Nɨmogɨm Korinto Leta 11:29 - Wipi

²⁹ Ɨ ra kon yɨpa rɨgand yɨr ongen gar ke utkunda danda kesa wɨmenand, sɨ koda ɨta ita wɨnɨnd nony bebɨg aukenenyɨn. Ɨ kwa ra kon yɨpa rɨgand yɨr ongen yɨpa rɨgand negɨr mɨle wa wɨp omnenand, sɨ kodaka ɨta soro kɨma gar pembpemb aukenenyɨn towa pɨlwa.

Nɨmogɨm Korinto Leta 11:29 ပူးပေါင်းရင်းမြစ်များ

Matayo ma Peba 11:6

Sɨ God ma b'ogɨl ɨta ton kɨma yet ra onggɨtyam Koina mɨle gatab yɨt tutkunj ɨ ɨngkaemb ket ton maka sap totenj gar ke utkunda kesa mɨle wa.”

Yoan ma Peba 2:17

Ɨ re Yesumna b'auyaena rɨgap onggɨtyam auki mɨle yɨr yongo, ton kea nony aukɨto onggɨtyam yɨtkak rɨnte re yɨna peband ɨrɨki yɨbɨm da, “Abu kon moina metɨm ukoi singi e aukenenyɨn, sɨ onggɨtyam ukoi singite ken mu pembpemb omnɨka niyeneny.”

Roma Leta 12:15

Ɨ wɨn b'ogla ukoi sam kɨma ngolengole aena tuwenyɨt ton kɨma yepim re sam kɨma ngolengole aena wuweny, ɨ yii tainindam ton kɨma yepim re yii aenenanj.

Roma Leta 15:1

Ɨ men yepim re danda kɨma owɨnkindam gar ke utkundand, b'ogla turowatenaindam towaina bebɨg yepim re danda kesa wekeny gar ke utkundand, ɨ goro meralenggyam sam rakateninum.

Naskanyam Korinto Leta 11:22

Sɨ wɨn nangga pae odede nenegɨr nya ke areto amnɨkenenindam? Sɨ rɨngma, rɨka wa awɨr im met owowɨm dɨde onaikam? Sɨ nangga pae wɨn odede Godɨmna sosi ɨsnawa kesa yomnɨkenenya dɨde odede gasa kesa rɨga ɨngarɨm amnɨkenenindam? Sɨ b'ogla nangga yɨt im kon wen tamninyɨn? Rɨka rɨrɨr en kon wen tasoureninyɨn? Nayɨ, kon ma opima wen tasoureninyɨn onggɨt gatab.

Naskanyam Korinto Leta 12:26

Sɨ rada yɨpa kɨpearɨt b'ɨdgotnena okas, sɨ komkesa kɨpear opima yɨpand gɨlgɨl onggɨtyam b'ɨdgotnena okatenyi. Ɨ kwa rada yɨpa kɨpearɨt esourena okas, sɨ komkesa kɨpear opima yɨpand gɨlgɨl onggɨtyam sam okatenyi.

Naskanyam Korinto Leta 15:36

Sɨ korɨrkorɨr rɨga, wɨn opima tuny ɨgmarka eyenenindam. Ajɨ ra opimemb tuny gɨm uj taukanj, ɨ ton ket opima pok tɨkkanj.

Naskanyam Korinto Leta 8:13

Sɨ onggɨt paemb rada kon koina gar ke utkunda nanyɨnd o yɨngganɨnd negɨr mɨle wa sap otendenam omnyɨn koina owou mɨle ke, kon dadal b'angga ongong tuwaben. Nokɨm da ɨdenat kon maka kor gar ke utkunda nanyɨnd o yɨngganɨnd sap otendenam omnyɨn negɨr mɨle wa.

Naskanyam Korinto Leta 8:9

Sɨ wa ɨta danda komkesa b'angga dɨde owou owowɨm. Ajɨ wɨn yɨr kɨma tekenyɨt da ke onggɨtyam waina dandat rɨga b'uwombenam ramnenin yepim re gar ke utkunda ke danda kesa wekeny.

Naskanyam Korinto Leta 9:22

Ɨ ɨte re kon gar ke utkunda ke danda kesa rɨga kɨma nɨbnenenyɨn, kon towaina danda kesa mɨle rɨrɨr nate aukenenyɨn, nokɨm da ɨdenat kon onggɨtyam gar ke utkunda ke danda kesa rɨga teyeninyɨn Kerisom pɨlwa gar ke utkunda danda okawam. Ɨ dɨde kwa kon komkesa b'engabenga rɨgaina mɨle wa aukenenyɨn, nokɨm da ɨdenat kon towa wɨngɨrɨnd leamog rɨga yɨrkokar wa teyeninyɨn koina kupka danda rɨrɨrɨnd.

Nɨmogɨm Korinto Leta 13:9

Ɨ ra wɨn danda kɨma towɨnkindam walenggyam negɨr mɨle ongapam, sɨn ukoi sam im taukindam ra sɨn sowaina negɨr mɨle b'ɨsagɨkam danda gou wa omnyu. Sɨ sɨn odede im wa gatab yɨr opmita amnɨkenindam da wɨn gar ke utkunda ke rɨgajog taukindam walenggyam owɨnkam.

Galatiya Leta 2:14

Ajɨ onggɨt wɨnɨnd kon kea yongwatond da ton maka ɨmɨnjog yɨtkak dɨmdɨm yɨmta yundoko rɨnte re yɨbɨm God ma b'ogɨl yɨrkokar bage yɨtɨm pɨlɨnd. Sɨ onggɨt penaemb kon komkesa rɨga wa wɨpɨnd Petrond samany ke yomnond da, “Man re Ju rɨga et, ɨ man wɨmena mekenyɨt God ma obagɨki kesa rɨgaina mɨle nate, ajɨ ma ɨja e ɨt re Ju rɨga waina mɨlend re dɨde. Sɨ nangga pae man God ma obagɨki kesa rɨga danda kɨma ɨl ongka eyeninyɨt Ju rɨga waina mɨle wa awowɨm.”

Galatiya Leta 6:2

Ɨ wɨn b'ogla walenggyam walenggyam bebɨg gasa turowatenindam, ɨ ɨngkaimemb onggɨtyam gog yɨt rɨrɨrkɨp omnenya rɨna re Keriso b'ingawa yoramitonj omnɨkam.

Ouyawa Peba 2:2

“Kon wumɨr en moina omnɨka dɨde b'asowa ɨ dɨde moina mɨmkam ke wɨmena mɨle. Ɨ Kon kwa wumɨr en da, man ma opima enjɨkeninyɨt negɨrjog mɨle rɨga wɨmenam man kɨma. Ɨ dɨde Kon kwa wumɨr en da, man kea onggɨtyam rɨga otonkena eyeninot yepiya re towalenggyam b'agenaito ɨtmɨkitijog rɨgam ajɨ ton ma onggɨtyam rɨga na. Sɨ ɨngkenaemb man ket angwateninot da ton re b'anygɨnena rɨga im.

Ouyawa Peba 2:20

Ajɨ Kor ɨta samany yɨt mornɨm da, man ɨta wɨnjɨkenyɨt ɨtomb re kongga Yejebelɨnd yeto re tilenggyam b'agenai bageyamɨm. Sɨ ton Koina wɨko rɨga auyaeneniny b'anygɨnena nya wa negɨr b'iyena mɨle omnɨkam dɨde b'anygɨnena god aidol ewangaya diyamdiyam awowɨm.