Nɨmogɨm Korinto Leta 6:9 - Wipi

⁹ Ɨ nɨnda rɨgap sɨn usenena niyenenanj da sɨn re ma ongwati rɨga im, ajɨ sɨn re ɨmɨnjog ongwati rɨga im. Ɨ rɨgap sɨn uj mim numunenenanj, ajɨ yɨr de, sɨn re yilo im wɨmena wuwenyɨn. Ɨ rɨgap sɨn negɨr ma b'ɨsagɨka wa oramitena niyenenanj, ajɨ sɨn makaima uj aukindam.

Nɨmogɨm Korinto Leta 6:9 ပူးပေါင်းရင်းမြစ်များ

Ɨtaikena Peba 17:18

Ɨ Pol Yesum gatab dɨde Tina utnyita gatab God ma b'ogɨl yɨrkokar bage yɨt pɨtapɨta amneninonj rɨga wa pɨlwa. Sɨ onggɨt penaemb re nɨnda Epikuriyo ouyaena rɨga dɨde nɨnda Stoiko ouyaena rɨga utkundento, ton nonysɨpsɨp kɨma yɨt b'ugwatena wuwenonj Pol kɨma. Sɨ towa wɨngɨrɨnd nɨnda rɨgap endento da, “Onggɨt yɨtrɨbam rɨgat nangga singi gatab yɨt im apureniny?” Ɨ kwa nɨnda rɨgap endento da, “Ton rɨka pɨtapɨta amneniny re nɨnda b'enga god wa gatab yɨt im.”

Ɨtaikena Peba 19:26

Ajɨ wɨn opima yɨr ongong eyenindam dɨde utkundena wuwenyɨt ɨtemb rɨga Pol tina mɨle. Ton yikeny ma Epeso taun nena nate, ajɨ ama rɨka komkesa Asiya eriya nata e, dɨde ket ma sobijog danda kɨma im rɨga ugowa eyeniny odede yɨt kɨma da, ‘Rɨgaina yɨm ke omnɨki aidol god re ma ɨmɨnjog god im.’ Sɨ ukoi rɨga bobo kea tina yɨtkak gar ke akatento.

Ɨtaikena Peba 25:19

Ajɨ ton re ɨna nena na apurento towaina yɨna mɨle gatab yɨt dɨde yɨpa uj rɨga Yesum gatab yena re Pol ɨmɨnjogɨm yomnenonj da Ton kea uj ke utnyitonj.

Ɨtaikena Peba 25:26

Sɨ kor nony ke da ɨtemb re ma b'ogɨl e sɨbɨbmet rɨga ɨtmɨkitam Kaisam pɨlwa tin kot omnɨkam ɨmɨnjog rɨl odari kesand. Ajɨ kon makwa yɨpa ti gatab kot omnɨkam rɨl yodarond rɨnte ra kon ɨrɨken kor yonggyam Kaisam pɨlwa. Sɨ onggɨt paemb kon Polɨnd iyɨn komkesa wa wɨp wa, ajɨ ukoijog re king Agripa mor pɨlwa e. Sɨ wɨn b'ogla tin ɨgekenya onggɨt bebɨg gatab. Ɨ ra wɨn ti gatab nangga rɨl na tadarkindam onggɨt kotɨnd, sɨ ɨngkaemb ket kon ɨrɨkainyɨn Kaisam.”

Roma Leta 15:19

Ɨ kwa Keriso ken ningawonj kɨd kesa kɨma danda wɨko dɨde moga kɨma danda wɨko omnɨkam God ma Yɨnayɨna Wɨngawɨngamna danda ke. Sɨ kon Kerisom gatab God ma b'ogɨl yɨrkokar bage yɨt kupkakupka warabag omnɨka yiyenond komkesa eriya nata Yerusalem taun ke ngɨrpu dea ta Ilurikon gatab wa.

Roma Leta 8:36

Ɨja emb jɨ yɨna peband ɨrɨki yɨbɨm da, “Sɨn mor map uj mim nipouranj onggɨt kupka bibɨrɨnd, ɨ sɨn pɨtapɨta nomnenanj da wɨn re ɨja im opi re ongandam mamoi re dɨde.”

Naskanyam Korinto Leta 11:32

Ajɨ men re kea Godɨm pɨlke onggɨtyam negɨr ma b'ɨsagɨka akatentondam onggɨt gowukoyɨnd. Sɨ ɨngkaimemb men kwa Yonggyam Godɨm pɨlke b'auyaena yokatenyu b'ogɨl mɨle omnɨkam. Nokɨm da ɨdenat men maka negɨr ma b'ɨsagɨka okatenyu yɨpand komkesa gowukoi rɨga kɨma.

Naskanyam Korinto Leta 15:31

Gar ke utkunda nany dɨde yɨngganwar! Kon wa gatab b'asourena yokatenyɨn re mera Yonggyam Keriso Yesum wɨp nate. Sɨ kon wanɨm ɨmɨnjog e nitinjɨn da kon uj e wɨp yowarkenenyɨn bibɨr weanjweanj God ma b'ogɨl yɨrkokar bage yɨt pɨtapɨta omnena map.

Naskanyam Korinto Leta 4:9

Mop nokɨp koina nony menamena ke ɨja e wɨp awɨk da God sɨn ɨtmɨkitijog rɨga kikitumpu wa pɨta wa nondrasiny re odede im opi re rɨga bajbajɨnd uj ma b'ɨsagɨka okatam rɨga re dɨde. Sɨ sɨn re ɨtabɨna rɨga im aukindam kupka gowukoyɨm, ɨ aneru wa ɨ dɨde rɨga wa.

Nɨmogɨm Korinto Leta 11:6

Ɨ nangga ma jɨ rada nɨnda b'anygɨnena ɨtmɨkitijog rɨgap endenanj da koina opurena re ma b'obogɨl b'auyaeni kɨma im. Ajɨ kon ukoijog wumɨr en God ma yɨtkak dɨde mɨle gatab. Sɨ sɨn sowaina komkesa ouyaena kena dɨde mɨle kena onggɨt gatab pɨtapɨta omnena eyentondam wa pɨlwa.

Nɨmogɨm Korinto Leta 4:2

Ajɨ sɨn erarkɨtondam komkesa ɨngar kɨma wɨgawɨga mɨle, ɨ sɨn ma opima engaenenindam rabem b'amnena mɨle, ɨ dɨde sɨn kwa ma opima God ma yɨtkak askamkenenindam. Ajɨ sɨn ɨnta ɨmɨnjog yɨtkak nena rɨga wa pɨlwa pɨtapɨta amnenenindam. Sɨ komkesa rɨga wumɨr im onggɨtyam sowaina mɨle gatab rɨnsim re sɨn dɨmdɨmjog amnɨkenenindam Godɨm wɨpɨnd. Ɨ daka towaina kukɨp ke nonykokɨp kwa yɨpand gɨlgɨl emjatenanj onggɨtyam sowa gatab.

Nɨmogɨm Korinto Leta 5:11

Sɨ onggɨt paemb sɨn onggɨtyam Kerisomna b'ɨsagɨka gatab ukoijog moga yuwadenenyu dɨde rɨga danda kɨma ɨl ongka eyenindam Kerisond moga uwadam. Sɨ God opima pɨtakɨpɨnd sɨn yɨr nongeneniny rɨja im re sɨn ɨmɨnjog dɨmdɨm wɨko omnɨka yiyenyu. Ajɨ daka kon kwa gar ke singi aenyɨn da wɨn b'ogla pɨtakɨpɨnd wumɨr okasya onggɨtyam kor gatab waina kukɨpɨnd nonykok ke ɨmjatena kɨma.