Nɨmogɨm Korinto Leta 8:13 - Wipi

¹³ Ɨ kon ma nok ma nindenyɨn da ɨdenat wɨn b'ɨdgotnena okasya ukoijog wurar mɨle omnɨka map dɨde onggɨtyam waina wurar mɨlet nɨnda rɨgaina bebɨg awɨr tamnauranj. Ajɨ kon nok ma nindenyɨn da ɨdenat wɨn dɨde ton komkesa yɨpa rɨrɨrkɨp wɨmena okatenya.

Nɨmogɨm Korinto Leta 8:13 ပူးပေါင်းရင်းမြစ်များ

Ɨtaikena Peba 4:34

Sɨ makwa yɨpa rɨga ingaena gasa kesa yɨbnonj towa wɨngɨrɨnd, nokɨp yepiya re gou kɨpol o met owama eyento, ton asogenento dɨde wulkɨp emdenento, ɨ ket eyenento mɨra wulkɨp ɨtmɨkitijog rɨga wa pɨlwa.

Nɨmogɨm Korinto Leta 8:12

Mop nokɨp ra wɨn gar ke singi oramisya wurar mɨle omnɨkam, wɨn wurar mɨle tamnɨkindam onggɨt gasa kaim nangga im re wa pɨlɨnd wekeny. Sɨ God opima b'obogɨl temjasiny onggɨtyam waina wurar mɨle, ajɨ Ton ma onggɨt gasa kaim temjasiny rɨnsim re maka wa pɨlɨnd wekeny.

Nɨmogɨm Korinto Leta 8:14

Sɨ yu wɨnɨnd, waina jogjog gasapim ten yɨm akauranj nanggamog ingaena gasa mim ton b'arakanj. Nokɨm da ra wɨdaka nanggamog ingaena gasam b'atrakindam, ɨdenat ton towaina jogjog gasa ke wen yɨm takauranj. Sɨ odede walenggyam yɨm b'akaena kaim wɨn dɨde ton yɨpa rɨrɨrkɨp wɨmena okatenya.