1Korintus 13:2 - Nouveau Testament en Guidar

² An məvayi tive narban labara na Maŋgəlva, walla an nəsənək wən məɗama na Maŋgəlva pakə, an əntat də ətaf ha in zar gən gərəm dəndən, an əntat də əŋgla ɓa, asna nəkpaŋgək zəga ɗarə.

Bible en Guidar

² An in tat də əsən naɗɗa kəleŋ gəm nawsən an məɗama pakə, awaniɓa an in tat də ətaf gala nawzargit mossorgoɗe gugriɗe dəndəni, an in tat də əŋgla ɓa, nəgap zəga ɓa.

1Korintus 13:2 ပူးပေါင်းရင်းမြစ်များ

Matiye 13:11

Azlan sitik na: Munokum kərəhaŋgək wəsən wən məɗama na məlĩ na Maŋgəlva, amma neti dərəhaŋ ɓa.

Matiye 17:20

Zezu azlan sitik na: Vi wətaf nokum gəssi. Gesiŋ nədawnah sukum: Va munokum tat də wətaf suɗike va wəlaŋ sita, wakənahaŋ sənən gərməŋka azar saŋka, dok ada, nəsənka wazarə, zəga tay də daw day kikum ɓa.

Matiye 21:19

Awlak sukoyo aba tive, amzlaka mbrani, amma dərah uwa nan ɓa, say gaslamba nan kaaka'ə. Yaŋ Zezu anah sən sukoyo na: Kuwəna ɗaah ɓa. Go'ləŋgə sukoyo akəlka.

Matiye 21:21

Zezu azlansitike: Gesiŋ nəda nah sukum: An munokum tat də wətafa, məza kuzuŋ ɓa, wakəɓapaŋ wəɗɗaŋ say an va nəgəɗ sən sukoyo kakayi ɓa, amma an dayki aska. An va kənahaŋgək sən gərməŋ na azar saŋka, doko pe'e, wagəɗə.

Wəza net Masləŋɗe 13:1

Məs kleŋɗe dit mərbaŋ zəga tahəŋ aweleŋgit kretiyenɗe na Antakiya, Barnabas, gəm Simeyoŋ məs adawyaŋ na dəf titire, gəm Lukiyus dəf na Sirene, gəm Manahen məs dəɓayaŋ də məlĩ Herodə, gəm Sol.

Roma 11:25

Milmiŋgiɗwa nəŋgəl karban sukum goŋga məs dəɗamə, vi kədaw lanən zukum va məsənaŋ zəga pak ɓa. Maŋgəlva appetik Israyelɗe meɓɓet aŋkluwənək mekreti. Amma wənnan kadagrak na, an ɗiiyen məs Maŋgəlva awel suweleŋgit ɗii məs Israyelɗeŋ ɓa, azoŋguk azan pak arəhaŋgək əkoho.

Roma 15:14

Milmiŋgiɗwa in sən kiyu nəsənək lewlewi, kəbaŋgək də zəga mogon diiɗa, daga zəga naw sən pak kəbaŋgək kpe'ə, wakəɓapən wəsəɓ sən zukum bo.

Roma 16:25

Məgəɗ səm soko sən Maŋgəlva, ndəni də sembe naw ɗikum də sembe aza wətaf nokum, va an Labara Nenek məs nəpel sukum, wən məs nərban aka Zezu Krestu wəŋka, ndəni va an məsənə məs mərah Maŋgəlva aɗamani. Wənnəska məɗamani daga farfar laŋka.

1Korintus 11:4

An ɗəf mizilin tay zuliya, walla tayərban wənna Maŋgəlva atəki əkkala, an tay kiyən sərəta na, asna ana Krestu adawzeleni.

1Korintus 12:28

Ko naway pak Maŋgəlva apsənək wəza nan aweleŋgit kretiyenɗe: Dabəŋ masləŋɗe, ma sula'ən məs kleŋɗe, mohoketi məzərbanən zəga sit ɗiiyi, ɗii meɓɓet məɗɗaŋ sokeneɗi, ɗii meɓɓet məzu mbəl gitin məs gbəgbaɗe, gəm məzə baahaŋ sitin ɗiiyi, ɗii meɓɓet məsoŋ abet ɗiiyi, ɗii meɓɓet məpeleŋ də ma məs məsəni ɓa.

1Korintus 13:1

An nəsənək zəga ha in əpel də ma net ɗii diiɗa gəm də met maslayɗe pakə, amma an əntat də əŋgla ɓa, naw nəgilik va matondoloŋ walla va wewewe məɗiyaŋ geŋgere ɗarə.

1Korintus 13:3

Ko an nuɗakanək arya naw pak sit məs saheŋɗe, ko an nətafək əzla zuwa vi ətaf nawa, amma an əntat də əŋgla ɓa, də as pak atər suna wəray ɓa.

1Korintus 13:8

Əŋgla nan wasan ha faɗə. Əpel net məs kleŋɗe də əpel də ma na əmpəs pak wagrakə, wəsən bo wazə.

1Korintus 14:29

Ɗii məs dərəhaŋ hənhən na Maŋgəlva, sula walla hoku dəpeleŋ, ɗiiyen dəmbraŋ na, say dəkosonən wən məs ɗii nek apeleŋ naka.

1Korintus 14:39

Vini milmiŋgiɗwa, məsok zukum mərban labara na Maŋgəlva, amma kədaw takən əpel də ma məs məsəni ɓaɓa.

1Korintus 14:4

An ɗəf apelik də ma məs məsəni ɓa, watər sən wəray sən ɗəf nan kaaka'ə. Amma ɗəf məzu pel labara na Maŋgəlva, tay tər sit wəray sit ɗii na Maŋgəlva pakə.

1Korintus 15:51

Say nərban sukum wən məɗama nani: Mənam pak mədamta ɓa, amma mənam pak gəɓa zəm wakpaŋgə.

1Korintus 16:22

An ɗəf dəŋglu Ɗəfdaya də makran taka ɓa, wasan məray gəni! Maranata - Ɗəfdaya nam ade!

1Korintus 4:1

Say muləm va məɗɗaŋ wəza na Krestu, va ɗii məs Maŋgəlva apansit wən məɗama nan aveti.

1Korintus 7:19

Vi əskəl awra də məskəli awra sula gən pak atər na wəray ɓa, say wəsban əpel na Maŋgəlva kaaka dədawtər wəray aza ɗəffa.

1Korintus 8:4

Yaŋ kəssohoŋ na, ɗəf wazəm slu mətaw wəlan ama tuya sa? Məsənka tuya na zəga mogoni a duniya ɓa, zəga maɓɓan tay nasban ɓa say Maŋgəlva kaaka'ə.

2Korintus 12:11

Gesiŋ va dərwa nədaw pele, amma munokum kəɗɗaŋ suwən dewle nəpel gən vaska. Vi kəɗɗaŋ saydawa akaw va an dəslə ɓa. Vi ko əntat də zəga ɓa zlaŋ, əntat də tive naw saw dərɓeget mesliŋɗe nokum məs gugiriɗe ɓa.

Galatiyen 5:16

Məpprəma an məs nəŋgəl wənah sukum: Məppan Əmpəs dədaw gən zeŋgillekum, kədaɗɗaŋ an məs gəba zukum aŋgəl ɓa.

Galatiyen 5:22

Amma uwa na Əmpəs na ndəni: Wəŋgla, wənneke, zamə, wəɓəsən, ula saha, wəɗɗa mogoni, wəɗɗa zəga də tive nani,

Galatiyen 6:3

An ɗəf tayə ɗum na agapka, dəgap ko mi ɓa, dərwa na zən adaw mbəɗani.

Efesus 3:4

də wəŋɗan ɗerewel nani, wakəɓapən wəsənən na nəsənək wən məɗama na Krestu.

Efesus 6:19

Məzuli viwa: Vi nəpel gən wən məs dəslə, vi nərban gən wən məɗama na Wən Nenek də zu soksoku.

Kolosi 1:26

Daga wətəŋ na duniya, Maŋgəlva aɗamanək wənnan sit ɗii pakə. Amma kakaŋ na arbanək wən məɗaman nak sit ɗii nan kana.

1Timote 3:16

Gesiŋ aŋki məɗama na wən nəŋka, ndəni metiŋgini annan mədasba: Krestu arbanək zən va ɗəffa, Əmpəs arbanək wən akan na, askak wəlla zəga pakə. Maslayɗe awlanənka. Mərbani labara nan aweleŋgit ɗii məza Yahudiyenɗeŋ ɓa. Ɗii na duniya atafənka, Maŋgəlva aslanək a disiŋ adəv gakdak an dəday pakə.

1Yohanna 4:8

Ɗəf məs tay də wəŋgla net ɗii ɓa, dəsən Maŋgəlva ɓa, vi Maŋgəlva sən kiyən wəŋglayi.