Ouyawa Peba 18:8 - Wipi

⁸ Sɨ onggɨt paemb odede sake ti pɨlwa tuweny dem yɨpa bibɨr wɨngɨrɨnd, opi re uj ɨ yii b'ɨrɨnena ɨ dɨde sou. Ɨ wulɨt ɨta tin tembkau dem mop nokɨp Yonggyam God yet ra tin b'ɨsagɨkam tomneny ra ukoi dandam Rɨga e.

Ouyawa Peba 18:8 ပူးပေါင်းရင်းမြစ်များ

Naskanyam Korinto Leta 10:22

Sɨ ra men odede mɨle tamnɨkindam Israel rɨga re dɨde, Yonggyam ɨta gar soro kɨma nonyɨk b'ɨponena mɨle okas. Sɨ rɨngma, rɨka men rɨrɨr im odede mɨle omnɨkam Yonggyamɨm wɨpɨnd? Ma rɨrɨr e! Ɨ kwa rɨka men dandajog rɨga im, ajɨ Yonggyam re ma danda rɨga e?

Ouyawa Peba 11:17

Ɨ ton ket Godɨnd yesoureno da, “Komkesa Dandam Rɨgɨb Rɨga, sowa Yonggyam God yet re mɨbnenenot dɨde yete re mɨbnenenyɨt! Sɨn sɨteket yɨt momnyu, mop nokɨp Man kea tɨrɨr yomnot Moina ukoijog danda ingawam, sɨ Mante ket onggɨtyam gowukoi wɨp yiyenyɨt.

Ouyawa Peba 17:16

Ɨ kwa man kea yɨr anginyɨt ten (10) dɨng dɨde ɨtemb tɨbam b'angga. Sɨ ton ɨta negɨr yɨr ke onggɨt yiyagyiyag iyenapu konggand yɨr tongi dem ɨ ton opima onggɨt konggand negɨr tomnyi dem ɨ ɨngar kɨma wɨ kesa tomnɨki dem ɨ tina mɨ tangranj dem ɨ dɨde ket wul dɨmɨl ke tin so tomnyi dem.

Ouyawa Peba 17:18

Ɨ ɨtomb kongga yena re man yɨr wonget, ton ɨtomb re yɨpa ukoi taun o yepim re gowukoi king wɨp amneniny.”

Ouyawa Peba 18:17

Sɨ onggɨt taunɨmna b'ogɨl wulkɨp darɨnd wɨmena re kea b'eomneny sobijogjog wɨnɨnd.’ “Sɨ komkesa gɨga iyena rɨga ɨ komkesa gɨgand menon rɨga dɨde gɨga wɨko rɨga ɨ dɨde komkesa sɨpand wɨko rɨga, ton opima pajapaja owɨnki tekeny dem.

Ouyawa Peba 18:19

Sɨ ton opima gar bebɨg map towaina mopɨnd sungar b'ɨskena teyenanj dem, ɨ yii tiyagɨki dem dɨde gar kopa kɨma yii bɨtrɨnenanj dem. Sɨ ton ket tunenanj dem da, ‘O ukoi taun, ke sake yokas, ke sake yokas. Komkesa rɨga yepiya re gɨga kɨma wekenonj sɨpand, ton kea b'ogɨl gasa asogenento onggɨt taunɨnd. Sɨ ɨngkenaemb ton b'ogɨl wulkɨp darɨnd wekenenonj. Ajɨ ɨtemb taun re kea b'eomneny sobijogjog wɨnɨnd.’

Ouyawa Peba 19:3

Ɨ ton ket nɨmogɨm ara wuwenonj da, “Aleluya! Sɨ tin so omni bungbung kimbra pumb wa yikeny re ngɨrpu kesa ngɨrpu kesa e.”