Ouyawa Peba 18:10 - Wipi

¹⁰ Sɨ ton opima onggɨtyam tina b'ɨdgotnena map moga taukanj dem. Sɨ onggɨt paimemb ton pajapaja owɨnki tekeny dem dɨde ket taenanj dem da, ‘O ukoi taun, ukoi dandam taun Babilon! Ke sake yokas, ke sake yokas. Mop nokɨp tina negɨr ma b'ɨsagɨka ik re sobijogjog wɨn nate.’

Ouyawa Peba 18:10 ပူးပေါင်းရင်းမြစ်များ

Ouyawa Peba 11:8

Ɨ towaina ujgɨm ondrati tebnya dem ra sobea nasi onggɨt ukoi taunɨnd. Sɨ ɨtemb jɨ taun wɨngawɨnga nya ke ogenaya re Sodom e o Ejipt e rɨkɨnd re towa Yonggyamɨnd daka wul b'agbagɨnd yɨdrɨko.

Ouyawa Peba 14:8

Ɨ kwa nɨmogɨm anerut tin yɨmta yundokonj dɨde ket yindenonj da, “Ke yosmulitonj, ke yosmulitonj, ukoi taun Babilon yet re komkesa kantri pɨp amnɨkinonj negɨr b'iyena mɨle ke, ɨ ɨngkenaemb ten Godɨmna ukoi soro kɨma b'ɨsagɨkam ɨk okɨka eyeninonj.”

Ouyawa Peba 16:19

Sɨ ukoi taun Babilon b'akangkonj dɨde ket nowa usetki aukonj. Ɨ komkesa kantri wɨngɨrɨnd taun re kea osmurkɨto. Ɨ dɨde kwa God kea ukoi taun Babilon nonyɨk yomdonj tina negɨr mɨle map, dɨde Ton ket tin yokɨkonj Tina ukoijog pembpemb soro kɨma b'ɨsagɨkam greip ɨk kapo ke.

Ouyawa Peba 17:12

Ɨ ten (10) dɨng rɨna re man yɨr anginot re ten (10) king im. Sɨ ton re makaima kantri emdanj wɨp omnenam. Ajɨ ton opima king pɨla wɨp omnenam danda temdanj dem onggɨt tɨbam b'angga kɨma sobijogjog wɨnɨnd.

Ouyawa Peba 18:18

Ɨ ra ton ɨtemb taun so omni kimbra yɨr ongi dem, ton opima unena kɨma ara tuweny dem da, ‘Rɨka ɨta yɨpa odede ukoijog taun yɨbɨm?’

Ouyawa Peba 18:19

Sɨ ton opima gar bebɨg map towaina mopɨnd sungar b'ɨskena teyenanj dem, ɨ yii tiyagɨki dem dɨde gar kopa kɨma yii bɨtrɨnenanj dem. Sɨ ton ket tunenanj dem da, ‘O ukoi taun, ke sake yokas, ke sake yokas. Komkesa rɨga yepiya re gɨga kɨma wekenonj sɨpand, ton kea b'ogɨl gasa asogenento onggɨt taunɨnd. Sɨ ɨngkenaemb ton b'ogɨl wulkɨp darɨnd wekenenonj. Ajɨ ɨtemb taun re kea b'eomneny sobijogjog wɨnɨnd.’

Ouyawa Peba 18:21

Ɨ ket yɨpa danda kɨma anerut ukoi gɨmo yurowatonj dɨde ket sɨpa wa b'ɨskonj. Ɨ ton ket yindonj da, “Ukoi taun Babilon ɨja emb jɨ ɨsanikesa b'ɨski ɨbɨm dem, ɨ makwa ngai ɨta odari dem.

Ouyawa Peba 18:8

Sɨ onggɨt paemb odede sake ti pɨlwa tuweny dem yɨpa bibɨr wɨngɨrɨnd, opi re uj ɨ yii b'ɨrɨnena ɨ dɨde sou. Ɨ wulɨt ɨta tin tembkau dem mop nokɨp Yonggyam God yet ra tin b'ɨsagɨkam tomneny ra ukoi dandam Rɨga e.