Injilo No Saŋ 7:41 - Gúloku Díino

^41-42 Immi anyéjeh: - Kanda úmár agune Umaasaŋo Mu Díino Acaabenne. Kanda índukoŋo aññopoh k’anyéjeh: - Wówo! Úmár gireŋ! Ingah! Umaasaŋo Mu Díino Acaabenne dafúrumor a didiirahu Galile deh! Aññañaañ a Hañaañeno maro afúrumokuneh a muhenku umaasaŋo Dawuda, te Dawuda a saariŋo n’aretuhne Betlihem gabosaane. Angu, na Umaasaŋo Mu Díino Acaabenne añantane afúrumor. Dafúrumor Galile.

Injilo No Saŋ 7:41 ပူးပေါင်းရင်းမြစ်များ

Injilo No Saŋ 1:41

Angu dam Andáre, f'afúruntne imbi Yensa, awúuh ba imbi údoonom Simon Piyer. Bapút, ayéj údoonom: - Ingah! Idaŋunmiŋdaŋun Umaasaŋo Mu Díino Acaabenne! (Hómár ingine ingi gugáreko inini «Idaŋunmiŋdaŋun Úkáristo.» )

Injilo No Saŋ 1:46

F'alóbne nim, Nataneyel aŋoyindem ayéjem: - Hom? Nasaret?! Hóge honj hajóon apiren afúrumor na? Filip aŋoyindem ayéjem: - Índek índokoŋ, úfekineh ingi sígihen.

Injilo No Saŋ 1:49

Agida Yensa dékereŋ na. Angu, fo Yensa alóbemne nim Nataneyel ayéjem: - Arafaŋ, fi ugune Úbáku Díino, fi ugune Umaasahu Israyel!

Injilo No Saŋ 4:25

Yensa balóbi nim, udikaamo ayéjem: - Ípápájul mara m'ayéjuhne Umaasaŋo Mu Díino Acaabenne adék adékekineh. Inini, úmár apútodir, adék akeekir mintor inho Díino arenn nip.

Injilo No Saŋ 4:29

- Índek índokoonuŋ k’úduk úfegeŋ údiigeeno m’alóbne h’ekanne nip ni wúur téekindom! Karo úmár agune Umaasaŋo Mu Díino Acaabenne?

Injilo No Saŋ 4:42

Banfiyumi Yensa, andek anyéj udikaamo: - Inini ii, mint ídommiŋdom h’otifurne mint k’ifiyummiŋ Yensa. Kanda guyroŋ gubaarhu h’ólobne bareŋ. Biyennehinmiŋ h’alóbohne nip, mint mees ífegmiŋ maro úmár agune Upahunku duniyaŋo.

Injilo No Saŋ 6:69

Mint ii, ifiyummiŋfiyum k'ípájulmiŋ maro fi ugune M'arennáne, M'afúruntne imbi Díino.

Injilo No Saŋ 7:27

Kanda dapiren k'aguy úmár! Eke Umaasaŋo Mu Díino Acaabenne anyéjyej dapájulaa b'afúruntne? Kanda úmár, mintor ímpájulomoŋpájul, infak ímpájuloŋ b'afúruntne.

Injilo No Saŋ 7:31

Agida ñanlabahi m'angune na anfiyumfiyum Yensa. Immereŋ anlóboh anhohayeh k'angu anyéjeh: - Kanda ummu! Añantay aguy Umaasaŋo mu Díino Acaabenne. Ninginteŋ tamaseereŋo n'akaanahne. Yikireŋ wúur m'afaŋam bukanku tamaseereŋo!

Injilo No Saŋ 7:52

Kanda Nikodem balóbi nim ankombom buyeefulo k’anyéjem: - Huyi! Karo fi fi mees údomdom maro Umaasaŋo Mu Díino Acaabenne afúrumokuneh Galile? Inini, déker k’uning Hañaañeno! Hóge ayikyik anabiyoŋ m’afúrumor bim? Yikireŋ deh! Haani amánduk.