Nɨmogɨm Korinto Leta 5:19 - Wipi

¹⁹ Ɨ isɨpkita ɨja emb jɨ da God kea Kerisom pɨlɨnd yɨbnonj, nokɨm da ɨdenat Ton Tilenggyam gowukoi rɨga kɨma rɨgarɨga tainy. Sɨ Ton maka rɨgaina negɨr mɨle agenkinonj mɨra omnam, ajɨ eomnenainonj Keriso map, ɨ daka ket mera pɨlɨnd onggɨtyam rɨgarɨga omnena yɨtkak yoramitonj ɨt re da rɨga iyenam Ti pɨlwa Ton kɨma rɨgarɨga awowɨm.

Nɨmogɨm Korinto Leta 5:19 ပူးပေါင်းရင်းမြစ်များ

Matayo ma Peba 1:23

“Yɨr de, yɨpa pɨl esopai kesa ngɨmngai ɨta ngor kɨma tainy dem dɨde ket ton leo B'ɨga ukenj dem. Ɨ rɨgap ket tin nyɨ ogenai dem da ‘Emmanuwel’.” Sɨ Emmanuwel engenda yɨtkak re noke da, “God ɨta men kɨma”.

Yoan ma Peba 14:20

Sɨ wɨn onggɨt bibɨr nasimemb nonyɨk b'atɨmjindam dem da Kon re nɨbnyɨn Kor B'uɨm pɨlnate, ɨ wɨn re wekenyɨt Kor pɨlnasim, ɨ Kodaka re nɨbnyɨn wa pɨlnate.

Yoan ma Peba 17:23

Ɨ Kon towa pɨlnate nɨbnyɨn dɨde Man Kor pɨlnate mɨbnyɨt. Sɨ toda odede nya kaimemb kupkakupka yɨpaina tauranj. Nokɨm da ɨdenat gowukoi rɨga wumɨr taukanj da Manɨt Ken nɨtmɨkitot dɨde Mansim ten singi eyeninyɨt odede rɨngma na re Man Ken singi niyenot.

Roma Leta 11:15

Ɨ God kea Israel rɨga esainonj ɨ ɨngkenaemb Ton ket gowukoi rɨga kɨma rɨgarɨga awonj. Sɨ ra Ton ten b'usaya takasiny, nangga e ket tawɨk? Ɨtemb re ujɨm pɨlke yɨrkokar e. Sɨ onggɨt paemb kon ukoi singi en da nɨnda Israel rɨgap b'ogla yɨrkokar okatenyi dem.

Naskanyam Korinto Leta 13:5

ɨ b'ɨsnawa kesa mɨle, ɨ butum mɨle, ɨ soro mɨle, ɨ dɨde nonyɨk iyena mɨle rɨgaina omnɨki negɨrjog mɨle gatab.

Kolosai Leta 2:9

Sɨ Keriso kea rɨga jɨ awonj, ajɨ kea Godɨmna kukɨp kupka rɨrɨrkɨpjog Ti pɨlɨnd wɨmena yikenonj.

Naskanyam Timote Leta 3:16

Ɨ ɨtemb re ma b'arkena kɨma e, ajɨ pɨta nate da onggɨtyam meraina Godɨnd ewangaya mɨle re ukoijog wɨgawɨga mɨle e. Sɨ ɨtemb jɨ wɨgawɨga Godɨnd ewangaya mɨle. Sɨ Keriso re kea rɨgaina jɨ ke pɨta awonj. Ɨ Yɨnayɨna Wɨngawɨngat Tin pɨtapɨta yomnonj da, “Ton re negɨr kesa dɨmdɨmjog rɨga e.” Ɨ kwa anerup kea Tin yɨr yongo. Ɨ rɨgap kea Tin pɨtapɨta yomneno komkesa b'engabenga yɨtam wɨngɨrɨnd, dɨde ket kea rɨgap Tin gar ke utkunda ke yokateno yepim re wekeny onggɨt gowukoyɨnd. Ɨ dɨde ket God b'ogɨl ɨnyomarena kɨma Tin yurowatonj pumb tungg wa.

Naskanyam Yoan Leta 4:10

Ɨja naemb jɨ Godɨmna singi b'iyena mɨle pɨta awonj da, men maka Godɨnd singi yiyenonda ajɨ Tonɨt men singi niyeninonj dɨde ket Tina B'ɨga yɨtmɨkitonj meraina negɨr mɨle ɨrabɨka sɨ b'anggam.