Epeso Leta 4:23 - Wipi

²³ Ajɨ wɨn waina kukɨp dɨde nonykok kupkakupka sisɨl tamnɨkindam.

Epeso Leta 4:23 ပူးပေါင်းရင်းမြစ်များ

Roma Leta 12:2

Dɨde goro wɨn onggɨtyam gowukoi mɨle kupkakupka ɨmɨnjog ke wumɨr taukinam, ajɨ wɨn waina nony menamena sisɨl amnɨkinam, ɨ ɨngkaimemb wɨn ket b'enga wɨp rɨga taindam. Nokɨm da ɨdenat wɨn ket temjatenindam nangga im re Godɨmna b'ogɨl dɨde sam okatam mɨle ɨ dɨde kupkakupka singi.

Roma Leta 6:4

Sɨ onggɨt paemb re men baptiso yokatonda Kerisomna uj kɨma yɨpand awowɨm, men kea ton kɨma yɨpand gop wa niglinonj. Nokɨm da ɨdenat men sisɨl yɨrkokarɨnd menon okasu, odede yɨpa wɨp ɨt re naskand Keriso utnyitonj Abumna b'ogɨl ɨnyomarena ke.

Roma Leta 8:6

Nokɨp gɨm ke gowukoi rɨgam pɨlke nony menamenat rɨga wɨp teyeniny ra uj waim, ajɨ Yɨnayɨna Wɨngawɨngam pɨlke nony menamenat rɨga wɨp teyeniny ra yɨrkokar dɨde ngɨmbla wa im.

Epeso Leta 2:10

Mop nokɨp yu men ɨja im-a odede wɨp aukindam rɨja na re God nomnɨkinonj. Sɨ God men odede Keriso Yesum pɨlke b'usaya wɨngawɨnga ke notobarkinonj re, nok mana da ɨdenat men Tina b'ogɨl wɨko omnɨkam wɨmena tuwenyɨn rɨna re Ton naska get ke tula angonjeninonj.

Kolosai Leta 3:10

Ɨ wɨn kea sisɨl kukɨp rɨga b'ikoktondam ɨ tonsimemb wen sisɨl omnɨka eyenanj. Sɨ ɨngkaimemb wɨn ket Godɨm gatab wumɨr auka wuwenyɨt, ngɨrpu ket wɨn otobarkayam Godɨmna wɨpkak im auka wuwenyɨt.

Tito Leta 3:5

God mera yɨrkokar nokainonj re ma meraina omnɨki negɨr kesa dɨmdɨmjog mɨle mapena, ajɨ Tina kear rɨrɨr nat. Sɨ God mera yɨrkokar okawayam Yesu Kerisond yingawonj Yɨnayɨna Wɨngawɨnga ukoijog danda kɨma imuram meraina garɨnd. Ɨ re Yɨnayɨna Wɨngawɨnga b'imuronj meraina garɨnd, Ton ket men gony neaukinonj wɨngawɨnga ke kɨlkesa omnam, ɨ ɨngkenaemb God men wɨngawɨnga ke nukukinonj Tina b'ɨgam dɨde ket sisɨl nomnɨkinonj. Sɨ God odede nya kenaemb mera yɨrkokar nokainonj.

Naskanyam Petro Leta 1:13

Sɨ onggɨt paemb wɨn b'ogla waina nonykok danda kɨma b'obogɨl ongapa teyenindam dɨmdɨm wɨmenam, dɨde nonykok ɨpangka teyenindam b'obogɨl nony aukam. Ɨ wɨn ket b'ogla kupkakupka nonykok kɨma waina warɨm b'ogɨl ɨsma taramisindam onggɨt wurarɨm pɨlɨnd rɨnte ra God wa tetiyainy dem, ra Yesu Keriso pɨta tainy dem.