1Korintus 1:1 - Nouveau Testament en Guidar

¹ Əntə Pol məs Maŋgəlva ayə də əŋgla nan nəsaw gən masləŋ na Zezu Krestu də Sostenes məlməmə.

Bible en Guidar

¹ Səza Pol məs məyan dəsangən maslən na Yesu Kristu də əŋgla na Maŋgəlva gəm səza məlməmə Sostenes.

1Korintus 1:1 ပူးပေါင်းရင်းမြစ်များ

Luka 6:13

Yaŋ təki adaŋgə, ayek gewleɗ nani, awelik klaw kiyit sula suweleŋgiti, ayek na masləŋɗe.

Yohanna 15:16

Yaŋ na munokum kəwelwən ɓa, amma in nəwel kum. Nənah sukumək də kakara kədoŋ gəni. Kətəraŋ gən wəraya, wətər wəray nokum bo dəsan gən ha faɗə Affən wapsukum ko mi kəssohoŋ də iya nawa.

Yohanna 20:21

Zezu anah sitik əmpa: Zam wasan azokum. Va Affən aslənwa, naw bo wanaslənkum.

Wəza net Masləŋɗe 1:15

Daska Piyer asilik aweleŋgit milmiŋgiɗin ɗii məkkalit gap səkat də kaklaw sula neki, anahka:

Wəza net Masləŋɗe 1:2

ha gap pay an ateŋ a disiŋ. Daga dəɓəl wəteŋ a disiŋ ɓa, asəɓ sitik masləŋɗe en məs awel də sembe na Əmpəs Salala*.

Wəza net Masləŋɗe 18:17

Ndəɗaŋ pak armanənək Sostenes məs dələv na gəla nawpel wənna, avərənək karet ɗii pak atəki na kita. Amma aza Galliyo wənnan dəssan ɓa.

Wəza net Masləŋɗe 22:21

Ɗəfdaya apsu na: Doko, wanəslənuk faraɗa, azet ɗii məza Yahudiyenɗeŋ ɓa.

Roma 1:1

Letərəŋka Pol məs dəsan balam na Zezu Krestu wi dəver azet kretiyenɗe na Roma. Maŋgəlva ayuwəka, aɗiwək ka masləŋ nani, awelwəka ka nərban gən Labara Nenek nani.

Roma 1:10

Pay pak əntatə kaman Maŋgəlva də zaɓan suwə gən wənna mbat naw anokumda, an aŋgerke.

Roma 1:5

Vi wənnani, Maŋgəlva avay tive nəkpaŋ gən masləŋ nani, vi nəka gən Labara Nenek nan sit ɗii namba dələv pakə, dətafən gəni, dəpprəmən gən ma Maŋgəlva də wə gakdakan iya na Krestu.

1Korintus 15:9

Əntə muzliya nambet masləŋɗe, vi nəzəm gitik saha net ɗii na Maŋgəlva. Nəgap nayu masləŋ kəta ɓa.

1Korintus 3:9

Sula gəm pak ɗii məɗɗaŋ wəza na Maŋgəlva mənani, munokumtə guli na Maŋgəlva. Də wən məkpaŋga maɓɓan bo: Munokumtə bo gəla na Maŋgəlva.

2Korintus 1:1

Letərəŋka Pol dəvere, ndəni bo masləŋ na Zezu Krestu də əŋgla na Maŋgəlva, ina də Timote məlməmə, azet ɗii na Maŋgəlva na Korintus. Dit kretiyenɗe naka dələv na Akaya pakə.

2Korintus 11:5

Nəsənək gesiŋ nəgəs azet masləŋɗe nokum gugiriɗiŋ ɓa.

2Korintus 12:12

Wəzeɗe eŋkiŋ pak dərbanən awaloŋkum na, masləŋ nani, nərban sukumək əɓəs naw grakə, nəgəɗək sokeneɗi də wəza məs naɗɗa də sembe, amma sembe nawi ɓa.

2Korintus 8:5

Aɗɗanənək dayki an məɗum səni. Dabəŋ nani, apanənək zit sən Ɗəfdaya. Yaŋ bo vi əŋgla na Maŋgəlvayi apanənən zit azamə.

Galatiyen 1:1

Letərəŋka, səza Pol məs dəsan masləŋ ade. Naw nəsaw masləŋ də əŋgla net ɗii ɓa. Walla dəka ma ɗəf ɓa, amma də əŋgla na Zezu Krestu gəm Maŋgəlva Affəni, məs də sil gən Zezu suweleŋgit ɗii mimtiti.

Efesus 1:1

Letərəŋka Pol dəsləna nan bo masləŋ na Zezu Krestuwi də wəŋgla na Maŋgəlva, azet ɗii na Maŋgəlva a Efesus, təstəssəŋ aza əsap də Zezu Krestu.

Efesus 4:11

Ndəni dəvəl sit ɗiiyi, ɗii meɓɓet masləŋɗe, ɗii meɓɓet məs kleŋɗe, ɗii meɓɓet məzu pelin wənnani, ɗii maɓɓet məzuteɗeŋɗe, gəm mərbaŋ zəga.

Kolosi 1:1

Letərəŋka, Pol dəsləna, nan bo masləŋ na Zezu Krestuwi də wəŋgla na Maŋgəlva, in də Timote məlməmə.

1Timote 1:1

Letərəŋka, əntə nəvere in Pol masləŋ na Zezu Krestu də Wəŋgla Maŋgəlva, məzukoh gəmə, gəm Zezu Krestu məs dəsan zəga nawga namə.

1Timote 2:7

Vini Maŋgəlva aɗiyu masləŋ na wənnani, də narban wənnan azet ɗii məza Yahudiyenɗeŋ ɓa, vi nəwiɗen gən labara nan də wətafa də goŋga. An məs nənah na, goŋgay tepelke nəwə ɓa.

2Timote 1:1

Letərəŋka, Pol də sləna ndəni masləŋ na Zezu Krestu də wəŋgla na Maŋgəlva karban wənna zeŋgille məs anah wənnani də wəsap də Zezu Krestu.