Epeso Leta 5:24 - Wipi

²⁴ Sɨ ɨte re sosi Kerisom pɨlwa b'akaeneny. Sɨ daka odede yɨpa wɨp ke kongga, wɨn b'ogla wa leowar wa pɨlwa b'atkaenenindam komkesa mɨle wɨngɨrɨnd.

Epeso Leta 5:24 ပူးပေါင်းရင်းမြစ်များ

Luk ma Peba 10:17

Sɨ ket sebenti (70) b'auyaena rɨga ɨtekto sam kɨma, ɨ endento da, “Yonggyam! Nangga ma jɨ negɨr wɨngawɨnga, ton kea sɨn yɨt nutkundento, re sɨn Moina nyɨ kɨma b'ingawa yoramitenonda.”

Epeso Leta 5:23

Mop nokɨp leo re konggam moptekɨp e yɨbɨm, odede ɨte re Keriso Tina jɨ sosim moptekɨp yɨbɨm. Sɨ Keriso Tilenggyam re Tina jɨ sosim yɨrkokar okawayam e yɨbɨm.

Epeso Leta 5:25

Kongga kɨma rɨga! Wɨn b'ogla wainajog kongga singi teyenindam odede ɨte re Keriso sosi singi yiyenonj ɨ ket Tilenggyam sosim yɨrkokar b'akawonj.

Epeso Leta 5:33

Ajɨ kon b'usaya nitinjɨn da wɨn yɨpayɨpa rɨgap, mada b'ogla molenggyam moinajog konggand singi tiyenyɨt odede rɨja e re man molenggyam singi b'iyenyɨt. Ɨ kwa onggɨt konggat, madaka b'ogla mor leond moga kɨma ɨsnaenenyɨt.

Kolosai Leta 3:20

B'ɨga! Wɨn b'ogla wainajog b'uwar ake mogwar yɨt tutkundenindam ita wɨnɨnd, mop nokɨp onggɨtyam mɨle re Yonggyamɨnd samɨm omnena mɨle e.

Kolosai Leta 3:22

Wɨko rɨga! Wɨn b'ogla waina gɨm ke gowukoi yonggyamwar tutkundenindam komkesa nya ke. Ajɨ wɨn goro towaina yɨr map wɨko tamnɨkenindam odede rɨja im re rɨgap wɨko amnɨkenenanj rɨga wa sam okawam. Ajɨ wɨn b'ogla Yonggyam Kerisond moga uwadenenya, ɨ ket yɨpaina ɨmɨnjog nonykok kɨma wɨko tamnɨkenenindam.

Tito Leta 2:7

Sɨ man b'ogla molenggyam b'ogɨl omnɨka mɨle pɨta tamnenawainyɨt sisɨl rɨga wa, ɨ ket towanɨm b'ogɨl wɨngata rɨga taet. Ɨ moina ouyaena wɨngɨrɨnd, man b'ogla dɨmdɨm opurena dɨde mɨle tengaeninyɨt, ɨ b'obogɨl nonyɨk b'amdena kɨma wɨmena metkenyɨt,

Tito Leta 2:9

Ɨ moina sosi wɨngɨrɨnd opima rɨgaina wɨko rɨga. Sɨ man kwa ten tugoeneninyɨt da ton b'ogla b'atkaenenanj towainajog yonggyamwar wa pɨlwa komkesa b'ingawa wɨngɨrɨnd, ɨ dɨde ton b'ogla ten b'obogɨl gar samɨm tamnenenanj ita wɨnɨnd. Ɨ kwa wɨko rɨga goro towa yonggyamwar waina yɨt ɨwaenena teyenanj,