəza nani. Ɗəf məzə baah sit ɗii adəv bonoy, say dəɗɗa də zən neki.

Roma 14:19

Vi vaski məsok səm zəmə məsam gən zamə, məbaah səm sən zəmə.

Roma 15:2

Ko naway say dəgəɗ an məs nanneken zə meggeni. An vaski kan dədawɓay git ɗii pak adəv wətafa.

1Korintus 10:23

Ɗii meɓɓet tahəŋ ənəhaŋ na zəga pak tive nan tayi. Gesiŋ, amma zəga mogoni vas ləŋ ɓa. Zəga pak tive nan tayi, amma zəga pak dəda tər wəray aza ətaf nokum ɓa.

1Korintus 14:12

Munokum tatə gakdakanən əvəl na Əmpəs Salala* sawɓa. Ya məsok zukum kərəhaŋ gən əvəl an natər wəraya, nawɓay git ɗii na Maŋgəlva.

1Korintus 14:17

Ko vi əzuli nok asan mogon zlaŋ dətər wəray aza ətaf na ɗəf nan ɓa.

1Korintus 14:26

Milmiŋgiɗwa, an vaski na, mbar kədaɗɗaŋ di? Pay sən kədakkalaŋ vi kawzuliya, ɗəf mbərən tay də gəlya, ɗəf mbərən də zəga narba, ɗəf mbərən wəɗɗa hənhən, ɗəf mbərən wəpel də ma məs məsəni ɓa, ɗəf mbərən wəman ma məs məpelin temtem vani, say wənnəs pak dəsan nawɓay gən wətaf net ɗii na Maŋgəlva.

1Korintus 14:31

Munokum pak wakəɓapən wəpel wənna Maŋgəlva taka taka nokum pak də mabərki zəni, vi dəpprəmən gəni dəsɓan gən ətaf net ɗii na Maŋgəlva.

1Korintus 8:1

Yo mula səm wənna slu mətaw wəlan ama tuyaŋ ɗa. Munokum tatə nəhaŋ na: Mənam pak məsənək zəga. Vaski gesiŋ, amma əsən zevin askəs wakaɓ gən ɗəffa. Say əŋglayi dədawɓay gən ətaf net ɗii na Maŋgəlva.

2Korintus 1:4

Ko wən tattuwãh dərəhəmə, nan tay əsɓam pay pakə. Vini nam bo waməɓap əsɓet ɗii nadəv bone temtemi, va də əsəɓan Maŋgəlva apsəmə.

2Korintus 2:7

Kakaŋ na say məviyan sən mambray nan sə makrokum, məbaah səni vi makran adawzla ɓa, vi adapan əɗum nawrəh zəga nan ɓa.

Efesus 4:29

Əpel mbrayen adaw gilyen səmokum ɓa, məpel ana tər wəraya də an məs na baah siti naɓay git adəv ətaf neti, dəpsit gən mbəlembəle sit ɗii məs dəpprəmən mokum.

Efesus 6:22

Vini nəslən azokum də nah sukum gən va məsam pakə dəə məs gən əpsukum sembe nasɓan mokrokum.

Kolosi 4:8

Intatə slənən azokum də neken gən zukum də zam nawa. Wasɓan makrokum.

1Tesaloniki 2:11

Kəsənənək va an mərban sukum, məsɓokumko, va affit kirin adaw səɓ sit kirtini.

1Tesaloniki 2:3

Wən məs mədawpeliŋka wənna tepelkeyi ɓa, wəɗum an mbrayeni ɓa, wənnaw reket ɗiiyi ɓa'a.

1Tesaloniki 3:2

Məslənək Timote məlməm məgəɗ wəza na Maŋgəlva də mənam də wəpel Wən Nenek na Krestu. Məslən na dəɗikum gən adəv wətaf də wəsɓokum aka wətaf nokum,

1Tesaloniki 4:1

An dəpəl na nah sukum di, milmiŋgiɗwa, mənam tatə kamokum də wəsəɓ sukum də wənna Ɗəfdaya Zezu, va an məs kəpprəmaŋ səmamə, aslək kədawaŋ gən va an Maŋgəlva aŋgələ, vaski kədanzləraŋ wəmbat abe abe.

1Tesaloniki 4:18

Vi vaski məsəɓsən zukum də wənnəska.

2Tesaloniki 3:12

Zemvit ɗii neti, mənam tatəsəɓ siti də wənah siti, də iya na Ɗəfdaya nam Zezu Krestu, say dəsokun ziti, dəɗɗaŋ wəza nawzəm neti.

1Timote 1:4

Say dəppanən wəɗɗa wənnet ɗii laŋka də məɗama nani də zev ɗerewelɗe nawyan zit ɗar mekeleŋ. Vi wənnan wəbay ma adawki ɗarə, wənnan atərna wəray aza wəza na Maŋgəlva məs məsən də wətaf ɓa.

1Timote 4:13

Say agay də wəŋɗan sit ɗerewelɗe na Maŋgəlva də wəpelsiti, də wərban sit abet pak daw guwa.

1Timote 6:2

Ko naway an balam na ɗəf kretiyen ni na, adawzelen vi asan məlmən ɓa. Say dəsok zən wəgəɗ sən wəza day dərəŋ də makran taka, vi daya nanəŋ ɗəf na Maŋgəlvayi, vi wəza net dəl gən abe vi ndəɗaŋgəŋ Maŋgəlva aŋgələ. Say arban wənnəska, apel wənnan azet kretiyenɗe.

2Timote 4:2

Arban wənna Maŋgəlva zuk soksoku, ko an məs zit nek dəndən, ko an məs zit tay nek dəndən ɓa. Agil gən sit mbrayen neti, asəɓ siti də wəsɓeti, aboton sit gabban də wəɓəsən pakə.

Titus 1:9

Ɗəf məzərma wənna Maŋgəlva an məs asənə, vi dəsan gən ɗəf məs dəsən wəpel wənna Maŋgəlva, sit ɗiiyi də goŋga va an məs mərbani, də wəhãye məzu bayaŋ ma.

Titus 2:15

Wən aski kan kədarbani, asəɓsiti, ahayẽti də sembe nok grakə. Kədapan ɗəf səmbet wəzelok ɓa.

Titus 2:6

Vaski anah sit gewleɗi dəsoŋ gən də maɗuleti.

Titus 2:9

Aɗi wənnan sit balemɗe dəpprəmən met ɗii neti, dəsoŋ də wəsa' wənnet aza zəga pakə adaw ɓoŋgoŋ sitin ɓa.

Ibriɗe 10:25

Mədapan wəkal dit ɗii na Maŋgəlva va ɗii meɓɓet adaɗɗaŋ ɓa, amma say məsəɓ sən, səm zəmə. Yaŋ dərəŋ na məsənək pay na ziya na Ɗəfdaya go'oy.

Ibriɗe 13:22

Munokum milmiŋgiɗwa, əntatə kamokum, mətaf wənnawəs də zukum neki, dəsɓanə gən makrokum. Letər nawəs bo tay zekeɗekeɗe ɓa.

Ibriɗe 3:13

Məsəɓ sən zukum pay pakə ha faɗə, va dəpaŋka. Va ɗerewel anah na: Mambray adawmbəɗokum ɓa, kədawɓoŋgoŋ ɓa.

1Piyer 5:12

Nəver sukum wənnəs suɗike də əbaah na Silas, ndəni məlmu an nəsən fəkatə vikum. Mawaka əsɓokum, də əɗɗa sukum, saydawa aka wənnəska, ndəni mbəlembəle an gesiŋ gesiŋ. Məsok zukum də sembe adəvən.

Zuda 1:20

Amma nokum, bayneŋgiɗwa, məsok zukum aza wətaf nokum an salala*. Məkam də sembe na Əmpəs Salala*.