Yoan ma Peba 1:3 - Wipi

³ God komkesa gasa atobarkinonj re onggɨt Yɨtkakɨm pɨlkena. Sɨ onggɨt Yɨtkak kesa makwa ngai yɨpa gasa aukonj rɨnsim re otobarki wekeny.

Yoan ma Peba 1:3 ပူးပေါင်းရင်းမြစ်များ

Yoan ma Peba 1:10

Ɨ Ton kea onggɨt gowukoyɨnd yɨbnonj. Sɨ God onggɨtyam gowukoi Ti pɨlkena yotobarkonj. Ajɨ onggɨtyam gowukoyɨt maka Tin yongwatonj.

Yoan ma Peba 1:2

Otomapu wa onggɨt wɨnɨnd re God komkesa gasa atobarkinonj, ɨtemb Yɨtkak, Ton kea adea de yɨbnonj God kɨma.

Naskanyam Korinto Leta 8:6

Ajɨ meranɨm re ɨnta yɨpaina nena ɨmɨnjog God yɨbɨm. Sɨ Ton re mera B'u e ya pɨlkena re komkesa gasa b'atobarkɨto ɨ yamim re men yilo wekenyɨn. Ɨ kwa yɨpaina nena e ɨmɨnjog Yonggyam yɨbɨm. Sɨ Ton re Yesu Kerisote ya pɨlkena re komkesa gasa b'atobarkɨto ɨ meda kwa re ti pɨlkena yɨrkokar yokatonda.

Epeso Leta 3:9

Ɨ kwa nokɨm da ɨdenat kon komkesa rɨga wa pɨta tamnaen onggɨtyam Godɨmna wɨgawɨga ɨsamki yɨt rɨna re komkesa gasa otobarkayam God egiti yowamenenonj otomapu ke ngɨrpu yu.

Ibru Leta 11:3

Ɨ men gar ke utkunda kae wumɨr yokatenyu da God kupka wub ake gowukoi Tina yɨt kena atobarkonj. Sɨ onggɨt paemb nangga im re yu men yɨr ongong eyenindam re ɨngkenaemb aukɨto nangga im re men ma rɨrɨr im yɨr ongongɨm.

Naskanyam Yoan Leta 5:1

Yet ra gar ke utkunda oramis da Yesu re Keriso e, ton re Godɨm pɨlke ukendi rɨga e. Ɨ yet ra Ti B'und singi iyeny, ton kwa opima Ti B'uɨm pɨlke ukendi b'ɨgawar singi teyeniny.

Ouyawa Peba 3:14

Sɨ man peba yɨrɨke Laodikeya sosi yɨr ɨpka anerum pɨlwa. Sɨ opimemb jɨ Tina opureni yɨtkak yete re ɨmɨnjog, ɨ yete re nony ɨjai dɨde ɨmɨnjog yɨr ungata rɨga, ɨ dɨde yete re Godɨmna otobarki rɨgɨb rɨga.

Ouyawa Peba 4:11

“Sowa Yonggyam God, Man re rɨrɨrkɨpjog Rɨga et okatenam b'ogɨl ɨnyomarena ɨ esourena ɨ dɨde danda, mop nokɨp Man kea komkesa gasa atobarkinot. Sɨ komkesa gasa Moina singi rɨrɨrɨnd pɨta aukɨto dɨde wɨmena wuwenonj.”