Nɨmogɨm Tesalonika Leta 3:9 - Wipi

⁹ Ɨ sɨn ma odede mop penaemb b'asowa wuwenond da, sowa awɨr im danda wekeny wa pɨlke jabajaba odede wurar gasa imdam. Ajɨ onggɨtɨm mop ɨja naemb jɨ da sɨn sowalenggyam b'ogɨl mɨle im tamnɨkindam, nokɨm da ɨdenat wɨn onggɨtyam wɨngata mɨle takasindam sowa pɨlke dɨde yɨmta tundokindam.

Nɨmogɨm Tesalonika Leta 3:9 ပူးပေါင်းရင်းမြစ်များ

Matayo ma Peba 10:10

Ɨ kwa goro owou ga kɨma, ɨ goro kobɨrgɨm talomam kɨma, ɨ goro nɨmog burur yongɨnkak kɨma ɨ dɨde goro kwa weweyam kutɨp kɨma. Mop nokɨp wɨko rɨga re rɨrɨrkɨpjog rɨga im owou dɨde nɨnda ingaena gasa okatenam rɨga wa pɨlke.

Yoan ma Peba 13:15

Kon wɨngata mɨle na wa akainyɨn, nokɨm da ɨdenat wɨdaka kwa odede mɨle omnɨkenenya rɨngma na re Kon wanɨm yomnɨken.

Naskanyam Korinto Leta 4:16

Sɨ onggɨt paemb kon wen ugoinyɨn da wɨn b'ogla koina wɨngata rɨrɨrɨnd aukina.

Galatiya Leta 6:6

Ɨ yet ra God ma yɨtkak b'auyaena ikeny yɨpa ouyaena rɨgam pɨlke, ton b'ogla yingg yamnɨkenen tina ouyaena rɨgand komkesa gɨm ke b'ogɨl gasa ke.

Naskanyam Tesalonika Leta 2:6

Ɨ sɨn makwa ke oraka eyentondam rɨga wa pɨlke esourena mɨle okatam, makwa ke wa pɨlke dɨde makwa ke nɨnda rɨga wa pɨlke.

Nɨmogɨm Tesalonika Leta 3:7

Mop nokɨp wɨn walenggyam wumɨr im wekenyɨt da, rɨdede im wɨn b'obogɨl sowaina wɨngata mɨle yɨmta tundokindam. Sɨ sɨn maka dɨnder kɨma wɨmena wuwenond, re sɨn wɨn kɨma wekenond.

Naskanyam Petro Leta 2:21

Mop nokɨp God wen ara emokinonj re odede mɨle omnɨka manaemb. Ɨ nok paemb jɨ da kemb Keriso b'ɨdgotnena akateninonj wa map, ɨ ɨngkenaemb ton wɨngata mɨle wa erarkainonj, nokɨm da ɨdenat wɨn tina lomena yɨmta tundokenenindam.

Naskanyam Petro Leta 5:3

Ɨ mera Yonggyam gar ke utkunda rɨga aramisinonj re wa yɨm kumb nat. Sɨ wɨn goro pumbjog wa yonggyamɨm taininam towa wɨngɨrɨnd. Ajɨ wɨn b'ogla b'ogɨl wɨngata rɨga na tainindam towanɨm yɨmta undokam.