1Korintus 1:7 - Nouveau Testament en Guidar

⁷ Əvəl na Maŋgəlva adambər sukum ɓa, munokum məzu ganən pay naziya na Ɗəfdaya nam Zezu Krestu wəŋ ɓa.

Bible en Guidar

⁷ Vas na əvəl na Maŋgəlva tay dəmbər sukum munokum məzuganən əzza na Daya nam Yesu Kristu əŋ ɓa.

1Korintus 1:7 ပူးပေါင်းရင်းမြစ်များ

Matiye 25:1

Yaŋ məlĩ na Maŋgəlva agilik va gorɗeŋge klaw, agəmənək pitirleɗ neti, adoŋ wəga ɗəf naw gəma.

Luka 12:36

Məsoŋ va ɗii məgaŋ daya neti, pay ada zan də wəɓele, wakol sənən madamba an agapəka argak madamba.

Luka 17:30

Vas adawsan pay na Wətən Ɗəf adarban zəni.

Roma 8:19

Vi zəga məs Maŋgəlva agəɗ pakə, tay pay məs Maŋgəlva adarban sit kirtin də gakdaka.

Roma 8:23

Duniyayi kaaka ɓa, amma də mənam kirtin əmpəs na Maŋgəlva məs wəvəl nan dabəŋ, mənam tatənɗəsa. Mamaka əŋgla kaw sam də Maŋgəlva va kirtini, amamək səza wəzzan gəɓa zamə.

1Korintus 4:5

Vi vaski kəda tawən kita aka ɗəf dabəŋ ki pay məɗiyən ɓa, məga Ɗəfdaya dəde gən paysa, warban an dəɗam ara guzli pak atəki babara, də wəgil gən wəɗum məɗama na mekret ɗiiyi. Asna Maŋgəlva wagakdakan ko nawa pak va aza wəza nan agəɗə.

2Korintus 12:13

Tay məs məgəɗ sit kretiyenɗe meɓɓeti nəgəɗ sukum ɓa sa? Nəkay tive ka kətər suwə gən wəray naw ɓa. Məviyan su mambray nani.

Galatiyen 5:5

Nam mənam tatə ɗum na, Maŋgəlva wakpaŋgam təstəs abani, ndəni məda tafən də sembe na Əmpəs na Maŋgəlva.

Filipi 3:20

Vi namə, gela nam a disiŋgi. Sədaki mədaw ga məzu koh gəmə, ndəni Ɗəfdaya Zezu Krestu.

Kolosi 3:4

Gesiŋ Krestuwi wənna koh nokum. An arbanək zəni, nokum bo wakərbanən zukum dəndən, ko naway wawla gakdak nokum məs Maŋgəlva apsukum.

1Tesaloniki 1:10

Munokum tatə ganən Wətən dəde gən sə disiŋ, ndəni Zezu məs asil gən sətəki əmta, dəsan də zeŋgilleni, ndən dədawkoh gəm səma wəda gədəv na Maŋgəlva məs dədazani.

2Tesaloniki 1:7

Amma munokum məzuzəmaŋ saha, kakaŋka wəfatokum də mənamə pay sən Ɗəfdaya adazan sə disiŋ a duniya dit maslayɗe məzəɗɗaŋ saydawa aka gakdak nani.

2Timote 4:8

Kaakaŋ na zəga nawrəh na ɗəf məs dənzan dabəŋ tay guwa: Ndəni mətər kiya na gakdak məs Ɗəfdaya mətaw kita də goŋga adawvaya, pay nawtaw kita nani. Suwi adawvay kaaka ɓa, amma sit məzu ganən pak də wəŋgla pay məs adarban zəni.

Titus 2:13

Mənam tatə ga an mədaɗum akani, tay də nenek akan də wərban akdak na, Maŋgəlva metiŋgini, də məzukohgəm Zezu kertu.

Ibriɗe 9:28

Vaski bo Krestu apsən zeŋgillen təl taka vi kaskoɓ mambray net ɗii diiɗa səka dəlva, warban zən ma sula'ən, ya nan vi kapay mambrayi əmpa ɓa, amma vi kawkoh git ɗii məs dədawganəni.

1Piyer 1:13

Vi vaski məzaɓan wəɗum nokum naɗɗa wəza sən Maŋgəlva, məzi zukum, məɗi wəɗum nokum pak aka zəzay məs dədazan sukum pay Zezu Krestu adazani.

1Piyer 4:13

Amma məneken zukum, vi kəsapaŋgək də Krestu adəv wəzəm saha nani, kərəhaŋ gən wənneken zukum, pay adarban zən də gakdak nani.

1Piyer 5:4

An məzutaɗa an daya adek na, wakərəhaŋ mətər kiya an də gakdaka, an məza awray ɓa.

2Piyer 3:12

Dawga pay nani, məgəɗ wəza pay nan dəgap gən gu'u, va wənah na pay məs disiŋ adawzla də wəzza, ngirzleɗ bo wewereŋ sənən offo.

1Yohanna 3:2

Bayneŋgiɗwa, kakaŋ na kirtin Maŋgəlva mənani, an va mədakpaŋ səɓan abe na məsən tagay ɓa. Amma məsənka pay Krestu adazan na, waməsam va ndəni, vi mulak va asani.

Zuda 1:21

Məga zukum adəv əŋgla na Maŋgəlva. Adan munokum tatə ganən Ɗəfdaya nam Zezu Krestu dəpsukum gən mbəlembəle də zeŋgille nasuwa ha faɗə.