Ibru Leta 3:8 - Wipi

⁸ wɨn goro waina gar rogɨlkak tamnɨkina odede rɨja na re Ju rɨgap Godɨm pɨlwa soro kɨma bebɨg mɨle amnɨkenento onggɨt wɨnɨnd re ton Godɨnd nenegɨr kana otonkena yiyeno de wul kesa tunggɨnd.

Ibru Leta 3:8 ပူးပေါင်းရင်းမြစ်များ

Matayo ma Peba 13:15

Mop nokɨp opimemb rɨga waina gar sɨbɨb ke ɨkangɨndi im wekeny, ɨ towaina yɨpya bora re ɨdokijog im wekeny, ɨ towaina yɨrkɨp re osmantijog im wekeny. Ra maka ra, ke ton wɨngawɨnga ke yɨr ongong reyeninem towaina yɨrkɨp ke, ɨ ke ton wɨngawɨnga ke rutkundeninem towaina yɨpya ke, ɨ ke ton wɨngawɨnga ke nony raukinem towaina garɨnd dɨde ket ke ton rengenjinem Kor pɨlwa ɨ dɨde ket ke Kon ten resakenjinɨn.’

Ɨtaikena Peba 19:9

Ɨ re rɨgap tina yɨt utkundenento, nɨnda rɨgap gar rogɨlkak aukɨto, dɨde ket tina yɨtkak b'ɨsaito. Ɨ dɨde ton ket Yesumna onggɨtyam ouyaena nya gatab negɨrjog yɨt opurena eyento rɨga bobo wɨpɨnd. Sɨ onggɨt penaemb Pol ten erarinonj. Ɨ ton ket b'auyaena rɨga nena na emjinonj, dɨde ket eyinonj de yɨpa ouyaenapu met wa ogenaya da Tiranno. Seg ton ket ita bibɨrɨnd God ma yɨt towa esɨpkenaeneninonj.

Ɨtaikena Peba 7:36

Ɨ onggɨt Mosetemb moga kɨma danda wɨko dɨde kɨd kesa kɨma danda wɨko amnɨkinonj Ejipt kantri wɨngɨrɨnd ɨ Kuskus Sɨpa ɨjendand ɨ dɨde poti (40) kemag kɨma wul kesa tungg nata menamenand. Sɨ ton ket Israel rɨga apenjinonj Ejipt kantri ke.

Naskanyam Korinto Leta 10:9

Ɨ kwa towa wɨngɨrɨnd nɨnda rɨgap kea Kerisond negɨr nya ke otonkena yiyeno, sɨ ton uj aukɨto re gɨrem waina ongi kena. Sɨ onggɨt paemb meda goro kwa Kerisond negɨr nya ke otonkena yeyenu odede ton re dɨde.