Ouyawa Peba 6:17 - Wipi

¹⁷ Nokɨp Towaina ukoijog soro kɨma b'ɨsagɨka bibɨr re kea ɨte ke ik. Sɨ yete rɨrɨr e Towa wɨpɨnd onyitam?”

Ouyawa Peba 6:17 ပူးပေါင်းရင်းမြစ်များ

Luk ma Peba 21:36

Sɨ wɨn b'ogla yɨr kɨma tekenenyɨt, dɨde yɨr na topmitenindam onggɨtyam wɨn yɨr ungaukand. Nokɨm da ɨdenat wɨn rɨrɨr taindam b'ɨwatam onggɨtyam komkesa mɨle wa pɨlke rɨnsim ra pɨta taukanj dem dɨde ket onyitam Rɨgamna B'ɨgam wɨpɨnd.”

Roma Leta 2:5

Ɨ ra Godɨmna negɨr kesa dɨmdɨmjog b'ɨsagɨka wɨn pɨta tainy dem, ɨtemb re ma sobijog soro kɨma e dem. Ajɨ man moina gar rogɨlkak dɨde engendi kesa gar kɨma e mɨbnenenyɨt. Sɨ ɨngkaemb man mornɨm ukoi soro kɨma b'ɨsagɨka angurka yiyenyɨt. Sɨ ra b'ɨsagɨka wɨn ik dem, man ma sobijog soro kɨma b'ɨsagɨka e okasɨt dem.

Yudas Leta 1:6

Ɨ God aneru wa agoninonj danda towanɨm ingaenam, ajɨ nɨnda anerup maka owama eyento onggɨtyam towainajog danda, sɨ ton kea yɨraro towainajog wɨmenapu pɨpmet. Sɨ God opimemb aneru kea dadal ngɨrpu kesa sein kai ke ejobɨkinonj, dɨde owama eyeniny ukoi sɨbɨb borand ngɨrpu ra Tina ukoijog b'ɨsagɨka bibɨr ik dem.

Ouyawa Peba 11:18

Ɨ gɨm b'engabenga rɨga soro im aukenenanj mop nokɨp Moina ukoi soro kɨma b'ɨsagɨkam dɨde kwa uj rɨga b'ɨsagɨkam wɨn re ɨtaemb ke ik. Sɨ ɨtemb jɨ wɨn, sɨ Man rɨrɨr et towa mɨra ogonam Moina wɨko rɨga bageyam wa ɨ yɨna rɨga wa ɨ dɨde Moina nyɨ moga uwada rɨga wa yepim re sobijog nyɨ rɨga dɨde ukoi nyɨ rɨga. Sɨ kwa ɨtemb jɨ wɨn, sɨ Man ten negɨr tamnɨkinyɨt yepiya re gowukoi negɨr yomnɨkeneno.”

Ouyawa Peba 16:14

Sɨ ton re kɨd kesa kɨma danda wɨko omnɨkayam negɨr wɨngawɨnga im. Ɨ tonsimemb komkesa gowukoi king wa pɨlwa wuweny ten yɨpand bobo omnɨkam onggɨt gejam rɨnte ra tawɨk Komkesa Dandam Rɨgɨb Rɨga Godɨmna ukoi b'ɨsagɨka bibɨrɨnd.