1Korintus 13:4 - Nouveau Testament en Guidar

⁴ Ɗəffan də əŋgla waɓəs wənnet ɗiiyi, əŋgla zəga mogoni, əŋgla awla saha aket ɗiiyi. Aɗɗa kotorok ɓa, aw gakdakan zən ɓa, awkaɓ gən zən ɓa.

Bible en Guidar

⁴ Əŋgla waɓəsə, əŋgla zəga moggoni, əŋgla aɗɗa kotorok ɓa, awɗi ki zən ɓa, awkaɓgən zən ɓa.

1Korintus 13:4 ပူးပေါင်းရင်းမြစ်များ

Matiye 27:18

Vi asənəka ana Zezu ada bayaŋ də kotoroku.

Wəza net Masləŋɗe 7:9

Net bo aɗɗaŋgək kotorok na Zozeffi, avələnka, akpaŋgək balam a Misra. Amma Maŋgəlva tay dəndən.

Roma 1:29

Tahəŋ wətafən wən naɗɗa wəza mambray ko muwandi pak pay pakə, aknəhaŋgək də wəsim zəga temtemi, də wəɗɗa zəga nzeɗi də kotoroku, tay bayaŋ gəbaya, tay gayaŋ dit ɗiiyi, məɗɗaŋ vuruməŋ də uwa tepelke.

Roma 13:13

Say məgəɗ səm wəza məs dəslə azamə, vi ɗii na kapay mənani, məga səm zəm səza wəsmay mbrayen də wəbay na mbazla, də wəɗɗa polkoyo, də ɗarɗarə, də zəga mbrayen pakə, məppan səm wəgaya də kotoroku.

1Korintus 3:3

Vi ədaw nokum tay va net ɗii na duniya. Adan kotorok də əgay taya waloŋkum, vasna kərbanənək zukum na, ɗii na duniya kənanaŋ ɓa sa? Yo ədaw nokum bo ana gəɓa zə ɗəf aŋgəlli.

1Korintus 4:18

Ɗii meɓɓet suwalaŋkum tahəŋ wə gakdakanən ziti, azet na ndaw na ɗaah ulukum əmpa ɓa.

1Korintus 4:6

Milmiŋgiɗwa, wən məs nədawnah pak nənah sənək Apollos də zək naw pakə, vi karban sukum zəga. Nəŋgəl na kulanən gən də ədaw namə, vi kəda toŋgoŋ ki an məverin ɓa, vi ɗəf suwalaŋkum ada gakdakan ɗəf maɓɓani, ndən mba gən ɗəf maɓɓan də wəzelen ɓa.

1Korintus 5:2

Yaŋ bo ka kəda gakdakanən zukum kana! Ya dərəŋ na, məsok zukum əhəm də wənnani ɗəf məgəɗ wən vaska dəgil gən sərokum.

1Korintus 8:1

Yo mula səm wənna slu mətaw wəlan ama tuyaŋ ɗa. Munokum tatə nəhaŋ na: Mənam pak məsənək zəga. Vaski gesiŋ, amma əsən zevin askəs wakaɓ gən ɗəffa. Say əŋglayi dədawɓay gən ətaf net ɗii na Maŋgəlva.

2Korintus 12:20

Geslne duwəka, pay nədadaw annokumda, nərəh kum na aka tive nan va nəŋgəl ɓa, nokum bo kərəh wənna va kəŋglaŋ ɓa. Geslne duwəka, pay nəda zaw annokumda na: Wanərah wəgaya də kotoroku də wəda gədəva də əlpa də əpel mbrayen də tepelke, də wəgadakan zə ɗəffa də ɗarɗar pak awaloŋkum.

2Korintus 6:6

Mənam tatərban na, məɗɗaŋ wəza na Maŋgəlva mənani də goŋga namə də əsən namə, də əbaah na Əmpəs Salala*. Də əŋgla məza də mataka taka azan ɓa.

Galatiyen 5:26

Kədampaŋ sənən zukum ɓa, wədda gədəva də kotoroku adaw san ɗaah awaloŋkum ɓa.

Efesus 4:2

Kədaw kaɓaŋ aket ɗii meɓɓet ɓa, məsoŋ də zam awalaŋ zukum də wəɓəsən, məɓəs sən zukum də əŋgla.

Efesus 4:32

Amma məsoŋ lewlew aza zukum, də mokrokum barə, də əviyan mambray na zukum va Maŋgəlva aviyan sukum mambray nokum vi wənna Krestu.

Filipi 1:15

Ɗii meɓɓet wərbanən Krestu də kotorok nawa, ɗii meɓɓet bo də wəbay ma, ɗii meɓɓet bo tahəŋ wərbanən də mogoni.

Kolosi 1:11

Maŋgəlva wasɓokum də gurom nani, də sembe nani, də gakdak nan metiŋgini kəɓəsən gən zəga pakə.

Kolosi 2:18

Kədapetin ɗii wəkiyən mokum də wənna zuli sit maslayɗe də wəɓe gən kizit na mataktaka ɓa, vi ɗii net wənna issine asbaŋ məs arəhaŋ, yaŋ ada gakdakanən zit də tive na wəɗum na ɗəffa, də wən məs goŋgay ɓa.

Kolosi 3:12

Kəkpaŋgaŋgək ɗii na Maŋgəlva aŋglukumko, awelkumko. Vi vaski nokum bo məsoŋ də ula saha aket ɗii meɓɓeti, məzu ɓe'eŋ sitin ɗii yi, də wən mogoni, məzu ɓəsən wənna.

1Tesaloniki 5:14

Mənam tatərban sukum, munokum milmiŋgiɗmə, məhayet mətampəlɗe, məsəɓ sit ɗii məs makret məmtən, məbaah sit ɗii məverti, məɓəs wənnet ɗii pakə.

1Timote 6:4

asna kizən adawɗi ɗar mekeleŋ dəsən zəga ɓa. Dərway, wəbay ma adaŋgla də wəgaya aka wənnəska. Wən məs dədazan səza wənnəs bo ndəni: Kotoroku də wəgaya, də wənnassiya də wəsuwa nan mbrayen.

2Timote 2:25

Say dərban gən zəga də kuket sit ɗii məzu peleŋ mbrayen akani. Kuzuŋ Maŋgəlva wabaah siti dətubiyaŋ gəni dəpprəmən gən gabba goŋga.

2Timote 3:10

Amma noko, kəsbanək wəsən nawa də wədaw nawa, də an nədaɗum səni, də wətaf nawa, də an nədawga də wəŋgla nawa, də an nədaw ɓəsa.

2Timote 4:2

Arban wənna Maŋgəlva zuk soksoku, ko an məs zit nek dəndən, ko an məs zit tay nek dəndən ɓa. Agil gən sit mbrayen neti, asəɓ siti də wəsɓeti, aboton sit gabban də wəɓəsən pakə.

Titus 3:3

Vi nam bo lahəŋ na mənam tat zigeɗ dəɗerɗe, mawɓe' sit ɗii ɓa, məray gənən wənna, balemɗe na wəsim zəga temtem mənani, an naneken zə ɗəffa, məs darawɗe mənani məsimeŋ zəga mənani, tahəŋ wəzelmə, mənam tatə zeleti.

Yakob 4:5

Kədaɗumoŋ na an məs ɗerewel na Maŋgəlva anah na ɗar mekeleŋgi ɓa, amna: Maŋgəlva tay də kotoroku vi əmpəs məs aɗi amakram dəsan gən dəndən.

1Piyer 2:1

Vi vaski məppan mambray sə makrokum pakə, məppan uwa tepelke, də prufprufu, kədaɗɗaŋ kotorok ɓa, kədaraŋ ɗəf ɓa.

1Piyer 3:8

Aŋki wəgrak na wən məs nədaw ver sukum: Məsoŋ də maɗula taka, wəɗum taka, məwəl saha aka zukum də wəŋglu zukum va məlma, məbaah sən zukum, kədarbanən daya sit milmiŋgiɗkum ɓa.

1Piyer 4:8

Amma an məs dəday pak na, məŋglu zukum, də wəŋgla ana makrokum, vi wəŋgla aviyan mambray diiɗa.

2Piyer 1:7

də əŋgla net milmiŋgiɗən də əŋgla na Maŋgəlva.

1Yohanna 4:11

Bayneŋgiɗwa, adan Maŋgəlva aŋgələmək vaska, asna aslək azam tam məŋglu gən zəmə.