Injilo No Saŋ 8:54 - Gúloku Díino

⁵⁴ Yensa aŋoyindeeniŋ ayéjeeniŋ: - Ingah! Me guyroŋ karo guyoofunoora giŋane. Aji iyoofunooray, guyoofunooraŋo g’eyoofunoorane dayik nafa. Kanda Bááhum Díino, úmár gayoofunkumne. Abocin ayéjeeniŋ: - Ninkinan, ingah! Gúyejheŋyej úmár guramunkaŋne k’uhuyomoŋ Díino. Nim gúyejeheŋne.

Injilo No Saŋ 8:54 ပူးပေါင်းရင်းမြစ်များ

Injilo No Saŋ 17:1

Angu Yensa, balóbi nim mees aning a raafo bi arjanna k'ayéj: - Abó, waato abábár angu. Inini, me mo na n'ikiinaho k'ujellihin jamaŋo bafukon b’okibeemne, me Úbákán, ki nim Úbákán apiren ajellihin jamaŋo bafukon mees.

Injilo No Saŋ 17:5

Inini, Abó, me mo bim n' ikiinaho k'uŋoyineem a bafukum b'eyikerne fam jandiŋ duniyaŋo inno bayabumaa, f'eroŋne buguyo ingi fi. Hómár gikiinahenne.

Injilo No Saŋ 2:11

Angu tamaseero nómár, nómár agune aliiho no Yensa ajellihinne jamaŋo. Akankaan nómár a saariŋo n'aretuhne Kana. Agida Kana agune a didiirahu Galile. Na gajellihinne jamaŋo bafukunom b'afúruntne imbi Díino. Angu ñantaalibehinem, banfégi hómár, anfiyumem.

Injilo No Saŋ 5:41

Ayéjeeniŋ: - Me giri ítibeh ki jamaŋo anyoofun gurethum,

Injilo No Saŋ 7:18

Wúuro m’alóbohne gunanaam asíibáásiib k’andankam. Ki úbuuñuraaŋo úwuuhinno asíibaháneh k'andank m'abúuñuremne. Wúuro úmár gara ajodumoh.

Injilo No Saŋ 7:39

Agida Yensa f’aretne na baaruŋo b'anéerumehne kanjébo, na Jamméejhu Díino Jarenninno galóbumohne. Ayikhineh bísiba bi jamaŋo m’anfiyumemne anjakáneh Jamméejo jámár, kanda bísibaŋo bímár aroŋroŋ. Úpájuleŋ, waato nómár ni Díino fanti bakucun Jamméejhinem Jarenninno imbi jamaŋo. Agida a waato nómár ni Yensa fanti bakengunaa k'ajah guramunkánam. Angu, gúmár akanne Díino fanti bakucun Jamméejhinem Jarenninno imbi m’anfiyumemne.

Injilo No Saŋ 8:41

Na ninkinan gukankaŋkaan ínhonduko ingi ho bááhánan akaanahne. K'anyéjem: - Mint bááh úmánduk bareŋ giyikminne. Úmár agune Díino. Mint guyrimiŋ jaraah j'ambosaa a kunnungaŋo.

Injilo No Saŋ 8:50

Ingah! Me ŋayri bútib ki jamaŋo andankam. Hómár nip íbendurbendur Bááhum Díino maro úmár gadékehne ba bulekhu balóbo. Yensa abocin ayéjeeniŋ: